II Corinthiens 4:2 - New Testament in Mitsogo

² Tômakina ésima éatsoyi ééndaka oma v’esooe. We eekédi tôsapatéda éyanza gôédiia oma na tôsapenganéda Mane Mavovo Nzambé. Menyani mbe we eekédi tôsupua na vede mabégô metso mapie. Tôékéda mangô te mbe meengéa gô mitéma mioma. Tôvovo mangô va mbene aNzambé.

II Corinthiens 4:2 ပူးပေါင်းရင်းမြစ်များ

Romains 1:16

Me tsookô tsoyi gôénigôa Tsangône Eamôsôba éaJésus-Christ. Tsangô nedué étômenyeda ngudi yaNzambé dioboo muetso eetsa angô mitéma miaô. Mapangame te Ajuif. Buéyé n’ane asaba Ajuif.

Romains 6:21

?Tsoongo ndé gô mabégôme matsoyi mayanzanye-a? Ekôdéô éamangô te ôwa.

I Corinthiens 4:5

T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

II Corinthiens 11:3

Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo.

II Corinthiens 11:6

Mavooe gôévovo nandéké inzua amaama. Géé gôémenya mabégô metso maNzambé tsaba inzua amaama. N’anye nôsabômu gamanigôa we mangô kuka yetso.

II Corinthiens 2:17

Esangadugédu n’oma ayekani eenda ôyôkô na Mane Mamavovo Nzambé. Ivô éngadugédu na we tômatômu na Nzambé tôndé ayanzi aChrist na tôtatéa gôégobeda inedi éteta we.

II Corinthiens 5:11

Wa n’anyô tôsabômu égobeda Kumu na gomo. T’ebandô tôtévéda oma mbe akoa matasa maô. Nzambé asabômu we v’ebandô na v’ekôdéô. Me Paul naténdéda mbe gô mitéma mianyô anye dôta nôsabômu me.

II Corinthiens 6:8

Tôkumédu na tôtsuavô. Tôséngu na tôdetu. Tôéndô mbe apati, tambô tôvovo ti mane mapie.

II Corinthiens 7:14

Namanôkuméda mbeego vandé Tite, n’anye nôsitsiké me na tsoyi. Vavovo me n’anye tsapata. Na kumane yanyô émookô Tite ésipaté.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

Ephésiens 5:12

Tôena tsoyi gôévovo mane mayanza omeaa v’esooe.