II Pierre 1:17 - New Testament in Mitsogo

¹⁷ We tômabaka vangô vameetsô angô na Téta Nzambé ôbébayi ôtubéda ôkumaka aNzambé. Tômadenganô vamookanô ôgi aKumu ondômba wetso ômavovo mbe: Odôô te Muanami amôtôma amiso. Namônyôngéô na nzoo na gô môtéma.

II Pierre 1:17 ပူးပေါင်းရင်းမြစ်များ

Matthieu 12:18

Nzambé amavovo mbe: Bononi môyanzine amasevoa me. Angô te ône wami amôtôma amiso. Me namônyôngéô na nzoo na gô môtéma. Gédidi sami géndé n’edi. Angeevéda asi tsengeye yetso mônongoe ôngatsundéda me ahngô.

Matthieu 17:3

Vane aneengie atatô ahmeena oma abaé, Moïse na Elie ahmatsutsuga na ahmavovo na Jésus.

Matthieu 17:5

Agébaka gôévovo, ôbôngé obébayi ômapika ahngô muetso. Gô gatse obôngé gômookanô ôgi ômavovo mbe: Odôô te muanami amôtôma amiso. Namônyôngéô na nzoo na gô môtéma. Oôkéôni angô.

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

Matthieu 3:17

Ogi ômookanô ôvovo g’ôba mbe: Odôô te muanami amôtôma amiso. Me namônyôngéô na nzoo na gô môtéma.

Marc 1:11

Ogi ômookanô ôvovo g’ôba mbe: Ewe te Muanami amôtôma amisô. Me nagônyôngéô na nzoo na gô môtéma.

Marc 9:7

Obôngé ômakukéga ôbee na ômeebéda ahngô muetso. Ogi ômookanô ôvovo g’ôbôngé mbe: Odôô te muanee ami amôtéma. Oôkéoni angô.

LUC TSANGO EAMOSOBA EMATENDA 10:22

Jésus amavovo mbe: Téta amani édeekeda me mabégô metso. Gôsaba môma angoongôa émenya Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angeena Téta gô ngudi yami.

LUC TSANGO EAMOSOBA EMATENDA 3:22

Gédidi SaNzambé gémasuma na gôndé Jésus gô gégoni saménga. Ogi ômookanô ômavovo g’ôba mbe: Ewe te muanami amôtôma amiso. Me nagônyôngéô ti na nzoo na gô môtéma.

Jean 10:36

Tambô na me, Nzambé amasevôa me na amatôma me na gô tsina. ?Nayee nôénda me mbe neenza Nzambé? ?Te gôpandôédi me mbe me te Muana ANzambé-a?

Jean 14:11

Nômbiatsuma me paga vavovo me mbe me nandé môvo na Téta. Na Téta dôta andé môvo n’ami. Okô anye nôsoongôa étsika pagaye yanyô gô mane mavovo me, tambô tsikani pagaye yanyô gô mane mamisôba mayanza me.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jean 17:21

Nagôduka Téta mbe angô muetso angaba môvo na wa n’oo, gandé éwe môvo n’ami. Me dôta nandé môvo n’ewe. Nagôduka mbe anguene angaba n’evamba gômbe asi tsengene asangatsuma paga mbe me tsitômu n’ewe.

Jean 20:17

Jésus amamôdékéda mbe: Ombiabanda me ta me madeo tsibuéa na gôndé Téta. Tambô éwe kiaka, ôkenigôa ana aTétee n’ami mbe nakeyi na gôndé ône andé Tétene yami, te ône andé tétene yanyô. Nakeyi na gôndé Nzambé ami, n’angô te Nzambéne éanyô.

Jean 3:35

Téta Nzambé anyôngéô Muanedi na amadeekeda mabégô metso gô tsina otômu aMuanedi.

Jean 5:20

Menyani mbe Tétee anyôngéô Muanedi. Na amôtubéda metso meendangô. Angamôtubéda dôta na mavo mayanza mootéa na mane mamapanga éenanôni. Na anye nôngatsapéô ti tsapéô.

Jean 5:26

Menyani mbe amuene Téta te Kumu amonyo. Andé na ngudi yeetsa môma monyo, te mônongovo dôta ameetsa Muanedi ényanga eba Kumu amonyo gôéétsa môma monyo.

Jean 6:27

Tsikani éyanza gô môyakô ôbooni. Yanzani gô môyakôe ôdingani na ôétsa monyo ôsakôdéakani. Téta Nzambé ameemba me Muana Amôma ndémbô éenyangee éedi, t’ebandô nandé na ngudi yenôétsa môyakôe ône.

Jean 6:37

Muetso eetsô me na Téta Nzambé aviga na gôndé me, tsangamôpatsa na gô mbadi ivô angeengéa na gôndé me.

Jean 6:39

Oôkôni éne ényôngéô ône amatôma me. Asanyôngéô mbe me nadimbanédana ta na môvo va gatse ane ameetsangô me. Anyôngéô mbe gô nyee amôyusumédu me nangakundua omami muetso g’ôwa.

Romains 15:6

Vane wa n’anyô muetso tônganeegeda Nzambé. Tétene éaKumu asô n’anyô Jésus-Christ tôngamôkuméda n’ogi ôvo.

II Corinthiens 1:3

Tôkumédéni Tétasô n’anyô Nzambé na Kumu asô n’anyô Jésus‐Christ. Angô te Tétee atôétsa éetso gô ngeba yedi gébé na ninga. Angô te Nzambé atôsuméda mitéma gô ndéô yetso.

II Corinthiens 11:31

Nzambé Tétene éaKumu Jésus te gémoni sami gésabômu mbe me tsapata. Te mbe inedi ékumédu môbô na môbô.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

II Jean 1:3

Te mbe Téta Nzambé na Kumu Jésus‐Christ Muana aTéta Nzambé, atôétsa mate medi na gésingéô sakokoo, na gétabé sedi. Vane mane meetsahngô wa n’anyô tôngaba na mangô gô gényônganéô sasô n’anyôene na gô mabégô metso mapie.

Jude 1:1

O te me Jude, môyanzi aJésus‐Christ. Me te muanayaa aJacques. Natendéa anye nômaabéa gômabambéô anye na Nzambé na nôdigaa évambevo n’edi anye nôkeneo na Jésus‐Christ.