II Pierre 2:1 - New Testament in Mitsogo

¹ Va mbeego va gatse ambumu éaNzambé vamabaka eekédi adiboe. Te mônongovo va gatse anyô vangaba eekédi adiboe. Ahngô ahtsongonéda meekédume mooboe gôébunza mane mapie. N’ahngô ahkina Môékédi môvôni ône amooboo ahngô. Eekédi adiboe ahngakudungana anguene gôébungana tsina na tsina.

II Pierre 2:1 ပူးပေါင်းရင်းမြစ်များ

Matthieu 10:33

Ivô ône atôna me va mbene oma, me dôta nangamôtôna g’ôba va mbene aTéta.

Matthieu 24:11

Gôngaba eekédi adiboe angabôméda ayekani.

Matthieu 24:24

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Matthieu 24:5

Oma ahngaviga atsua inami na apata mbe: Me te Christ, namatômu na Nzambé. Ahngabôméda oma ayekani.

Matthieu 7:15

Wemai gôndé eekédi adiboe. Aviga na va gatse anyô ga mandombo, tambô gô mitéma miaô te ga nzego.

Marc 13:22

Gôngaviga eekédi adiboe angapata mbe: Me te Christ. Avo dôta angapata mbe: Me te môpandôédi amatasa maNzambé. Ahngatubéda émbégéa na angayanza mabégô manganyônganéôni masoongôa môma ésupua. Eetso éne gôébôméda oma. Buéyé ti na ane ahmasevôu na Nzambé.

LUC TSANGO EAMOSOBA EMATENDA 12:9

Ivô ône atôna me va mbene oma, me dôta Muana Amôma nangamôtôna va mbene asi g’ôba, ayanzie aNzambé mbe: Tsamômenya.

LUC TSANGO EAMOSOBA EMATENDA 21:8

Vane Jésus amakeneda ahngô mbe: Nôwema kabaga nôbômédu. Oma ayekani angaviga atsua inami gô diboe yaô mbe: Me te Christ, ône amasevôu na Nzambé. Na angavovo mbe: Ndéône ébuéyi. Tambô. Nômbiaanda ahngô.

LUC TSANGO EAMOSOBA EMATENDA 6:26

Ti gô maguga mandé n’anye nôkumédu n’akanyô. Anye madeo nôsibôtu eekédi adiboe amakumédu te nane.

Romains 16:18

Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia.

I Corinthiens 11:19

Buétsé vandé tatô va gatse anyô te gôémenyanganô ane andé na vitoo na Nzambé.

I Corinthiens 6:20

Nzambé amavana wa n’anyô n’osunu ôvôni. Tambô tôyanzédékéni yôtô yasô n’anyô gôékuméda Nzambé.

I Corinthiens 7:23

Nzambé amavana anye n’osunu ôvôni. Nômbiasingana na mane mayanza oma kabaga nôkoga avéga aô.

Galatie 2:4

Béyé gamanyôngéô avo mbe ageetu. Ahngô te ane ahmagésangana n’asô ahmapataka mbe: We te ana aTéta. Ahmeengéa na wada gôévôtanganô mônongo agétabé géndéké n’asô n’anyô gôtôvamba na Jésus‐Christ. Ahmanyôngéô étônikéda g’ôvéga.

Galatie 3:13

Christ amakokou gô gévenga sasô n’anyô. T’ebandô amatôoboo na tôsaba gô tsina amôkokou amige. Matendeo MaNzambé matônigôa mbe: Môkokou ôndé gôndé môma ayôhu gô gésumu sowa.

Galatie 4:17

Gôndé avo oma namani énôévéda mbe te ane ahvooto anye na buembee waô, matasa maô masanyepa. Ene ébutahngô te gôéaaganéda wa n’anyô gômbe nôngaba na vitoo gô mane maô.

Galatie 5:20

na égobeda mbumba yegoni, na maganga, n’adudanô anguene n’anguene, na masaganédana na ngusu, na dipisa, na misoso, na pingô yéômbé ésaba na vitôô gô mabégô maNzambé,

Ephésiens 1:7

Gôébégô wa n’anyô tômoobou na tômasingéô kokoo gô ébévee éasô n’anyô gô ngudi yowa aChrist, ône amatômu na Nzambé. Te gô ébégôe éne tôene gayekégéa ngeba yaNzambé gôndé wa n’anyô.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

Philippiens 3:19

Ekôdéô éaô te gébunganéô. Saô gémba te aakagane. Anyemôga gôékuméda mabégô mayanzangô matsoyi. Matasa maô metso te gô mane matsengene.

Colosses 2:18

Nômbiasinga mbe nôétsô ôési na pati môma andé môtémedi gô ésôgee gôéneegeda asi g’ôba ayanzi aNzambé. Môma nône akanéga mbe asugéda amuene tambô anyôngéô ékumédu n’oma. Angô dôta eetsa môtémedi gô miôtô mienangô. Môma nône andé na nyemo éabobo gô mônongoe wedi ôtasangô atsengene.

