Hébreux 6:20 - New Testament in Mitsogo

²⁰ Tsongo nene éndé gô ngima amôkanda ôvôni émeengéa Jésus gôndé wa n’anyô, we madeo tôsiengédu. Amakoga môdeekedi adigondoku, môsungéyi môvôni amôbô na môbô, gamabandôa Melchisédek.

Hébreux 6:20 ပူးပေါင်းရင်းမြစ်များ

Romains 8:34

?One angeeséda ane amasevouni indaa? Kaka Christ. Gôébégô te Jésus-Christ amawa, na va ngongone vane amakunduga. Na angô andé digaa gô géeyo gémôgôô saNzambé gôétôsungéa.

Ephésiens 1:3

Tôkumédéni Nzambé Tétene éaKumu asô n’anyô Jésus‐Christ. Nzambé aagéda mate medi mag’ôba, te mane maGédidi sedi na gôndé wa n’anyô, gômatôvamba évambevo na Christ.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Hébreux 2:10

Emabaka ti kuanakue gôndé Nzambé, angô môkani na môkeneyi éôma éetso, gôésinga Jésus eena maguga mbe angadiia ôndômba. Gômbe angaveegéda anedi ayekani gôédiia n’edi ôndômba ôvo. Amuene Jésus te gétômbiatômbia gékuséda oma gô maguga na géengéda ahngô gô géobogeo.

Hébreux 2:17

T’ebandô amakoga gôégono n’ana aTetee n’edi gô mabégô metso, gômbe angaba môdeekedi adigondoku, môsungéyi aô angudi na angeba vayanzangô va mbene aNzambé. Vane ébévee éamôma ésingéô kokoo.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

Hébreux 4:14

Wa n’anyô tôndé na môdeekedi adigondoku angô môsungéyi môvôni te Jésus Muana ANzambé amabuéa na va mbene amuene Nzambé. Tambô tôsipéni gô mabégôme medi matôténdédani matônigôa dôta akasô.

Hébreux 5:10

Vane Nzambé amasongéda angô mbe: Ewe te môdeekedi adigondoku, môsungéyi akinde oma môbô na môbô. Mônongovo gamabaka Melchisédek.

Hébreux 5:6

Na gô épo ndéô Nzambé amavovo n’edi mbe: Ewe ôngaba môdeekedi adigondoku môsungéyi akinde oma môbô na môbô, Mônogovo gamabandôa Melchisédek.

Hébreux 8:1

Vootanganôni ébégô évôni édué étônigôni. Tôndéké na môdeekedi adigondoku môsungéyi môvôni. Na angô andé digaa g’ôba gô géeyo gémôgôô sangudi va kôbangô agédigaa saNzambé sokumaka. Na amuene Nzambé te kumu angudi yetso.

Hébreux 9:12

Christ ône amasevou na Nzambé ameengéa kukepo gôndé muetso gô tungu ééndô mbe, tsongo éadisambô édigaa Nzambé. Asiingéé na nzina yataba vo dine yapagasa gôédeekeda Nzambé yangô. Ameengéa gôédeekeda nzinaye yedi amuene gôétôoboo môbô na môbô.

Hébreux 9:24

Gôébégô Christ asiengéé gô tsongo éadisambô édigaa Nzambé émasaaô na môma mbe Christ adeekeda amuene gône. Eba ôsaa môma gôéneegeda Nzambé te makanégéda mone apie ag’ôba. Jésus ameengéa na g’ôba gôéadeekeda amuene te gôétôsungéa va mbene aNzambé deo noo.

I Pierre 3:22

Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.

I Jean 2:12

Nanôtendéa anami anéngé gôénôbangôéda mbe ébévee éanyô émasingéô kokoo te gô éne émayanzéa Jésus‐Christ wa n’anyô.