II Corinthiens 11:3 - New Testament in Mitsogo

³ Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo.

II Corinthiens 11:3 ပူးပေါင်းရင်းမြစ်များ

Colosses 2:8

Wemani kabaga môma anôtsôpa ga môédi atsôpa tsôsô na yata yedi. Yataye te mavovia mabuembe na meekédu magébé na tsoongo mamavaka môma gô éodo éedi. Ngudi yameekédume mane te veekédu mangô gô diônga na diônga, na mangô masatsikô. Madiia ngudi dôta gô ditômuye yava gatse atsina n’oba. Ebandôe éamangô kaka Christ.

Galatie 1:6

Natsapéô gayavôganye égéngôgéa, na nônôtôga gôndé ône amabambéa anye gô ngeba yaChrist. Anye nôtsika Tsangône éamapanga gôéaanda nyene tsangô éamôsôba.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

Colosses 2:4

Navovo n’anye nane te kabaga môma aviga gôébôméda anye na mavovia mabuembe.

I Jean 4:1

Anami amôtéma, nômbiasingana na muetso eenda mbe, me nandé na Gédidi SaNzambé. Tônegedani sangô ôkô mbe gédidige géne géviga gôndé Nzambé. Endé te nane, eekédi ayekani adiboe atsanzabani gô tsengeye yetso.

I Timothée 2:14

Adam asibômédu. One amabôméduni te môgetone na amakina môtômee aNzambé.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Hébreux 13:9

Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

Galatie 3:1

?Ah ti anye asi Galatie nômavétsa mikambô‐a? ?Te ngangane ébômédi anye‐a? Nômani éôkô na vede mane mowa aJésus va gésumu sowa.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

I Jean 2:18

Anami, ékôdéô éka gôpégôpé. Nômamana éôkô mbe Môéndi aPégôani te Môvingi aChrist angaviga. Tambô Eendi aPégôani ayekani, Avingi aChrist amani étsutsuga. T’ebandô tôsabômu mbe ékôdéô éka gôpégôpé.

II Pierre 3:17

Anami amôtéma, anye nômani éevédu. Wemani anyene kabaga nôkudungana gô nzéa éoma abévani na kabaga mitéma mianyô minika ngima.

Galatie 4:11

Me nakebangana gôndé anye. ?Eetsô émayanza me va gatse anyô éngaba te éabobo‐a?

II Corinthiens 2:17

Esangadugédu n’oma ayekani eenda ôyôkô na Mane Mamavovo Nzambé. Ivô éngadugédu na we tômatômu na Nzambé tôndé ayanzi aChrist na tôtatéa gôégobeda inedi éteta we.

II Pierre 3:3

Pangani émenya mbe gô pitsi yamôyusumédu gôngaba asi ékeengi na deti éaô. Angadigaa gô manyima maô mabévani. Asi ékeengi ahngavovo n’anye mbe:

II Timothée 3:13

Ivô oma abévani na abôki amangônzô angakea gésikamé gô mabégô mabévani. Abôméda akaô na angabôméda te n’anguene.

1 Thessaloniciens 3:5

T’ebandô tsiôngôé ésipa géôkô tsangô yanyô. Na te gamanôkudégéa me Timothée gôéôkô gasipanye gô nzéa éaJésus émeetsanye mitémamie. Namakebangana mbe mavooe yabédé amanôkuéséda, na éyanzee éami kabaga éba éagébé na tsoongo va gatse anyô.

Ephésiens 6:24

Te mbe mate maNzambé mabaké gôndé muetso ane anyôngéô Kumu asô n’anyô Jésus‐Christ na vitoo ésagogakani.

Galatie 2:4

Béyé gamanyôngéô avo mbe ageetu. Ahngô te ane ahmagésangana n’asô ahmapataka mbe: We te ana aTéta. Ahmeengéa na wada gôévôtanganô mônongo agétabé géndéké n’asô n’anyô gôtôvamba na Jésus‐Christ. Ahmanyôngéô étônikéda g’ôvéga.

II Corinthiens 4:2

Tômakina ésima éatsoyi ééndaka oma v’esooe. We eekédi tôsapatéda éyanza gôédiia oma na tôsapenganéda Mane Mavovo Nzambé. Menyani mbe we eekédi tôsupua na vede mabégô metso mapie. Tôékéda mangô te mbe meengéa gô mitéma mioma. Tôvovo mangô va mbene aNzambé.

Matthieu 24:24

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.

Tite 1:10

Menya mbe gôndéké oma ayekani, ti gandé gô géômbé sAjuif amasinga Jésus, andé akékôani na abôméda akaô gô mavovia maô masaba na tsoongo.

I Timothée 1:3

Vamanôtôga me gô Macédoine, namagôbeenda mbe, éwe digaa gô Ephèse. Nagôomba ébeenda mbe, digaa te gône. Gôndéké avo gône eekéda mabégô madiboe. Dékéda ahngô mbe: Nômbieekéda.

Colosses 2:18

Nômbiasinga mbe nôétsô ôési na pati môma andé môtémedi gô ésôgee gôéneegeda asi g’ôba ayanzi aNzambé. Môma nône akanéga mbe asugéda amuene tambô anyôngéô ékumédu n’oma. Angô dôta eetsa môtémedi gô miôtô mienangô. Môma nône andé na nyemo éabobo gô mônongoe wedi ôtasangô atsengene.

II Corinthiens 11:29

Okô va gatse asi mbumu éaNzambé môvo abé vipôpéa na me dôta nangaba te vipôpéa. Okô movo akuéyi gô mabégô mabévani me nookô pievia gô môtémami.

Romains 12:8

One andé na môgôô gôéongô akedi ndongi, oongéké. One andé na môgôô gôékaba ôkitie wedi, akabéké na môtémedi wetso gébé na ninga. One andé na môgôô gôétôma akedi, atôméké na gétabé. Na ône andé na môgôô gôémogeda na gôéwedéa ane andé gô maguga, eendéké na gényônga.

Gétsutsuéô 20:2

Môsi g’ôba amatsôpa Gényogonyogoge géne gémabaka bandôa v’ebandô, sangô te ône eendô mbe yabédé na Satan. Angô amakatô na pangane gôédigaa na yangô môtônisa amipuma.

II Corinthiens 11:20

Nôsabômu metso ?nayee nôsinga avo aviga na vandé anye gôénôtôma ga avéga? Na anôtsogeda bobo, na anôbôméda na anôbono va tsongo eeso gôédeta anye, na anôkunéga. N’anye nônyôngéô eekédi amônongo ône.

Ephésiens 4:22

T’ébandô gasasanye mikanda mievindô, sasani dôta mônongo wanyô ambeego ômabôtu n’anye na ômatôma anye gô metso mamayanzanye mbeego. Mônongoe ône ônde na manyima mabôméda môma gôémôkeeda gôébungana.

Gétsutsuéô 12:15

Vane Gényogonyogo gémakuséda meba gô mônyedi ga mbéyi, na mangô mamaanda môgeto nône gôémôtsôpa na gôémômina.