Hébreux 9:11 - New Testament in Mitsogo

¹¹ Na amuene Christ amaviga gôéba môdeekedi môvôni adigondoku môsungéyi akinde oma. Digondokuye te mane mamisôba mandéké n’asô n’anyô deo noo. Eba agébandé ôdigaangô Nzambé ootéa ényepa na ootéa ôvôni n’one ambeego. Ebee adeo noo ôsisaaô na môma na ôsaba n’evamba na tsinane édué émakanôni.

Hébreux 9:11 ပူးပေါင်းရင်းမြစ်များ

Matthieu 11:3

gôémôévôa mbe: ?One ookiô we mbe angaviga te éwe‐a ¿Vo tôngeenea te muene?

Matthieu 2:6

Ewe, Bethléhem gô tsenge éaJudée. Ewe ôsaba môsenge ôgeôge va gatse amisenge mivôni miagô Judée. Gônde éwe, gôngabôtu Kumu. Angô angatôma omami, ana aIsraïl.

Marc 14:58

Tômookô mômôgôô noo amavovo mbe: Me nangapanzéda eba aNzambé ôdôô ômasaô n’oma. Gô pitsi ditatô nangatemeda wene, ôsangasaaô n’oma.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 4:25

Môgetone amavovo na Jésus mbe: Me tsabômu mbe Messie angaviga. (Evéndégéô mbe Christ, ône amasevou na Nzambé.) Vangavigangô angatôpandôéda metso.

Mayanzame 7:48

Môpandôédi amatasa maNzambé amavovo mbe: Nzambé Amôbô na Môbô, ône asaba na gégoni asadigaa gô yeba disaa oma. Môpandôédi amoomba mbe:

II Corinthiens 4:18

Maguga mandé mavôni, na géneegage géndé gévôni ivô évundee éagéneegage éôtéa éne éamaguga. Tôsaténdéda éne éapitsi yedi. Tôténdéda éne éagô mbene éseenanôni. Ene étôenani édinga gô pitsi yatangaga. Ivô éne ésatôenani éndé éamôgunanza gékôdéé.

II Corinthiens 5:1

Tôsabômu mbe yôtôye yasô n’anyô te yeba yebandé didigaa we va tsina. Vangapanzô yebaye yebandé éedi, tôndé na yene yag’ôba dikenea Nzambé gôndé wa n’anyô. Amuene amayanza yangô na mogo medi na disangadôboo.

Colosses 2:11

Gômavambanye na Christ, mômageetu, kaka gageetana oma, ivô ôgeetedi aChrist ôkegea mbe nômanôtôu manyima n’esima ébévani éayôtô yanyô gôéaagana na yangô.

Hébreux 10:1

Ndongi na mitôma na mige mimabaka n’Ajuif misaba gégoni sapie samane mandé na Nzambé. Mine miaô te ga gédinadina géenanô n’omanda géndé na bôbé na misatubéda na vede mane mavigani. Mitômamie na migemie mine misaba na ngudi gôétsimaméda môma anyôngéô éwesea na vandé Nzambé. ?Mingaba na ngudi nayee? Gô miangô môma amadeekeda digondoku môpuma na môpuma gédundé.

Hébreux 12:27

Vavovo angô mbe: Nangoomba nyene kuka, tômenya mbe mane mamakanôni metso mangatatédu na mangadimbana, na éne éngasanéani te éne éngasipani.

Hébreux 13:14

Tsenge nedué, kaka gévôgiméô sasô n’anyô. Tôndé gôéenéa môsenge ag’ôba amôbô na môbô gôngavôgima wa n’anyô.

Hébreux 2:17

T’ebandô amakoga gôégono n’ana aTetee n’edi gô mabégô metso, gômbe angaba môdeekedi adigondoku, môsungéyi aô angudi na angeba vayanzangô va mbene aNzambé. Vane ébévee éamôma ésingéô kokoo.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

Hébreux 4:15

Nômenya mbe ?Môsungene asô n’anyô asaba na wa n’anyô go maguga matôenani‐a? ?Na g’ômbuéa ôndé na wa n’anyô‐a? Kaka nane. Andéké na wa n’anyô. Na amuene amakanégu na yabédé gô mabégô metso makanégu wa n’anyô. Na angô asikuéé gôéénda ébégô ébévani.

Hébreux 7:1

Melchisédek te mômôgôô amabaka môtômi amôsenge ôéndô mbe Salem. Amabaka dôta môdeekedi adigondoku gôéyanzéa Nzambé, Kumu angudi yetso. Nyovo Abraham amaviga amamana égenya ébadie na atômie ayekani. Na te Abraham amadiia gô éangô. Na Melchisédek amakea gôéwanyéda angô, na ameetsa Abraham mate.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

II Jean 1:7

Gôndéké eekédi ayekani adiboe aka gô tsengeye yetso. Ahngô asangoongôa ésinga mbe: Jésus‐Christ te na gô pie amakoga môma. One asoongôa ésinga nane te môsi oboe na te Môvingi aChrist.