Hébreux 9:24 - New Testament in Mitsogo

²⁴ Gôébégô Christ asiengéé gô tsongo éadisambô édigaa Nzambé émasaaô na môma mbe Christ adeekeda amuene gône. Eba ôsaa môma gôéneegeda Nzambé te makanégéda mone apie ag’ôba. Jésus ameengéa na g’ôba gôéadeekeda amuene te gôétôsungéa va mbene aNzambé deo noo.

Hébreux 9:24 ပူးပေါင်းရင်းမြစ်များ

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Marc 14:58

Tômookô mômôgôô noo amavovo mbe: Me nangapanzéda eba aNzambé ôdôô ômasaô n’oma. Gô pitsi ditatô nangatemeda wene, ôsangasaaô n’oma.

Marc 16:19

Vamamanangô évovo nane, Kumu Jésus amabata na g’ôba gôédigaa gô géeyo gémôgôô saNzambé.

LUC TSANGO EAMOSOBA EMATENDA 24:51

Jésus agébaka gôéénda nane, na amatômbu na g’ôba. Amaagana na amatsika aneengie.

Jean 16:28

Me namaviga gôndé Téta gôétsiga na gô tsengene. N’atsatsee nanôtôgi gô tsengene gôénika na gôndé Téta.

Jean 6:62

?Vangeenanye me, Muana Amôma nanikéa ébata na gômaviga me nôngeenda nayee?

Mayanzame 3:21

Gô ndéô nedué Jésus-Christ andé digaa g’ôba. Asanganôtôga gône ngu na vangabuéa ndéône éngakou éetso éka wene mônongo. Amuene Nzambé amatôevéda mbeego mbe éngaba te nane. Te gamavovo apandôédi amatasa medi.

Romains 8:33

?One angasunda ane amasevou na Nzambé indaa? Kaka Nzambé. Gôébégô te Nzambé eetsa ahngô mitayi.

II Corinthiens 5:1

Tôsabômu mbe yôtôye yasô n’anyô te yeba yebandé didigaa we va tsina. Vangapanzô yebaye yebandé éedi, tôndé na yene yag’ôba dikenea Nzambé gôndé wa n’anyô. Amuene amayanza yangô na mogo medi na disangadôboo.

Colosses 3:2

Pangani étasa gô mane mag’ôba kaka mane matsengene.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Hébreux 4:14

Wa n’anyô tôndé na môdeekedi adigondoku angô môsungéyi môvôni te Jésus Muana ANzambé amabuéa na va mbene amuene Nzambé. Tambô tôsipéni gô mabégôme medi matôténdédani matônigôa dôta akasô.

Hébreux 6:20

Tsongo nene éndé gô ngima amôkanda ôvôni émeengéa Jésus gôndé wa n’anyô, we madeo tôsiengédu. Amakoga môdeekedi adigondoku, môsungéyi môvôni amôbô na môbô, gamabandôa Melchisédek.

Hébreux 8:2

Jésus andé gôésungéa wa n’anyô gô éyanzee éamôdeekedi adigondoku gô tsongo éadisambô. Tungune éyanzangô émakônzu na amuene Kumu Nzambé, kaka na môma.

Hébreux 8:5

Ene éyanza adeekedi adigondoku gô tsina, te gôékanéga éne éapie éyanza Jésus g’ôba. Tasani éne émabuéa gôndé Moïse gô ndéône émasaa angô eba agébandé ôneegedu Nzambé. Nzambé amavovo n’edi mbe: Moïse, ôba n’ekena gôésaa ti kuanakue ga gégoni gétubédiô éwe vamabaka éwe n’ami gô ngongo amôkôdi.

Hébreux 9:1

Evamba éamapanga éamôma na Nzambé émabaka na mabégôme mamatôma Nzambé gô mônongo ônganeegedu angô gô ebedi agébandé ava tsina.

Hébreux 9:23

Eba agébandé aNzambé na éôma éetso émabaka wangô émasaaô gôékanéga mane mapie mag’ôba. Gôébégô ebee ône agébandé te ava tsina. Na ômagôgédu na nzina dimamuaka Moïse. Ivô ône apie ôndé g’ôba ôgôgédu n’ogôndôku ôvôni kaka anyama.

Hébreux 9:9

Dine te ndongi ditôongu deo noo. Ndongiye te mbe, dibiia diitsa môma na gôndé Nzambé na dôta nzina yanyama dideekedu na gôndé Nzambé disaba na ngudi yeôvôa môtémee wetso amôma, ône abuta éneegeda Nzambé gô gésôgage géne.

I Pierre 3:22

Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.

Gétsutsuéô 8:3

Muene môsi g’ôba môvo amatema vapévapé na gévumbéô sadigondoku. Amasumbéda gébunguge gémakônzu na dodo te gétumbéô sambônga amôsôba. Ameetsô éôma éyekani éambônga amôsôba mbe angô angadeekeda éangô na gôndé Nzambé kukepo na disambô yasi mbumu éaNzambé. Amavumba yetso gô gévumbéô sadigondoku gémakônzu na dodo na géndéké va mbene agédigaa sokumaka.