Hébreux 9:19 - New Testament in Mitsogo

¹⁹ Bangôani éne émeenda Moïse. Amatema môtie gôénigôa géômbége gémakôvanani, ndongi na mitôma na mige mimeetsa Nzambé. Vane amatsuéta môtabé agéétété gééndô mbe hysope, na dôta mikodi mianyonge éatsoo, gô nzina yapagasa dimagésu na meba. Amamuaka migandamie mimatendu mige na mitôma miaNzambé na amamuaka na géômbége kukepo na nzinaye.

Hébreux 9:19 ပူးပေါင်းရင်းမြစ်များ

Matthieu 27:28

Amamôsasa mikandamie gôémôaatéda wene atsoo.

Marc 15:17

Ahmaatéda Jésus ngoyine éatsoo. Ahmadipa ngundu éamingoo gôémôaatéda yangô gô môtsé ga gépôkôdô sokumaka.

Marc 15:20

Vamamanahngô émôdeta, ahmamôsasa ngoyine éatsoo. Ahmamônikéa éaatéda môkandedi. Vane amamôkuséda na gô mbadi gôémôkomeda va gésumu sowa.

Jean 19:2

Migode mimavutéga ngundu éamingoo géôkanéga gépôkôdô sokumaka. Amagégudéga gô môtsé aJésus. Amamôaatéda dôta ngoyi épipani éatsoo gamaata oma avôni.

Jean 19:5

Jésus amakusa gô eba aPilate amaata gépôkôdô samingoo na ngoyi éatsoo. Pilate amavovo mbe: Nôeni mômane, angôô.

Hébreux 1:1

Va mbeego Nzambé amavovo na peeye yasô n’anyô kuka diyekani na gô minongo mietso gô ngudi yapandôédi amatasa medi.

Hébreux 10:22

Tambô tôweséni na gôndé Nzambé na mitéma miamavôma. Na tômôétsa mitéma gébé na paga gô mabégô medi metso. Buedi mbe mitéma miasô n’anyô mibaké mimagôgéani kabaga mianga miamitéma miasô mibéva. Na buéyé na yôtô yasô n’anyô diôvôu na meba masaba na mbugé na tsengesenge.

Hébreux 10:4

Menyani mbe nzina yataba na yapagasa disibé na ngudi ta na pesu, gôénôtôa môma ébévee éedi.

Hébreux 12:24

Nômawesea dôta na gôndé Jésus, angô môsungéyine evamba éamôbaé. Nômawesea gô nzina yedi dimaagani. Yangô dindé na nyene tsangô, kaka éne ébévani émabaka na nzinaye yAbel.

Hébreux 9:12

Christ ône amasevou na Nzambé ameengéa kukepo gôndé muetso gô tungu ééndô mbe, tsongo éadisambô édigaa Nzambé. Asiingéé na nzina yataba vo dine yapagasa gôédeekeda Nzambé yangô. Ameengéa gôédeekeda nzinaye yedi amuene gôétôoboo môbô na môbô.

Hébreux 9:13

Va mbeego ane amookua mitôma na mige miaNzambé, yôtô yaô dimagôgéa vamasôgu yangô na nzina yataba na dine yapagasa. Na dimasôgu dôta na mooto anyama dimabékuni.

Hébreux 9:18

T’ebandô évamba éamapanga éambeego ésibé na ngudi, nzinaye madeo disiaaga.

I Pierre 1:2

Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.