Hébreux 9:15 - New Testament in Mitsogo

¹⁵ Nôeni ébégô émasevou Christ gôéba môsungéyi gôétôvambéda na Nzambé gô évambee éamôbaé. Andéké môsungéyi awa n’anyô tômabambéô na Nzambé gôédiia ôkiti ag’ôba ômavangéa Nzambé mbe: Te mikuanya mianyô. Wa n’anyô tôngoongôa édiia ôkitie ône gôébégô môvo amawa. Owee ône ôyuua oma muetso gô môtsundu ebévee éaô émadigaahngô gô évambee éambeego.

Hébreux 9:15 ပူးပေါင်းရင်းမြစ်များ

Matthieu 19:29

Menyani mbe muetso ane atsika yeba yaô, n’anayaô, na tétee yaô na iyee yaô, n’anaô, na tsaga yaô, atsika yangô gô inami angootéa édiia gô mbene. Gô éôma éetso ématsikangô, gô gévo angakôndégu môkama, môkama. Na dôta angaba na monyo ôsakôdéakani.

Matthieu 22:3

Amatôma ayanziedi gôéwanyéda ane amabambéôkôni. Ivô oma asinyôngéô éviga.

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Matthieu 25:36

Vamabaka me mônyenge anye nômaatéda me môkanda. Vamabeea me, anye nômamogeda me. Vamabaka me gô eba atsôgôô, anye nômaviga gôéena me.

Marc 10:17

Vamaba Jésus aka gô keaga gô nzéa, mômôgôô amaviga pita na gôndé angô. Amasiba mabongome va mbene aJésus. Angô mbe: Ewe môékédi ôndé ti môékédi amôsoba, aabéa me. ?Gôéba na monyo amôbô na môbô nangeenda nayee?

LUC TSANGO EAMOSOBA EMATENDA 18:18

Môvo môtômi aAjuif, ameevôa Jésus mbe: Ewe môékédi ôndé ti môékédi amôsôba ?beenda me gôédiia monyo amôbô na môbô neenda nayee?

LUC TSANGO EAMOSOBA EMATENDA 22:20

Amoomba ébongo gébungu vamamanahngô éaa na ameetsa aneengie sangô. Angô mbe: Gébungu gegé te gémbégéa gétubéda évamba éamanza éawene mônongo. Nôévambédu te gô nzina yami diaagi gôndé anye.

Jean 10:28

Me neetsa mangô monyo amôbô na môbô na masangawa. Gôsaba môma oongôa émawata gô mogo mami.

Mayanzame 20:32

N’atsatsee me nanôdeekeda na gô mogo maNzambé gôésumbédu n’edi na gôékeneo n’edi gô mabégô medi metondo. Amuene andé na ngudi gôéoodeda anye. Vane anganôétsa éne ékôkégangô ga mikuanya gôndé omedi.

Romains 5:10

Vamabaka wa n’anyô tôgébaka adudeo aNzambé, ôwa aJésus ômatôvambéda na Nzambé. Tambô na ndéône edué éka wa n’anyô évambevo na Nzambé, monyo aJésus ôndé gô mitéma misaô n’anyô ôtôôboo.

Romains 5:6

Ekegea te nane. Vamabaka wa n’anyô tôgébaka gébé na ngudi. Christ amaviga gô ndéône émasavoa Nzambé. Gô ndéône éopôpéa asô n’anyô amawa gôndé wa n’anyô abévie muetso.

Romains 5:8

Ivô Jésus-Christ amasinga éwa gôndé wa n’anyô tômabaka tôgébaka abévie. Tôéna étondo éena Nzambé gôndé wa n’anyô oma te gô éne.

Romains 6:23

Môvanô ôétsa ébévee gôndé môma te ôwa. Ivô éne éétsa Nzambé ôbiia gôndé môma te monyo amôbô na môbô gôédigaa na vitoo na Kumu asô n’anyô Jésus-Christ.

Romains 8:28

Menyani mbe Nzambé ayanza gôétônyepeda gô mabégô metso mabuéa gôndé wa n’anyô. Endé te nane gôndé wa n’anyô tôndé tômabambéô na Nzambé gamavanga amuene.

Romains 8:30

V’ebandô Nzambé amasevoa ane angaba eedi na amabambéa ahngô. Ane amabambéôni, na amaabéani, Nzambé amatsimaméda ahngô ti eembe asaba n’oési va mbene edi. Ane amatsimaméduni, Nzambé amagésangana n’ahngô g’ôbébayi ôtubéda ôndômbee wedi.

Romains 9:24

Endé te nane. Wa n’anyô tôndéké tômbambéôni, kaka Ajuif atévo buéyé n’ane asaba gô éongo éAjuif.

II Corinthiens 3:6

Te Amuene Nzambé amatôkoa tôka ayanzi edi eevamba éamanza éawene mônongo évambéda Christ. Evambee éamanza éne ésasipa na mige mimatenduni, ivô ésipa na Gédidi SaNzambé. Mige mimatenduni mibuéda ôwa na gôndé oma. Gédidi SaNzambé géétsa oma monyo.

Galatie 3:20

We tôsabômu mbe Nzambé te môvo. Tambô môma môvo asabuta gékambi. Evéndégéô mbe Nzambé amabuta gékambi te gômabaka angô na ene.