Colosses 2:8

Wemani kabaga môma anôtsôpa ga môédi atsôpa tsôsô na yata yedi. Yataye te mavovia mabuembe na meekédu magébé na tsoongo mamavaka môma gô éodo éedi. Ngudi yameekédume mane te veekédu mangô gô diônga na diônga, na mangô masatsikô. Madiia ngudi dôta gô ditômuye yava gatse atsina n’oba. Ebandôe éamangô kaka Christ.

I Timothée 5:8

Okô môma asakenea ône wedi, na ootéa ébéva ôkô asakenea môsi ebedi, ékegea mbe ône amani énôtôga gô nzéane éaJésus étôkeani édué. Angô ootéa ébéva n’one asisingé Jésus.

II Timothée 4:3

Menya mbe ndéône éwesea, éne éngakina oma éôkô meekédu mapie. Matô maô manganyôngéô éôkô mabégô masapengana na tsôvé yayôtô yaô. Angakénga gôéévôa eekédi ayekani ngu na vangadenga ahngô môékédi anigôa mane manyôngéô matô maô éôkô.

Tite 1:11

Ibéda ahngô miônyamie mbe akôda gôébégô andé gôéyungéda mbumu amôbongo gômeekédahngô mane masaba kuanakue gôéékédu. Eékéda nane te g’ônzôô adode gôédidiia gô mangônzô maô.

Tite 3:10

Ivédaka gône ane anyongéô étatôa oma aNzambé, meevédéô mabaé, vane kinani évamba n’ahngo.

Hébreux 10:29

Tambô tasani gôndé ône eenza Jésus, Muana ANzambé. Tasani gôndé ône eenda mbe nzina dimaaga gôévambéda angô na Nzambé na gôégôgéda angô môtéma disaba na tsoongo. Na angô dôta adeta Gédidi sangeba yaNzambé. ?Gôndé angô éngaba nayee? Tôsabômu mbe tsôgôône yaô éngootéa na éne éandéô éaMoïse.

I Pierre 1:8

Anye nônyôngéô Jésus‐Christ gémôene. Nômôétsa mitéma madeo nôsimôena na miso manyô. Anye nôtsôkéa na gényônga gémootéani ti v’ekôdéô agényônga. Gényôngage sanyô nôsoongôa égénigôa gandé sangô.

II Pierre 2:3

G’ônzôô waô adiiaga ahngavooto anye na meekédu maô mooboe mavakangô, buta mbe ahngô ahtsôbôga vakambi ahngô. Môtsundédi aô andé va magô bandôa va mbeego. Môbunganédi aô andé ti gôévéngéa ahngô.

I Jean 2:26

Nanôtendéa mabégô mema te gôndé ane abuta ébôméda anye.

I Jean 4:1

Anami amôtéma, nômbiasingana na muetso eenda mbe, me nandé na Gédidi SaNzambé. Tônegedani sangô ôkô mbe gédidige géne géviga gôndé Nzambé. Endé te nane, eekédi ayekani adiboe atsanzabani gô tsengeye yetso.

Jude 1:18

Ameevéda anye mbe: Gô pitsiye yamôyusumédu oma anganôdeta na angadigaa gô manyima mabévani mamitéma miaô mikékôa Nzambé.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.

Gétsutsuéô 13:14

Emabôméda asi tsinane n’etsutsuku émayanzangô g’ôtômu aGényamanyama géndé vangô. Ematôma asi tsinane gôépaka gégoni gôékuméda Gényamanyama. Na sangô, buéyé gamabétuku sangô na ébaga gésiwé.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.

Gétsutsuéô 2:9

Angô mbe: me tsabômu magugame meenanye. Tsabômu n’osugee ôndé n’anye tambô, nôndé n’okiti. Me tsabômu mane matsuavô anye n’ane eenda mbe: Me te Môjuif. Tambô angô kaka Môjuif. Ahndé aneegedi aSatan.

Gétsutsuéô 3:8

Angô mbe: Me tsabômu metso mane meendanye. Me tsabômu mbe anye nôsaba na ngudi éébéyée nane nôgobeda ôgie wami na nôsitsiké nzéane éami. Me nanôkukéa ômbaa ôsangoongôa ékukéga môma.

Gétsutsuéô 5:9

Ahmatôa émbô éamanza mbe: Ii, te éwe, gôndé éwe te kuanakue gôébongo migandamie na gôépunzua mikatékômie. Gôébégô éwe te ômayôhuni. Na g’ôwee woo ômavanéa Nzambé gôndé omedi. Gôndé omeaa amasevou gô mongo metso na gô yôgi yetso na gôndé oma muetso atsenge yetso yagô tsina.

Gétsutsuéô 6:10

Ahmaamugana mbe: ?Kumu eetsimama, na éwe Kumu apie, ôngeenea pitsi diké gôétsundéda asi tsengene, ayôhyie wasô¿ Ongeetsa ahngô tsôgôô nyaa ndé?