II Pierre 1:8 - New Testament in Mitsogo

⁸ Okô mabégôme metso mane mandé gôndé anye na mayekegea, mangô makoa anye nôka oma angudi, gôéyanzéa na gôémenya Kumu asô n’anyô Jésus‐Christ.

II Pierre 1:8 ပူးပေါင်းရင်းမြစ်များ

Matthieu 13:22

Avo te ane ahgono na tungune éndé kavanga. Ahngô ane te ane ookô Mabégô MaNzambé. Ivô matasa maô metso te mikebanganô miava tsina. N’ahngô ahbômédu n’onzôô okiti. Te mabégô mema mayôha Mabégô MaNzambé na makoa mangô maka na sawa na meendô mbe mabégô mabobo.

Matthieu 20:3

Vamatsaanya nyee, kumu atsaga amoomba ékea gôébambéa avo ayanzi. Na amadenga oma gô mbôka ahbuta éyanza.

Matthieu 20:6

Vamapénda kômbéne, kumu atsaga amayusuméda édenga avo oma gô mbôka gébé n’eyanza. Ameevôa ahngô mbe: ?Anye nôdigaa môsee wetso géyanzé nayee?

Matthieu 25:26

Môtômine amamôsemba tsembô mbe: Ewe môyanzi môbévani ôsanyôngéô éyanza. Osibômu mbe me naa môyakô me gépangé éôgaaba. Nakuéga migônô me gépangé émikandéda.

Jean 15:2

Mitabémie mietso miami mine misabôta miônda, Kumu amiwanga. Na mitabémie mietso mibôta miônda akeeda miangô gômbe mingabôta miônda ga kaka miagétabé.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Jean 5:42

Me tsabômu mitéma mianyô. Me tsabômu mbe anye nôsanyôngéô évamba na Nzambé.

Romains 12:11

Yanzani na ngudi gébé na gésima sadakadaka. Yanzéani Kumu Nzambé na môtéma amôkasa.

I Corinthiens 15:58

Ana aTéta n’ami amôtéma, t’ebandô me Paul nanôongô mbe oodoni gô mabégô mema kabaga nôsasipa. Bakani na géviôviô gôéyanzéa Kumu gôébégô éagékundugéô. Nôsabômu mbe éne éyanzanye pitsi yedi éndé anye na vitoo na Kumu Jésus, éndéké na tsoongo.

II Corinthiens 13:5

Vasani gô mitémamie na kanégani anyene ôkô mbe nôndé kuanakue gô mane manyôngéô Nzambé gô nzéane éedi émeetsanye mitémamie. ?Anye nôôkô mbe Jésus andéké gô mitéma mianyô‐a? ?Na ngudi yedi dindé wangô‐a? Vakanéga anye mitémamie mianyô? ?nôéna mbe nôndé na gô pie oma aChrist‐a?

II Corinthiens 8:2

Asi mbumu éaNzambé gô Macédoine amakanégu na maguga mameenahngô. Ivô gô tsina amaguga maô andé na gényônga gévôni, na ahkaba éne éaô éetso gébé na guma, buéyé mbe gandé ahngô misuga.

II Corinthiens 8:7

Anye gône nôndé n’okiti ôvôni. Anye nôsatsuma ngudi na ina aNzambé paga. Nôndé na migôô miitsô anye na Nzambé gôépandôéda mavovia medi, na gôésupua ébégô mbe môma angayavôga éôkô éangô. Nôndé na tsôvé éana aTétee n’anyô agô mbumu éaNzambé. Nôndé étômbiatômbia gô mabégô mema metso tambô tévédani akanyô dôta nzéane gô mane makabanye n’ana aTétee n’anyô asi mbumu éaNzambé.

II Corinthiens 9:14

Ahngô angaba na gényônga gôndé anye na ahngateta mina manyô va mbene aNzambé na gényônga gôébégô mate maNzambé meenanô gôndé anye.

Philippiens 1:9

Oôkoni éne évovo me na Nzambé gôndé anye. Namôduka mbe: Ah Nzambé, yanza mbe ényônganéô éaô évutuga na évunda. Yanza dôta mbe ényônganéô éaô ébaké na tsoongo. Tsoongone te vandé ahngô n’eodo éapie gôémenya ébandôe n’ekôdéôe éamabégô mapie. Naduka Nzambé te nane.

