II Pierre 1:19 - New Testament in Mitsogo

¹⁹ T’ebandô we tôsatsuma paga gô mavovia maNzambé mamatsikéô we n’apandôédi ambeego amatasa maNzambé. Buedi gôndé anye gôévôtanganô mangô. Gôébégô mangô mandéké mônongovo ga dambi étana gô tungu éevitsi. Keneani mangô ngu na vangagiia nyee na vangatana mônangee ava magéô gô mitéma mianyô.

II Pierre 1:19 ပူးပေါင်းရင်းမြစ်များ

Matthieu 4:16

Asi tsengeye dine amadigaaka gô tsina evitsi, Ameena gévede gévôni. Gévedege gévoni gématsiga gôndé ane Ahmadigaaka gô évitsi éowa na gô tsina otômu owa.

Jean 5:35

Jean amagono na dambi ématumbuni na étanani. Anye nômasinga étsôkéa gévedege sedi gô pesu andéô.

Jean 5:39

Anye nôvasa Matendeo MaNzambé, nôbuta édiia monyoe amôbô na môbô ôtasanye mbe ôndé gô mangô. Tambô mangô te mbangi énigôa gôndé me.

Jean 8:12

Jésus amoomba évovo na géômbége mbe: Me te gévede gétanéda tsenge. One aanda me angaba gô gévede géétsa môma monyo. Asangadôkea gô évitsi.

Mayanzame 15:29

Nômbiaa môyakô ômadeekedu na gôndé mbumba. Nômbiaa nzina yanyama. Nômbiaa nyama ésivôvé nzina. Nômbiakea gô minongo mietso miagésasô. Kumbani mabégô mema buta mbe nôkea gô mbene na gô mbene. We tônôéva. We tôkôdéyi te na vane.

Mayanzame 17:11

Mitéma miasi Bérée misibaké gandé mine miasi Thessalonique. Asi Bérée amanyôngéô éôkô Mane Mamavovo Nzambé, ti nyôngéô. Pitsi yetso amavasa Matendeo MaNzambé gôéwanyeda meekédume maPaul na mane mamatendu na mbeego, ôkô mbe mandé te kuanakue.

Hébreux 2:2

Ogie ômatsuaô n’asi g’ôba amavigédu na Nzambé ôndé te ébégô évôni. Na oma muetso asiôkôni na asiôgobedéni ahmasisédu gômakinangô Ogie ône.

Jacques 2:8

Mbe nôénda mitôma miokumu aNzambé mimatenduni gô Matendeo MaNzambé mbe nôénda te kuanakue. Môtômee te mbe: Nyôngéô môkoo ganyôngéô éwe ôtô omuene.

I Pierre 1:10

Apandôédi amatsa maNzambé ahmavasa na môvinéné ôvôni gôébuta émenya gakegea géôbogeo. Géobogeoge géne te géne gémeetsô anye ôbiia na Nzambé.

I Jean 5:10

Na vane ône eetsa môtémedi wetso na gôndé Muana ANzambé ookô gô môtémedi mbe mane mavovo Nzambé mandé ti mapie. Géé ône atsuma Nzambé paga eenda Nzambé mbe, môsi ooboe, gôébégô asaditéga mane manigôa Nzambé maMuanedi.

III Jean 1:6

Ahmanigôa va mbene asi mbumu éaNzambé gandé éwe n’etondo. Nagôbeenda mbe, wedaka ahngô gô môtôôe waô ganyôngéô Nzambé.

Gétsutsuéô 22:16

Me Jésus navovoni, namavigéda môsi g’ôba, môyanzi ami na gôndé anye asi mbumu éaNzambé gôénôbeenda metso. Me navovoni te muana amabôtu na David. Me te mônanga ôtanani ava maageô.