II Pierre 1:3 - New Testament in Mitsogo

³ Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene.

II Pierre 1:3 ပူးပေါင်းရင်းမြစ်များ

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Romains 8:32

Nzambé asibé na ninga gôétôétsa Muanedi na amadeekeda angô gôéwa gôndé wa n’anyô muetso. Buéyé muanedi amatôétsa ?tambô na éômee éetso nayee asangatôétsa éangô?

Romains 9:24

Endé te nane. Wa n’anyô tôndéké tômbambéôni, kaka Ajuif atévo buéyé n’ane asaba gô éongo éAjuif.

I Corinthiens 1:9

Nzambé asavétsua divanga yedi. Nzambéne te épo, ône amanôbambéa mbe: Bakani môvo n’ami gô pitsi yanyô yava tsina nômagésangana môtémovo n’ami gô évambevo na muanami Jésus‐Christ.

II Corinthiens 12:9

Kumu amaabéa me mbe: Aé. Tsagônôtôa tséndé nene. Ivô gô tsina ebégô édagani éne, nandéké n’ewe gôégôsipéda. Ombiabuta sene sôma. Okô vasaba éwe na ngudi, dine yami dingeenanô na vede gôndé éwe. Kumu amavovo te nane. Me Paul nanôbeenda mbe nootéa étsôkéa g’ôpôpée wami buta mbe ngudi yaChrist dingeengéa pepe na gôndé me.

Ephésiens 4:1

Me Paul nandé môsi eba atsôgôô gôyanzéa me Kumu Jésus. Nanôtôma mbe kiakani mitie mônongovo gamanyôngéô Nzambé vamabambéa angô anye gôékea n’edi géômbé gévo gô nzéane yedi.

Ephésiens 4:4

Tôndé muetso gô ôtô ôvo. Na gédidige sasô n’anyô SaNzambé te gévo. Tsoongone éasô n’anyô étôétsô na Nzambé te épo.

Philippiens 3:8

Kaka mayanza matévo maka gébé na tsoongo gôndé me, te na metso mamisôba moongôa môma ékôndéga gôndé me. Naviia metso mane ngima gô éne émadenga me éôtéa ényepa na metso mane. Namadenga Kumu ami. Nabuta émenya angô, Jésus‐Christ. Gôndé angô namaviia mane mami metso ngima. Nabono mangô ti eembe te tôbi, buta mbe nadiia mane maChrist metso.

Philippiens 4:8

Endé te nane, ana aTétee. Bakani matasa manyô metso gô mane mamisôba na gô mane makumédu na Nzambé, na gô mane mapie, na mane meegoba, na mane metsimama, na mane mamagôgéani, na mane manyônganéôni na gô mane mandé kuanakue.

Colosses 1:16

Te gô ngudi yedi mbe Nzambé amakana na amavanga éetso éndé g’ôba na éetso éndé gô tsina. Eetso, ékegea mbe éne éenanôni na éne éseenanôni. Ngudi yeedidie te yedi. Na ditômuye na ényangee, na ngudi yetso te yaChrist. Nzambé amavanga na amakana éetso gô ngudi yaChrist na éetso te éedi.

1 Thessaloniciens 2:12

Tômakasôgéda anye na tômasuméda anye mitéma. Tômeekéda anye na môvinéné mbe: Digaani ganyôngéô Nzambé, ône amabambéa anye gôéengéa g’ôkumu edi na gôégésangana g’ôndômbee wedi.

1 Thessaloniciens 4:7

Nzambé asisevoa wa n’anyô mbe tôdigaa gô minongo mietso miagésasô. Amasevoa wa n’anyô mbe tôaagané n’ebéva gôédigaa môvo n’edi gô étsimama.

II Thessaloniciens 2:14

Nzambé amanôbambéa gôédiia géobogeo, te gô ngudi yaTsangô Eamôsôba émeekéda we anye. Amanôbambéa mbe nôngagésangana ôndômba ôvo na Kumu asô n’anyô Jésus‐Christ.

I Timothée 4:8

Ene éénda môma agémbôga gôépupéda ôtôe wedi, éndé pesu na tsoongo. Géé, éne éénda môma agémbôga gôévambéda na éne ényôngéô Nzambé, te éne éôtéa na tsoongo gô monyo agô tsina na ône ôvigani ag’ôba.

II Timothée 1:9

One amooboo we na amabambéa we gôékoga omedi amatsimamani te Amuene Nzambé. Asatôoboo gô ngudi yamayanza masô n’anyô mamisôba. Atôoboo te gamatasa amuene mbe: Neendé te nane. Amatôoboo te ti gô ngeba yedi. V’ebandô na kaa, amatôena ngeba gô ina aJésus‐Christ.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

I Pierre 1:15

Mônongovo gandé amuene Nzambé amabambéa anye andéké amatsimamani, anye dôta bakani nômatsimamani gô midigédi mianyô.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

I Pierre 2:21

Anye nômabambéô na Nzambé gôébibéda ékuanô. T’ebandô Christ amabibéda ékuanô gô gévénga sanyô. Amatubéda nane gômbe anye nôngamôaanda gô matambé medi gôésindéa maguga mamasindéa angô.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

I Pierre 3:9

Gô mabégô mabévani nômbianikéda pégôani. Gô matoki nômbiavénda matoki. Ivô nikédani te mamisôba. Gôébégô Nzambé amakuséda anye gô mabégôme mane gôénôétsa mate medi.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.

II Pierre 1:10

T’ebandô ana aTétee gényôgani na ngudi gôésipa gômaabéa anye mbeeane émabambéô anye na Nzambé na gô gésevôéôge sedi gémasevou anye. Okô nôénda nane, anye nôsangapônga ta na pesu.

II Pierre 1:2

Mate medi na gétabé sedi géaangané n’anyô minya mietso gôébégô anye nôsabômu Nzambé na Kumu asô n’anyô Jésus.

II Pierre 1:5

Butani gôéba môangovo na Nzambé. Vamapanga, nômeetsa Nzambé mitéma mianyô gémôtsumé paga. Vane gényôgani gôékôndéga éôdo éamôanga amôsôba.

II Pierre 1:6

Gô éodoe éne kôndégani gôébangôa mane mamisôba. Gô gébangôéôge géne kôndégani gôékina manyima mabévani. Gô gékinéôge géne kôndégani ôbibô. Va ngongo obibôe kôndégani gôénanama na ngaa na Nzambé.

II Pierre 1:8

Okô mabégôme metso mane mandé gôndé anye na mayekegea, mangô makoa anye nôka oma angudi, gôéyanzéa na gôémenya Kumu asô n’anyô Jésus‐Christ.

II Pierre 2:20

Te vane ôkô oma ahmani éaagana na mabégô mabévani matsengene gôvambangô na Kumu na Mooboyi asô n’anyô Jésus‐Christ, na ahngô anikéa éadeekeda anguene gô mabégô mabévani na yôtô yaô divoo pepe. Ebévee éaô éamôbaé éôtéa ébévee éamapanga.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.