Ephésiens 1:7

Gôébégô wa n’anyô tômoobou na tômasingéô kokoo gô ébévee éasô n’anyô gô ngudi yowa aChrist, ône amatômu na Nzambé. Te gô ébégôe éne tôene gayekégéa ngeba yaNzambé gôndé wa n’anyô.

II Thessaloniciens 2:14

Nzambé amanôbambéa gôédiia géobogeo, te gô ngudi yaTsangô Eamôsôba émeekéda we anye. Amanôbambéa mbe nôngagésangana ôndômba ôvo na Kumu asô n’anyô Jésus‐Christ.

I Timothée 2:5

Ebégô éapie te édué. Gôndéké Nzambé épo na koo. Na va gatse oma na Nzambé gôndéké môsungéyi môvo na koo, te ône amakoga môma inedi Jésus‐Christ.

II Timothée 2:10

T’ebandô nasinga maguga mema gôndé avo oma, buta mbe ane amasevou na Nzambé angeengéa gô géobogeo géndé gôndé Jésus‐Christ. Na angeengéa dôta g’ôndômbee ôsakôdéakani ag’ôba.

Tite 1:2

Nzambé anyôngéô mbe abé na tsoongo gô monyo ôsakôdéakani. Angô te Nzambé asapatani na amavangéa wa n’anyô monyoe ône, tsinane madeo ésikanô.

Tite 3:7

Ameenda nane te mbe gô ngeba yedi tôngeenanô na Nzambé ti eembe tôsaba n’oési, na tôngadiia monyoe ôsakôdéakani, ône ôténdéda wa n’anyô.

Hébreux 10:34

Nômawanyeda moonga na maguga mameena asi tsôgôô. Vamawatô anye ôkitie wanyô ava tsina anye nômatsôkéa gôébégô nôsibômu mbe: We tôndé na wene ôkiti ôôtéa ényepa n’one n’angô te amôbô na môbô ôsangagôgani.

Hébreux 10:36

Buedi mbe nôyanza na mavôma mane manyôngéô Nzambé. Vane nôngadiia éne émavanga angô gôndé anye.

Hébreux 11:13

Omeaa muetso ameetsa Nzambé mitéma miaô gébé na paga na amawa gédiié éne ématéndédahngô. Gô môténdéda ahmeena gôdagôda éne émeenéa ahngô na ahmatsôkéa. Ahmanigôa mbe: We tôndé agenda na akeyi amôtôô gô tsenge nedué.

Hébreux 12:24

Nômawesea dôta na gôndé Jésus, angô môsungéyine evamba éamôbaé. Nômawesea gô nzina yedi dimaagani. Yangô dindé na nyene tsangô, kaka éne ébévani émabaka na nzinaye yAbel.

Hébreux 13:20

Tôkumédéni Nzambé Kumu agétabé ône amakundua Kumu asô n’anyô Jésus va gatse ane amawani. Gô ngudi yowedi, Jésus aka môkeneyi môvôni amandombo medi. Ene émavambédu môma na Nzambé gô nzina yedi te évambee amôbô na môbô.

Hébreux 2:14

Ane atetu n’edi mbe: Anami, te oma ava tsina ahndé na yôtô na nzina. T’ebandô amuene Jésus amakoga gôéba na ôtô amôma. Jésus ameenda nane gômbe angawa na ôtô edi amôma gôébunza yabédé, ône andé na ngudi yowa.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

Hébreux 6:13

Vamavangana Nzambé n’Abraham, Nzambé amasongéa gô ina amuene Nzambé. Gôébégô gôsaba muene ootéa ngudi yaNzambé mbe angasongéa gô inedi.

Hébreux 6:15

Abraham amabaka na môvinéné gôéenéa ôvangee ômavangéô angô na Nzambé. Na amoodiia.

Hébreux 7:22

T’ebandô Jésus te ône atôvambéda yene évamba éôtéa ényepa n’ene éambeego.

Hébreux 8:13

Vavovo Nzambé gôébégô éevambee éne éamôbaé, tômenya mbe éne éamapanga émadinga na émagogo. Tambô sôma gédingini na gégogini géndé gôédimbana.

Hébreux 9:12

Christ ône amasevou na Nzambé ameengéa kukepo gôndé muetso gô tungu ééndô mbe, tsongo éadisambô édigaa Nzambé. Asiingéé na nzina yataba vo dine yapagasa gôédeekeda Nzambé yangô. Ameengéa gôédeekeda nzinaye yedi amuene gôétôoboo môbô na môbô.

Hébreux 9:16

Môma agédôngaka atsika ôgi gangakabô mikuana miokitie wedi. Môma nône madeo asiwa, ôkitie wedi ôsangakabô.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

Jacques 1:12

One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.

I Jean 2:25

Nôeni éne émavanga Christ gôétôétsa te monyo amôbô na môbô.

Gétsutsuéô 5:9

Ahmatôa émbô éamanza mbe: Ii, te éwe, gôndé éwe te kuanakue gôébongo migandamie na gôépunzua mikatékômie. Gôébégô éwe te ômayôhuni. Na g’ôwee woo ômavanéa Nzambé gôndé omedi. Gôndé omeaa amasevou gô mongo metso na gô yôgi yetso na gôndé oma muetso atsenge yetso yagô tsina.