II Corinthiens 4:3 - New Testament in Mitsogo

³ Okô mbe Tsangô Eamôsôba éaJésus‐Christ éékéda we éndé g’okutu, ôkutue ôndé te gô mitéma miane akea gôébungana.

II Corinthiens 4:3 ပူးပေါင်းရင်းမြစ်များ

Matthieu 11:25

Gô ndéô nene Jésus amavovo na Tétedi mbe: Ah Téta, Ewe Kumu atsina n’oba, nagôkuméda. Ewe ômatsutsuéda mabégô mavôni gôndé oma abobo mbe amamenya. Géé gôndé oma éodo, na oma agéneenga gévôni ômasuéga mangô.

Romains 2:16

Metso mane mangeenanô nyee ôngatsundéda Nzambé na Jésus-Christ, atsundéda mabégô mamasuégu gô mitéma mioma. Te éne éôkanô gô Tsangô Eamôsôba éékéda me Paul.

I Corinthiens 1:18

Meekédume mowa aChrist gô gésumu sowa masanyônganéô n’ane akea gôébungana na eenda mangô mbe: Matsôga. Géé gôndé wa n’anyô tôndé gô nzéa éagéobogoe, meekédume mane matômenyeda ngudi yaNzambé.

I Corinthiens 2:6

Buéyé vane me Paul tsabômu éékéda mabégô maditani n’eodo évôni gôndé oma aChrist amoodo gô mabégô maNzambé. Ivô éodoe éne kaka éatsengene, kaka dôta éne éaditômuye dindéké gô tsinane nyetso na kookone yaô dingakea gôébungana.

II Corinthiens 2:12

Vamatsiga me gô môsenge aTroas gôéékéda Tsangô Eamôsôba éaJésus‐Christ namakukuéô na Kumu asô n’anyô ômbaa wangô. Ombaa te oma amanyôngéô éôkô.

II Corinthiens 3:14

Mitéma miaô mimabaka géôngôé enigôgéô éne émeenahngô. Ngu na deo noo mitéma miaô mindéké gamimapikô na môkandee ône vatangahngô Matendeo MaNzambé mevamba éambeego. Môkandee ône ôwatô na ôgunyu te vavamba môma na Jésus‐Christ.

II Corinthiens 4:4

Asangoongôa ésinga mangô gôébégô Môtômine môbévani atsinane édué amakukéga yôkiia yamitéma miaô n’okutue. Te Môtômine ône iméda ahngô misome mbe kabaga eena gévedege gétanédu na Tsangô Eamôsôba étôtubéda ôndômba ôndé na Jésus‐Christ. Na étônigôa mbe Jésus te gégoni saNzambé.

1 Thessaloniciens 1:5

Gôébégô tômani énôéékéda Tsangô Eamôsoba éaJésus‐Christ. Nôsiikédu mangô gô mavovia matévo mookanôni. Mameekédu te na ényangee éenanôni. Enyangee te ngudi yaGédidi SaNzambé dimasumani. Na Mabégô MaPie mameekédu gébé na buétsé gôndé anye. Anye nôsabômu gamadigaa we va gatse anye gôénônyepeda.

I Timothée 1:11

Meekédume mapie mane, mandéké te gô Tsangô Eamôsôba émeetsô me Paul mbe neekéda yangô. Tsangô Eamôsôba étônigôa gandéké Nzambé, ône akuméduni ôndômbee na eendô mbe Kumu.