II Pierre 1:7 - New Testament in Mitsogo

⁷ Va ngongo éenanama na Nzambé, kôndégani étondo éana aTétee agô mbumu éaNzambé. Va ngongo étondo éana aTétee kôndégani tsôvé oma.

II Pierre 1:7 ပူးပေါင်းရင်းမြစ်များ

Romains 12:10

Bakani n’etondo gôndé anyene gandé ana aTétee ahndé n’enyônganéô évôni. Gobedanani anyene n’anyene na gényônga.

Galatie 6:10

T’ebandô ôkô tôndé vangô kuka yetso tôena môkasô adagéô ébégô te gôndé wa n’anyô gôémôwedéa. Tôôtéé éwedanéa wa n’anyô asi mbumu éaNzambé.

Colosses 3:14

Va ngongo ametso mane nyepedani mônongoe wanyô n’etondo gôébégô éangô te évamba ékata mitéma mianyô gôéba na vitoo épo.

1 Thessaloniciens 3:12

Nanyôngéô mbe Kumu Jésus oomba ékôndéga anye étondoe éndé va gatse anyô na éne éôkô anye gôndé oma muetso. Nanyôngéô mbe ékôndégu gôéba mônongovo n’etondoe éôkô me anye.

1 Thessaloniciens 5:15

Keneani kabaga va gatse anyô gôbaka môma eendô ébévani na avénda te ébévani. Ivô indakani gôndé anyene na va gatse akanyô kuka yetso te mane mamisôba.

Hébreux 13:1

Nômbiatsika ényônganéôe éndé n’anye éavitoone, nôndé gô mbumu éaChrist.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Pierre 2:17

Bakani na sekaseka gôndé oma muetso. Nyôngéoni ana aTétee n’anyô. Gobedani Nzambé na gomo. Gobedani atômie atsengene.

I Pierre 3:8

Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô.

I Jean 3:14

Gôndé wa n’anyô tômanôtôga g’ôwa gôéengéa gô monyo tônyôngéô ana aTéta agô mbumu éaNzambé n’etondo éapie. Géne te gémbégéa samonyoe ôndéké n’asô n’anyô. One asanyôngéô muana aTétee n’edi agébaka g’ôwa.

I Jean 3:16

?Ene étubéda mbe tônyônganéôni yéndé? Jésus‐Christ ameetsa monyo edi gôéwa gôndé wa n’anyô. Tambô na wa n’anyô tôéndé mônongovo gôndé ana aTétee agô mbumu éaNzambé.

I Jean 4:21

Nôeni môtômee ômatôma Christ gôndé wa n’anyô. Angô mbe: ône anyôngéô Nzambé anyôngéô dôta môkedi.