II Pierre 1:4 - New Testament in Mitsogo

⁴ Ene étômenyeda divanga yamisôba dipôni dimeetsô wa n’anyô na Nzambé te ôndômbee wedi ne géneega sedi. Tômeetsô sangô na Nzambé te mbe tôngagésangana gô môanga aNzambé te gôtôkumba manyima mabunganani magô tsengene.

II Pierre 1:4 ပူးပေါင်းရင်းမြစ်များ

Romains 9:4

Ebandôe yaô te tétaô Israël. Nzambé amasingéa ahngô mbe: Anami. Amabambana n’ahngô na ôbébayi ôtubéda ôndômbee wedi wetso. Amaba n’evamba évôni n’ahngô. Amakitséa ahngô mige miedi na amatôma ahngô mitôma miedi. Amatubéda ahngô mônongo ôneegedu amuene. Ameetsa ahngô divanga yedi.

II Corinthiens 1:20

Na gô pie divanga yetso dimavanga Nzambé gôndé wa n’anyô te Jésus atôtubéda mbe Nzambé asapata. Te gô ina aJésus‐Christ tôkuméda Nzambé vatôaabéa mbe: Amen, ébaké te nane.

II Corinthiens 3:18

Wa n’anyô muetso tôsaba gamabaka Moïse na gédimô gémapikô na môkanda. Tôndé na édimô éasô n’anyô éava vede étana n’obébayi ôtubéda ôndômba ôndé na Kumu. Na wa n’anyô tôndéké tômakoamani tôgono na amuene Kumu. Ondômbee n’obébayi wedi aNzambé ôndé n’asô n’anyô deo noo, madeo ôsigono n’one ôngaba n’asô n’anyô. Eetso éne te éyanza éaGédidi SaKumu gô mitéma miasô n’anyô.

II Corinthiens 6:17

Te gamavovo Kumu Nzambé mbe: Anye omami, nôtôgani aaganani n’ahngô Nômbiabanda ta na bandaga, mane maô mevindô Me nanganôwanyéda omami na gényônga.

Galatie 3:16

Endé te nane. Nzambé amavangana n’Abraham na muanedi ôvanga. Nzambé asivove n’Abraham mbe: Ovanga te gôndé éwe n’anoo. Ivô Nzambé amavovo n’Abraham mbe: Ovangee te gôndé éwe na muanoo. Evéndégéô mbe ôsaba gôndé oma ayekani. Ondé gôndé môvo. Môvo nône te amuene Christ.

Galatie 6:8

Okô môma agaaba mane mabévani manyima môtémee, angô akandéda te ôwa. Na môma agaaba mane manyôngéô Gédidi SaNzambé, sangô gékandéda angô monyo amôbô na môbô.

Ephésiens 4:13

Vane tôngaba tômagésangana muetso évambevo gô éne ématôétsa mitémamie gébé na paga na gô gémenyéô sasô n’anyô saJésus, Muana ANzambé. Na vane tôngaba tôka payi gômavunda wa n’anyô na gômoongôga wa n’anyô gôéba ôkana ôvo n’etsimama éaChrist.

Colosses 3:10

Nômamana ébongo wene ôtô na wene mônongo. Nôndé oma atsatsee nôgono na môvangine wanyô, Nzambé. Vootéa anye ékoga gandé amuene nôngootéa dôta émômenya.

Hébreux 12:10

Tétee yasô n’anyô yava tsina atôsiséda gô éne étasa ahngô gôétôékéda gô pesu éandéô étôdigaa va tsina. Ivô Nzambé atôsiséda gôétônyepeda gômbe tôngaba n’etsimama évo n’edi éngadigaa wa n’anyô n’edi.

Hébreux 9:15

Nôeni ébégô émasevou Christ gôéba môsungéyi gôétôvambéda na Nzambé gô évambee éamôbaé. Andéké môsungéyi awa n’anyô tômabambéô na Nzambé gôédiia ôkiti ag’ôba ômavangéa Nzambé mbe: Te mikuanya mianyô. Wa n’anyô tôngoongôa édiia ôkitie ône gôébégô môvo amawa. Owee ône ôyuua oma muetso gô môtsundu ebévee éaô émadigaahngô gô évambee éambeego.

Jacques 1:27

One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

II Pierre 3:13

Géé wa n’anyô tôvéngéa ôba atsatsee na tsinane éatsatsee te gamavanga amuene Nzambé. Wangô gôngabaka te étsimama.

II Pierre 3:9

Avo oma atasa mbe Kumu adinga édugéda éne émavovo angô. Kaka nane. Ivô Jésus anôenea. Angô asanyôngéô ta na môma môvo abungana. Ivô anyôngéô mbe muetso akoa mitéma miaô gôédiia géobogeo.

I Jean 2:25

Nôeni éne émavanga Christ gôétôétsa te monyo amôbô na môbô.

I Jean 3:2

Anami amôtéma, deo noo tôndé ti ana aNzambé na mônongo ôngaba n’asô n’anyô gô mbene madeo tôsitubédu angô. Ivô menyani mbe vangaviga Christ, mônongo ôndé n’edi tôngagono n’angô, gôébégô tôngamôéna mônongoe ôndéké angô.