Philippiens 2:5

Anye bakani na ôtasédie ôndé na amuene Jésus‐Christ.

Philippiens 3:8

Kaka mayanza matévo maka gébé na tsoongo gôndé me, te na metso mamisôba moongôa môma ékôndéga gôndé me. Naviia metso mane ngima gô éne émadenga me éôtéa ényepa na metso mane. Namadenga Kumu ami. Nabuta émenya angô, Jésus‐Christ. Gôndé angô namaviia mane mami metso ngima. Nabono mangô ti eembe te tôbi, buta mbe nadiia mane maChrist metso.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

Colosses 2:7

Bakani gôndé angô gandé géétété gésipédu na mitamba miedi gô tsina. Oongôgani na diiani monyoe wanyô gôndé Christ gadiia géétété ône wedi gô mitambamie miedi. Odoni gô mabégô metso maNzambé mameekédu anye masitsumé anye paga. Singani mbe kumane éaNzambé ébunduga gô mitéma mianyô.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

1 Thessaloniciens 3:12

Nanyôngéô mbe Kumu Jésus oomba ékôndéga anye étondoe éndé va gatse anyô na éne éôkô anye gôndé oma muetso. Nanyôngéô mbe ékôndégu gôéba mônongovo n’etondoe éôkô me anye.

1 Thessaloniciens 4:1

Ana aTétee asi mbumu éaNzambé, nômani émenya môdigédi na ésima éamisôba ényôngéô Nzambé. Na gô pie nôdigaa te gô angô. Ivô deo noo nanôtôma, na nanôgondo gô ina aKumu Jésus mbe, ombani ényepeda mônongoe wanyô.

II Thessaloniciens 1:3

Ana aTétee asi mbumu éaNzambé, tôsatsika ékuméda Nzambé gôndé anye. Endé kuanakue gôtôénda nane. Gôébégô anye nôôtéa éwesea gô mbene na gô mbene gô nzéa éaJésus étôkeani édué. Etondo éndé n’anyene n’anyene éndé gôékôndama ti kôndama

I Timothée 5:13

Na éne éôtéa ébéva, te mikué mine adeka gésima sadakadaka. Na ahkénga gô yeba na yeba na agiangana gôétsuavana na gôévovo mane masaba gôndé angô gôétasa na gôévovo.

Tite 3:14

Buedi mbe omee asô n’anyô, éékédu gatôwedéana wa n’anyône na wa n’anyôene gô mane mavôni matôgômbéôni. Enyepa mbe omee asô n’anyô agono na géétété gébôtani gô mayanza maô n’esimee éaô éamisôba, kaka ga géétété sagékômba.

Philémon 1:6

Me naduka Nzambé mbe évambee éndé wa n’anyô gôsatôtsuma Nzambé paga, éngatômenyeda pepe ôkitie ôndéké n’asô n’anyô. Okitie ône te gô tôndé monyovo na Christ, ône amasevou na Nzambé.

Hébreux 6:12

We tôsanyôngéô mbe anye nôkoga gôédigaa n’ombuéa gô monyoe wanyô. Tônyôngéô mbe anye nôba na môvinéné gôétsa mitéma mianyô gébé na paga mônongovo gameenda akanyô ane amoota gô mbene. Ahngô amadiia éne émavanga Nzambé gôndé ahngô.

II Pierre 1:2

Mate medi na gétabé sedi géaangané n’anyô minya mietso gôébégô anye nôsabômu Nzambé na Kumu asô n’anyô Jésus.

II Pierre 1:3

Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene.

II Pierre 2:20

Te vane ôkô oma ahmani éaagana na mabégô mabévani matsengene gôvambangô na Kumu na Mooboyi asô n’anyô Jésus‐Christ, na ahngô anikéa éadeekeda anguene gô mabégô mabévani na yôtô yaô divoo pepe. Ebévee éaô éamôbaé éôtéa ébévee éamapanga.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.