Hébreux 7:25 - New Testament in Mitsogo

²⁵ T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

Hébreux 7:25 ပူးပေါင်းရင်းမြစ်များ

Jean 14:13

Ene édukanye me gôéénda, me nangeenda gômbe Téta angakumédu gô ina aMuanedi.

Jean 14:16

Nangaduka Téta gôénôtôméa muene môwedi asanganôtôga gôndé anye. Môwedine ône te Gédidi gétsutsuéda mabégô mapie maNzambé.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Romains 5:10

Vamabaka wa n’anyô tôgébaka adudeo aNzambé, ôwa aJésus ômatôvambéda na Nzambé. Tambô na ndéône edué éka wa n’anyô évambevo na Nzambé, monyo aJésus ôndé gô mitéma misaô n’anyô ôtôôboo.

Romains 5:2

Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

Romains 8:34

?One angeeséda ane amasevouni indaa? Kaka Christ. Gôébégô te Jésus-Christ amawa, na va ngongone vane amakunduga. Na angô andé digaa gô géeyo gémôgôô saNzambé gôétôsungéa.

I Corinthiens 1:21

Ekegea te nane, oma atsengene na éodo n’ebagé éaô ahsiôngôé émenya Nzambé. Asiôngôé émenya na mane matsutsua éodo éamuene Nzambé. T’ebandô Nzambé amatasa gôéoboo ane eetsa angô mitémamie gô meekédume matôékédani éma maseka môma mbe matsôga.

Ephésiens 2:18

Wa n’anyô muetso, na Ajuif na ane asaba Ajuif, tôwesedu na Gédidi SaNzambé na va mbene edi gô ngudi yaChrist.

Ephésiens 3:12

Okô mbe tôndé évambevo na Christ, na ôkô mbe tômamôétsa mitémamie gémôtsumé paga, tôndé ti kuanakue gôéwesea na va mbene aNzambé gébé na mikebanganô.

Ephésiens 3:20

Ondômbee wetso ôbaké gôndé Nzambé. Gô ngudi yedi dipôni diyanza gô mitéma miasô n’anyô, angô eenda éne étônyôngéôni, na étôvakani na étôdukani. Na akôndéga na éene ésatômenya édukani.

Philippiens 3:21

Angakoa yôtô yasô n’anyô yava tsina disaba na tsoongo mbe digono na ône wedi ondômba ôndé na tsoongo. Angadikoa gô ényangee éndé n’edi. Enyangee éne te éne émasugédangô éôma yetso na gô tsina amatambé medi.

I Timothée 2:5

Ebégô éapie te édué. Gôndéké Nzambé épo na koo. Na va gatse oma na Nzambé gôndéké môsungéyi môvo na koo, te ône amakoga môma inedi Jésus‐Christ.

II Timothée 1:12

Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.

Hébreux 11:6

Tambô gôsaba môma oongôa étubéda Nzambé gényônga ôkô angô andé na paga. Endé te nane. One awesea na gôndé Nzambé te ône eetsa môtémee wetso gébé na paga mbe Nzambé andéké, na mbe Nzambé amenya étsutsuga gôndé ane amôbutani.

Hébreux 13:15

Jésus atôwedéa gôédeekeda kumane aNzambé ga ôgondoku va mbene edi. Tambô tôbubué miônya miasô gôékuméda Nzambé na gôéteta inedi gébé na tsoyi.

Hébreux 2:18

N’atsatsee Jésus andé na ngudi gôétôwedéa vakanégu wa n’anyô gô mane mabévani, gôébégô amuene amakanégu te nane, na ameena panda te nane.

Hébreux 2:9

Ivô tôena môvo, te Jésus amasugéa pesu andéô na gô tsina otômu asi g’ôba ayanzie aNzambé gôéwa gôndé oma muetso gô ngeba yaNzambé. Gô ndéô nedué tômôena abatédu na gô gédigaa sokumaka na sondômba, gôébégô éowa ôdagani ômawa angô gôndé oma.

Hébreux 5:7

Jésus, gô pitsi dimadigaangô va tsina, amavovo na Nzambé na miduké na mindônga na keba. Amaduka Nzambé ône amabaka na ngudi gôémôkuséda g’ôwa. Nzambé amookô môduké aJésus gômasugéda angô amuene gôégobeda Nzambé.

Hébreux 7:16

One amôbaé aseengédu gô ngudi yamôma gô éyanzee éamôdeekedi adigondoku na éamôsungéyi oma. Ameengédu gô éyanzee éne gô ngudi yamonyo amôbô na môbô.

Hébreux 7:19

Mige na mitôma miaMoïse misibé na ngudi gôényepeda na gôédugéda monyo amôma. Ivô tômeetsô wene mônongo gôényepedu na gôédugédu. Gô ngudi yamônongo amôbaé tôwesea na gôndé Nzambé gôévamba n’edi.

Hébreux 7:24

Ivô Jésus andé monyo môbô na môbô na éyanzee éedi gôétôsungéa va mbene aNzambé ésakoga na ésangeetsô muene.

Hébreux 7:8

Adeekedi adigendoku amabongo g’ôkiti amôma ôkabôe waô, gô nzima épo épo, sôma gévo gévo. Anguene te oma angawani. Géé Melchisédek, amabongo ôkabôe wedi angô môma amonyo gatôtanga gô Matendeo MaNzambé.

Hébreux 9:24

Gôébégô Christ asiengéé gô tsongo éadisambô édigaa Nzambé émasaaô na môma mbe Christ adeekeda amuene gône. Eba ôsaa môma gôéneegeda Nzambé te makanégéda mone apie ag’ôba. Jésus ameengéa na g’ôba gôéadeekeda amuene te gôétôsungéa va mbene aNzambé deo noo.

Jude 1:24

Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.