II Corinthiens 2:9 - New Testament in Mitsogo

⁹ Nôeni ebandôe ématendéa me anye mbe aaganani n’edi. Namatenda nane gôénôkanéga mbe mavooe nôngookô, vo nôsangookô mitôma miami. Tambô anye nôôkiô.

II Corinthiens 2:9 ပူးပေါင်းရင်းမြစ်များ

II Corinthiens 10:6

Buedi mbe nôgobeda ndongi yaNzambé gôébégô me nandé na ngudi yeetsa tsôgôô gôndé ane asagobedani.

II Corinthiens 2:3

T’ebandô namanôtendéa gameenda me gô gévo gésangô. Nameenda mbe: Nangaviga na gôndé anye mbe nôvikasôgéda me. Anye dôta gékônzé mabégôme manyô, tambô tsangakasôgédu, ivô nangaditédu te ditédu. Namenya mbe vakasôga me te n’anye muetso, tambô anye kasôgédani me.

II Corinthiens 2:4

Ana aTétee n’ami nameena ti panda gôénôtendéa gésangôge géne. Na môtéma ômabaka na goma. Namadéa ti na keba diyekani gôndé anye. Kaka gôébévéda anye ivô te gôémenyeda anye ényônganéôe éndé na me gôndé anye.

II Corinthiens 2:8

T’ebandô nanôbeenda mbe bakani buedi n’edi gôétubéda étondoe éndé anye n’edi.

II Corinthiens 8:2

Asi mbumu éaNzambé gô Macédoine amakanégu na maguga mameenahngô. Ivô gô tsina amaguga maô andé na gényônga gévôni, na ahkaba éne éaô éetso gébé na guma, buéyé mbe gandé ahngô misuga.

II Corinthiens 8:24

Tubédani ahngô ékasôga éndé n’anye éne émookô mbumu yetso yaNzambé tsangône émakuméda me anye. Nômbiatsika me na tsoyi.

Philippiens 2:12

Navovo n’anye nôndé na vitoo n’ami. Kuka yetso vamadenganô me vavo n’anye nômagobeda me. Tambô ôôtéani égobeda me na gomo buéyé mbe me tsaba n’anye. Yanzani na tatéani na gomo gôétubéda gamoobou anye.

Philippiens 2:22

Anyene nôsabômu gamatubéda Timothée wa n’anyô mônongoe ôndé n’edi amôvinéné. Nôsabômu dôta gamayanzangô n’ami. Amayanza n’ami gô Tsangô Eamôsôba gayanza muana môtémovo na tétedi.

II Thessaloniciens 3:14

Okô môvo asagobeda ndongi yagésangô gegé, tendani inee éedi. Kinani évamba n’edi buta mbe eena tsoyi.

Philémon 1:21

Vandé me gôégôtendéa gésangô gegé tsabômu mbe éwe ôngasinga éne égôduka me. Namemya mbe ôsangakôdéa n’ene étévo.