II Pierre 1:2 - New Testament in Mitsogo

² Mate medi na gétabé sedi géaangané n’anyô minya mietso gôébégô anye nôsabômu Nzambé na Kumu asô n’anyô Jésus.

II Pierre 1:2 ပူးပေါင်းရင်းမြစ်များ

LUC TSANGO EAMOSOBA EMATENDA 10:22

Jésus amavovo mbe: Téta amani édeekeda me mabégô metso. Gôsaba môma angoongôa émenya Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angeena Téta gô ngudi yami.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Romains 1:7

Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

Philippiens 3:8

Kaka mayanza matévo maka gébé na tsoongo gôndé me, te na metso mamisôba moongôa môma ékôndéga gôndé me. Naviia metso mane ngima gô éne émadenga me éôtéa ényepa na metso mane. Namadenga Kumu ami. Nabuta émenya angô, Jésus‐Christ. Gôndé angô namaviia mane mami metso ngima. Nabono mangô ti eembe te tôbi, buta mbe nadiia mane maChrist metso.

I Pierre 1:2

Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.

II Pierre 1:3

Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene.

II Pierre 1:5

Butani gôéba môangovo na Nzambé. Vamapanga, nômeetsa Nzambé mitéma mianyô gémôtsumé paga. Vane gényôgani gôékôndéga éôdo éamôanga amôsôba.

II Pierre 1:8

Okô mabégôme metso mane mandé gôndé anye na mayekegea, mangô makoa anye nôka oma angudi, gôéyanzéa na gôémenya Kumu asô n’anyô Jésus‐Christ.

II Pierre 2:20

Te vane ôkô oma ahmani éaagana na mabégô mabévani matsengene gôvambangô na Kumu na Mooboyi asô n’anyô Jésus‐Christ, na ahngô anikéa éadeekeda anguene gô mabégô mabévani na yôtô yaô divoo pepe. Ebévee éaô éamôbaé éôtéa ébévee éamapanga.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.

Jude 1:2

Nanyôngéô mbe nôsingéô n’edi kokoo, na mbe anôsuméda mitémamie na mbe nôdigaa gô étondo éedi. Eetso gégômbéô.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.