Hébreux 6:2 - New Testament in Mitsogo

² Na meekédume mabatemeye na mane magétsakégéô samogome. Na mbe mabégô magékundugéô sane amawani, na môtsundu amôbô na môbô aNzambé.

Hébreux 6:2 ပူးပေါင်းရင်းမြစ်များ

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

Matthieu 3:14

Ivô Jean amakanéga émôkina mbe: Me nandé na ngudi yeviga gôébatésu n’ewe. ?Ivô éwe yôviga gôébatésu n’ami‐a?

Marc 16:16

One eetsa môtémedi na eetsô bateme, te angô angoobouni. Ivô ône aseetsa môtémedi angeesédu na g’ôwa.

Marc 7:4

Buéyé mbe ahviga gô eba ekasa, gôéaa môyakô ôvigi n’angô gépangé éokea, môge. Ahmagobeda pingô yaô yesôga émadengangô na peeye yaô. Esôgee te gôégôgéda ébungu éaô na tsôva yaô, na mbéka yaô yakunga.

Marc 7:8

Jésus angô mbe: Anye nôkôngéga ndongi yaNzambé na va kôbangô gôégôbeda mane meekédu anye n’oma.

LUC TSANGO EAMOSOBA EMATENDA 11:38

Apharisien amatsapéô vameenahngô Jésus adigaa gôéaa môyakô, angô gépangé éôvôa mogome geendahngô gô ésôgee éaô.

LUC TSANGO EAMOSOBA EMATENDA 12:50

Gô mbene gôndéké bateme épôni éngeenôô me. Me ta madeo tsiinôô yangô, ôtôe ôgembanô na maguga.

LUC TSANGO EAMOSOBA EMATENDA 14:14

Ti gô gényônga géngaba n’ewe gôébégô ane ayeeyi môambôe woo asangagônikédéa ta na sôma gévo. Ivô te Nzambé angagônikédéani gô nyee ôngakunduga ane amawani amayanzéa Nzambé ganyôngéô angô.

LUC TSANGO EAMOSOBA EMATENDA 3:16

Vane Jean amanigôa ahngô mbe: Me nanôbatésa na meba. Ivô va ngimami gôngaviga muene na ngudi yedi diôtéa dine yami. Me te gétôkôtôkô. Angô te môtsé. Gétôkôtôkô ôgoeyee géôté môtsé. Ivô tsaba pengo gétôkôtôkô. Nandé ti gô tsina asangô. Anganôbatésa na Gédidi SaNzambé na soto.

Jean 5:29

Na angatimôga gôékusa gô ngii. Ane amayanza gô monyoe waô mane manyôngéô Nzambé angakunduga gôédiia wene monyo. Ane amayanza gô monyoe waô mane masanyôngéô Nzambé angakunduga gôésisédu.

Mayanzame 10:47

We tôsoongôa ékina éétsa omeaa batemene éagô mbéyi gôébégô Nzambé amani éyuéséda mitéma miaô na Gédidi Sedi mônongovo gamayuésédu mine miasô.

Mayanzame 13:3

Vane, amôgôôe ane muetso amoomba édigaa gô gékinéô samôyakô gôévovo na Nzambé. Amatsakéga Barnabas na Saul mogome na ahmasingéa ahngô ahkea.

Mayanzame 16:15

Môgeto nône ameetsô bateme, angô na asi ebedi muetso. Vane amabambéa we mbe: Okô anye nômenyi na gô pie mbe me neetsi Kumu Jésus môtémami wetso, tambô vigani nôvidigaa gô ebami. Asinyôngéô mbe we tôkina.

Mayanzame 16:33

Na pitsi nene, môgode ône, angô môkeneyi eba atsôgôô amoovôa Paul na Silas pôtaye. Ahmeetsô bateme, angô n’asi ebedi muetso.

Mayanzame 17:18

Avo eekédi agô géômbé sEpicurien na géômbé sAstoïcien amavovo na Paul. Avo ameenda Paul mbe: ?One eetama ga ngubu gésikamé avovo vita ndé? Avo dôta ameenda mbe: We tôôkiô mbe gôndé nyene Nzambé évigi n’edi. Amavovo nane gôébégô Paul ameekéda mabégô maJésus na gamakunduganô g’ôwa.

