Hébreux 7:14 - New Testament in Mitsogo

¹⁴ Wa n’anyô tôsabômu mbe Kumu Jésus te môsi ébôta éaJuda. Ebôtee éne ésitetu na Môïse mbe éangô éngaba asungéyi oma va mbene aNzambé.

Hébreux 7:14 ပူးပေါင်းရင်းမြစ်များ

Matthieu 2:6

Ewe, Bethléhem gô tsenge éaJudée. Ewe ôsaba môsenge ôgeôge va gatse amisenge mivôni miagô Judée. Gônde éwe, gôngabôtu Kumu. Angô angatôma omami, ana aIsraïl.

LUC TSANGO EAMOSOBA EMATENDA 1:43

Tambô me môma abobo, navigéô na yeene aKumu ami.

LUC TSANGO EAMOSOBA EMATENDA 3:33

Naasson amabôtu na Aminadab. Aminadab amabôtu na Admin. Admin amabôtu na Arni. Arni amabôtu na Esrom. Esrom amabôtu na Pharès. Pharès amabôtu na Juda.

Jean 20:13

Asi g’ôba ameevôa Marie mbe: ?Môgeto noo, ôdéa ndé? Angô mbe: Me nadéa gômabongu ôtôe aKumu ami. Me tsamenya gôkeyi angô na nzumbine.

Jean 20:28

Thomas amamôneegeda mbe: Ewe Kumu ami. Ewe te Nzambé ami.

Romains 1:3

Tsangône te éne éaMuana ANzambé, kumu asô n’anyô Jésus-Christ. Bôkudue wedi gôndé oma tétedi te David, môtômi môvôni atsenge.

Romains 2:3

Ewe ôséda akoo, na éwe ôgônga Nzambé na ôsôbee woo mônongovo geenda akoo. ?Otasa mbe n’ewe ôngabusuga géesédéô saNzambé-a?

Ephésiens 1:3

Tôkumédéni Nzambé Tétene éaKumu asô n’anyô Jésus‐Christ. Nzambé aagéda mate medi mag’ôba, te mane maGédidi sedi na gôndé wa n’anyô, gômatôvamba évambevo na Christ.

Philippiens 3:8

Kaka mayanza matévo maka gébé na tsoongo gôndé me, te na metso mamisôba moongôa môma ékôndéga gôndé me. Naviia metso mane ngima gô éne émadenga me éôtéa ényepa na metso mane. Namadenga Kumu ami. Nabuta émenya angô, Jésus‐Christ. Gôndé angô namaviia mane mami metso ngima. Nabono mangô ti eembe te tôbi, buta mbe nadiia mane maChrist metso.

Hébreux 7:13

Endé te nane, Kumu asô n’anyô Jésus asibaké môsi ébôta éasungéyi. Gô ébôta éaJésus madeo gôsibé môdeekedi adigondoku gôéyanzéa Nzambé va gévumbéô sadigondoku.

Hébreux 7:15

Oôkôni dôta éne étônigôa na vede mônongovo gamabaka Jésus. Gômaviga môsungéyine amôbaé, amagono na Melchisédek.

Gétsutsuéô 22:16

Me Jésus navovoni, namavigéda môsi g’ôba, môyanzi ami na gôndé anye asi mbumu éaNzambé gôénôbeenda metso. Me navovoni te muana amabôtu na David. Me te mônanga ôtanani ava maageô.

Gétsutsuéô 5:5

Na vane, môvo va gatse apeeye amavovo n’ami mbe: Ombiadéa. Bonoko. One eendô mbe Gémbungu seongo éaJuda, Muana aMotômine David, angô amadiia gô ébadie émagényuni, te angô angoongôa ékatôa mikatékômie tsambué na épunzua môvutégue amiganda.