Hébreux 9:27 - New Testament in Mitsogo

²⁷ Emakitsô mbe: Môma na môma angawa te éta épo, na va mbene owa angatsundédu na Nzambé.

Hébreux 9:27 ပူးပေါင်းရင်းမြစ်များ

LUC TSANGO EAMOSOBA EMATENDA 20:32

Gô ngima amôgôôe muetso, na môgetone amawa.

Mayanzame 17:31

Endé te nane. Amamana ésevoa nyee ôngatsundéda angô ome muetso na môtsundu agépenganédé. Tôngatsundédu na ône amasevoa amuene gôéba môtsundédi. Ndémbone éamôtsundédine te éne émakunduu angô na Nzambé g’ôwa.

Romains 2:5

Ti g’ôsôba amôtémee woo ôsasinga ndongi, na ôsasinga ékoga. Menya mbe ôkôva ômuene tsôgôô éôtéa édagani na gôndé ômuene, nyaa ôngeenanô ôpisa aNzambé na géesédéô sedi gésapenganani.

Romains 5:12

Ebéva éndé n’oma gô tsina, ébandôe te môma môvo, Adam. Na ébévee émakôva ôwa. Na ôwa ôtsôpa oma muetso gôébégô muetso eenda mabégô mabévani.

I Corinthiens 4:5

T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.

II Corinthiens 5:10

Gô éne éyanza we tôdônga na yôtô yedi tôngatsundédu vatema we va mbene aChrist. Tôngadiia, môma na môma, éne éndé kuanakue n’edi buéyé mbe mane mamisôba vo mane mabévani gamayanza wa n’anyô gô yôtô yedi.

II Timothée 4:1

Me Paul natôma éwe Timothée, ébégô édué évôni. Nagôtôma éangô va mbene aNzambé na va mbene aJésus‐Christ, môtsundédine ane adôngani n’ane amawani. Nagôtôma gômbe génikéô saChrist na ôkumue wedi génganeegedu.

Hébreux 10:27

Okô tôdigéyi n’osôbee asô gô mabégô mabévani gôsabadô yene ébégô, te gomo ôtévo gô éne éngabuéani. Ene éngabuéani te môtsundu ôvôni aNzambé na soto géseemakani gékeneo gôndé adudeo aNzambé.

Hébreux 6:2

Na meekédume mabatemeye na mane magétsakégéô samogome. Na mbe mabégô magékundugéô sane amawani, na môtsundu amôbô na môbô aNzambé.

I Jean 4:17

Nôeni éne étubéda mbe étondoe éndé gôndé wa n’anyô éndé gébé n’okana, te mbe gô nyaa amôtsundu wa n’anyô tôbaké n’ekasôga na mitéma mimasumani gétsumé Nzambé paga. Nyoone tôngaba n’ekasôga gôébégô mônongoe ômabaka Jésus‐Christ gô tsenge nedué te ône ôndé na wa n’anyô.

Jude 1:15

Angaviga gôétsundéda oma muetso. Angaviga gôésiséda muetso eenza angô gô mayanza maô mabévani mamakékôéa ahngô Nzambé na gô mavovia maô madiboe mamavovo eenzie gôébuanya Nzambé.

Gétsutsuéô 20:11

Vane nameena gédigaa gévôni savembo sokumaka, na ône andé digaa gô sangô. Tsinane na ôbee émanôtôga va miso medi na ésiombédô éenanô.