16 We eekédi tômamenyeda anye gamaviga Jésus na ngudi yedi dipôni na gô tsina. Tôsibeendu gô matangôtangô mavaka oma. Ivô wéene tômeena ôkumaka aJésus na miso masô na kiaa.
Christ asitômé me gôétsa oma bateme. Amatôma me gôéékéda Tsangô éedi Eamôsôba. Ameenda mbe tsanganigôa Tsangône yedi na mavoviame na éodo ébôtu na môma kabaga ôwa ômawa Christ va gésumu sowa ôôkanô mbe ôsaba na tsoongo.
Tsinigôé tsangône na meekédume gavovo asi tsengene n’enyepa éamavovia na éodoe yaô. Namapandôéda mangô na vede gô ngudi ya Gédidi SaNzambé. Ngudiye dine dimeenanô na vede. N’oma asiôngôé étsumadô Nzambé paga.
Esangadugédu n’oma ayekani eenda ôyôkô na Mane Mamavovo Nzambé. Ivô éngadugédu na we tômatômu na Nzambé tôndé ayanzi aChrist na tôtatéa gôégobeda inedi éteta we.
Tômakina ésima éatsoyi ééndaka oma v’esooe. We eekédi tôsapatéda éyanza gôédiia oma na tôsapenganéda Mane Mavovo Nzambé. Menyani mbe we eekédi tôsupua na vede mabégô metso mapie. Tôékéda mangô te mbe meengéa gô mitéma mioma. Tôvovo mangô va mbene aNzambé.
?Ane andéké tsoongone yami yandaa? ?Ane andé gényôngage sami yandaa? ?Ane andéké gémbégéa sebadi émagenya me yandaa? Ka te anye. Vangaviga Kumu Jésus nanganyemôga na gényônga te gôndé anye.
Bononi. Nôeni gavigangô va gatse obôngé. Oma muetso angamôena, buéyé n’ane amamôtuma n’ekongo. Asi mongo metso mava tsina angadéa na mindônga gôndé angô. Ii. ?Tôngeenda nayee? Engaba te nane. Amen.