Hébreux 7:1 - New Testament in Mitsogo

¹ Melchisédek te mômôgôô amabaka môtômi amôsenge ôéndô mbe Salem. Amabaka dôta môdeekedi adigondoku gôéyanzéa Nzambé, Kumu angudi yetso. Nyovo Abraham amaviga amamana égenya ébadie na atômie ayekani. Na te Abraham amadiia gô éangô. Na Melchisédek amakea gôéwanyéda angô, na ameetsa Abraham mate.

Hébreux 7:1 ပူးပေါင်းရင်းမြစ်များ

Marc 5:7

Amavovo n’ogi agô ngongo mbe: ?Obé nayee n’ami, éwe Jésus Muana ANzambé ône amôbô na môbô? Nagôgondo ti na kokoo gô ina aNzambé, ôneetsa me tsôgôô.

Mayanzame 16:17

Amaanda wa na Paul va ngima. Amaadôngana mbe: Amôgôô adua te ayanzie aNzambé Amôbô na Môbô, Kumu angudi yetso. Anôékéda mabégô magô nzéane ébuéda môma na gô géobogeo.

Hébreux 6:20

Tsongo nene éndé gô ngima amôkanda ôvôni émeengéa Jésus gôndé wa n’anyô, we madeo tôsiengédu. Amakoga môdeekedi adigondoku, môsungéyi môvôni amôbô na môbô, gamabandôa Melchisédek.

Hébreux 7:2

Vane Abraham amamôétsa ôkabô okiti ômadiiangô. Gô nzima na nzima yoma, Melchisédek ameetsô sôma gévo gévo. Ina aMelchisédek événdégéô te mbe, Môtômi atôma gépenganédé mabégô. Va ngongone vane, angô te môtômi amôsenge aSalem. Evéndégéô te mbe, Môtômi agétabé, asaba na diyunga.

Hébreux 7:3

Ebandô éaMelchisédek ésamenyanganô mbe tétedi simbe, yeedi simbe. Obôtue wedi, n’owee wedi ôsamenyanganô. Agono n’amuene Muana ANzambé, andé môdeekedi adigondoku môsungéyi amôbô na môbô.

Hébreux 7:6

Ivô gôndé Melchisédek ésibaké nane, angô kaka muana aLévi. Buéyé mbe nane, Abraham ameetsa angô ôkabô okitie wedi. Gô nzima épo épo amamôétsa sôma gévo gévo, angô gébé môsi mbumu éaAbraham. Na vane Melchisédek ameetsa mate gôndé Abraham, môma môvôni amavangéa Nzambé ôvanga ôvôni.