II Pierre 1:10 - New Testament in Mitsogo

¹⁰ T’ebandô ana aTétee gényôgani na ngudi gôésipa gômaabéa anye mbeeane émabambéô anye na Nzambé na gô gésevôéôge sedi gémasevou anye. Okô nôénda nane, anye nôsangapônga ta na pesu.

II Pierre 1:10 ပူးပေါင်းရင်းမြစ်များ

Matthieu 22:14

Vamabambéô ahngô te ayekani. Vamasevôu ahngô ahsibé ayekani.

Romains 11:29

Nzambé asamenya éwata éne émeetsa angô oma na asakoa matasa medi gôndé ane amabambéa angô.

II Timothée 2:19

Buéyé veendahngô nane, diboboye dimavumba Nzambé gôésipéda ôbôgee amabégô medi mapie, disipa ti v’ekôdéô éasipaga. Na gô yangô gômakuétu béndaye mbe: Kumu Nzambé asabômu ane andé omedi. Na dôta dimakuétu mbe: One avovo mbe: Me te môma aNzambé aviié mane mabévani metso ngima.

Hébreux 6:11

We eekédi tônyôngéô mbe anye, môma na môma nôsanganzeegeda géviôviôge géne ngu na v’ekôdéô éamionyo mianyô. Buta mbe mane maténdéda anye nômadiia.

Hébreux 6:19

Gandé môsi mbôngône n’etaé égunya angô gô mbéyi gôésipéda mbôngône, te gasipédu mitéma miasô n’anyô na divanga yaNzambé. Divanga yedi te étaé ésapupani, na ésakandanganani ésipéda wa n’anyô. Vavamba wa n’anyô na Nzambé gô géétséô samitéma tôéngédu n’edi na gô gégidaa saNzambé, te tsongo éadisambô éndé gô gatse ebedi.

Jacques 2:10

One akenea mitôma na mige miaNzambé mietso ivô amôkuua ti môge ôvo, andé n’oési gô mitôma na mige mietso.

I Pierre 1:2

Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

II Pierre 1:3

Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene.

II Pierre 1:5

Butani gôéba môangovo na Nzambé. Vamapanga, nômeetsa Nzambé mitéma mianyô gémôtsumé paga. Vane gényôgani gôékôndéga éôdo éamôanga amôsôba.

II Pierre 3:14

T’ebandô, anami amôtéma vavéngéa anye gényôgani gôédenganô na Jésus gébé n’etodi, gébé n’oési, gôédenganô n’edi n’evamba éagétabé.

II Pierre 3:17

Anami amôtéma, anye nômani éevédu. Wemani anyene kabaga nôkudungana gô nzéa éoma abévani na kabaga mitéma mianyô minika ngima.

Jude 1:24

Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.

Gétsutsuéô 22:14

Ti gô gényônga géndé n’anye nôndé gôéôvôa mikanda mianyô, te anye nôndé ngu gôéaa miônda miagéétété géétsa monyo na te anye nôngeengéa gô diômbaa yamôsenge.