II Pierre 2:10 - New Testament in Mitsogo

¹⁰ Kekee ti gandé ane anyima tsôvé dibévani yotô na ahkeenga ényangee éaNzambé. Eekédi adiboe ahndé n’obagaa na nyemo. Ahsookô gomo gôédeta asi g’ôba.

II Pierre 2:10 ပူးပေါင်းရင်းမြစ်များ

LUC TSANGO EAMOSOBA EMATENDA 11:25

Na sangô génika. Gédenga ebee ômagoomboo na ômanyepedu.

LUC TSANGO EAMOSOBA EMATENDA 19:14

Tambô asi tsenge éedi asimônyôngéô. Amakudéga ôgie na gô tsenge émakeangô mbe: We tôsanyôngéô mômôgôô nône anika n’egô gôétôma we.

Mayanzame 23:5

Paul amamôbeenda mbe: Me tsimenyaka mbe angô te pene adeekedi adigondoku. Matendeo MaNzambé matôbeenda mbe: Ombiatoko pene atôma omami.

Romains 8:1

Ekôdéô éebégôe te édué. Gôsabadô géesédéô gôndé ane andé na vitoo na Jésus-Christ.

I Corinthiens 6:9

Nômbiabômu. Abévie asangeengéa g’ôkumu aNzambé. Menyani mbe abévie te angua, asi matasame meengéa gô gésasô na makusa te gô gésasô, na agobedi ambumba yegoni, n’akeyi agésasô n’ane ayanza gésasô amôgôô anguene n’anguene, ageto anguene n’anguene.

II Corinthiens 10:3

Na gô pie ôtôe wami te amôma, ivô ébadi égenya me tsagenya ga môma asamenya éne ééndangô.

Ephésiens 4:19

Aseena tsoyi gô mane mayanzahngô masagôsagô na yôtô yaô. Ahyanza ésima éagô évitsi gésikamé.

Ephésiens 5:5

Votanganôni ébégô édué. G’ôkumu aChrist na aNzambé gôsaba môma agésasô na môma esima éasagô na môsi ônzôô. Gôébégô ône andé n’onzôô te môneegedi ambumba.

Colosses 3:5

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

1 Thessaloniciens 4:7

Nzambé asisevoa wa n’anyô mbe tôdigaa gô minongo mietso miagésasô. Amasevoa wa n’anyô mbe tôaagané n’ebéva gôédigaa môvo n’edi gô étsimama.

II Timothée 3:2

Engaba te nane. Oma angaba na guma n’onzôô okiti, na nyemo na bôpeeo. Angeenza Nzambé na asangagobeda iyee yaô na tétee yaô. Angaba na bôkôsô. Asangaditéda Nzambé na mabégô medi.

Tite 1:7

Endé te nane. Pene étôma mbumu éaNzambé andé n’eyanza évôni gôéweseda gésaô saNzambé gô mbene na gô mbene na gétabé. T’ebandô gôndé angô ésanyepa mbe gôôkanô ta na vibégô vianzongodi. Te buedi mbe môma nône abaka gébé na bôpeeo, na gébé na ôpisa, na gébé na gésima senyua maduku. Abaké gébé môgenyi na gébé n’onzôô adode gôédidiia gô divooti na gô diboe.

Hébreux 13:4

Buedi mbe yômba digobedu na muetso. Na buedi mbe môgadi na mômé abaké n’etondo anguene n’anguene. Nzambé angeeséda asi ôkuanda na asi gésasô.

II Pierre 3:3

Pangani émenya mbe gô pitsi yamôyusumédu gôngaba asi ékeengi na deti éaô. Angadigaa gô manyima maô mabévani. Asi ékeengi ahngavovo n’anye mbe:

Jude 1:10

Ivô amôgôôe adeo noo ane, abuanya metso masanigôgéô ahngô te buanyaga. Agono na nyama yagô pindi dinda minongomie miaô mimeekaganô n’ahngô. Na miangô mikeda ahngô na gôébungana.

Jude 1:16

Amôgôôe ane agiangana kuka yetso na asanyôngéô buéyé n’ene éamôsôba. Adigaa te gô manyima maô mabévani. Ahnyemôga anguene. Andé n’enyepa éamiônya gôévooto oma buta mbe anguene ahdiia sôma.

Jude 1:18

Ameevéda anye mbe: Gô pitsiye yamôyusumédu oma anganôdeta na angadigaa gô manyima mabévani mamitéma miaô mikékôa Nzambé.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.