Mayanzame 2:38

Pierre amanigôa ahngô mbe: Koani mitéma mianyô gôéba wene mônongo oma. Buedi mbe môma na môma abatésu gô ina aJésus-Christ, gômbe ébévee éanyô ésingéô na Nzambé kokoo. Vane Nzambé anganôétsa Gédidi sedi, ôbiia.

Mayanzame 2:41

Tambô ane amasingaka mabégô mamavovo Pierre ameetsô bateme. Gô nyoone, mbumu éaNzambé émoomba ékôndama mitônisa mitatô mioma.

Mayanzame 23:6

Paul asibômu mbe asi kundu épôni éAjuif amabaka éômbé ébaé. Egé gésa te Asadducéen. Egé gésa dôta Apharisien. Na amavovo n’ahngô mbe: Ana aTétee n’ami. Me dôta te Môpharisien. Téta te Môpharisien. ?Tambô anye nôtsundéda me te gôténdéda me gékundugéôge sowa-a?

Mayanzame 24:15

Ene éténdéda me gôndé Nzambé te éne éténdéda omeaa. Wa n’ahngô muetso tôsabômu mbe Nzambé angakundua oma muetso g’ôwa, n’ane abévani, n’ane amisôba.

Mayanzame 24:21

Me tsabômu ébégô évo émavovo me ésinyôngéô angô. Ebégôe te vamavovo me mbe: ?Tambô anye nôtsundéda me te gôténdéda me gékundugéôge sowa-a?

Mayanzame 24:25

Paul amabandôa évovo. Amanigôa ganyôngéô Jésus mbe môma adigaa n’etsimama. Na gôétôma ôtôe woo gôékina mane mabévani. Amavovo dôta n’ebégôe éamôtsundu ôvigani. Vane Félix ameena gomo na amamôénda mbe: Te vanedô. Kiaka. Okedigaa. Gô épo kuka vangeena me ndéô nangagôbambéa.

Mayanzame 26:8

?Anye Ajuife n’ami nôtsapéô nayee? ?Na nôtsuma paga mbe Nzambé asangoongôa ékundua ane amawani-a?

Mayanzame 4:2

Ahngô asinyôngéô gômookô ahngô Pierre na Jean andé gôéékéda mbe Jésus amakunduga g’ôwa. Gôébégô meekédume mane mamenyeda oma mbe va mbene owa gôndéké gékundugéô na wene monyo.

Mayanzame 6:6

Omeaa tsambué amatubédu na gôndé ane amatômukuni. Ahmatsakéga ahngô mogome na ahmavovo na Nzambé gôndé ahngô tsambué.

Romains 2:16

Metso mane mangeenanô nyee ôngatsundéda Nzambé na Jésus-Christ, atsundéda mabégô mamasuégu gô mitéma mioma. Te éne éôkanô gô Tsangô Eamôsôba éékéda me Paul.

I Corinthiens 10:2

G’ôbôngé na gô mubu ahmeenaméa muetso ga batemene émeetsô ahngô kukepo na Moïse môtômine waô.

I Corinthiens 12:13

Na wa n’anyô muetso tôbéyee Ajuif, tôsabéyee Ajuif, tôbéyee avéga tôsabéyee avéga, tômeetsô bateme gôékanda g’ôtô ôvo gô ngudi yaGédidi gévo, te géne SaNzambé. Na wa n’anyô muetso tôdônga gô ngudi yaGédidige géne.

II Corinthiens 5:10

Gô éne éyanza we tôdônga na yôtô yedi tôngatsundédu vatema we va mbene aChrist. Tôngadiia, môma na môma, éne éndé kuanakue n’edi buéyé mbe mane mamisôba vo mane mabévani gamayanza wa n’anyô gô yôtô yedi.

Philippiens 3:21

Angakoa yôtô yasô n’anyô yava tsina disaba na tsoongo mbe digono na ône wedi ondômba ôndé na tsoongo. Angadikoa gô ényangee éndé n’edi. Enyangee éne te éne émasugédangô éôma yetso na gô tsina amatambé medi.

Colosses 2:12

Endé te nane. Gô bateme émeenôô anye, nômagunyu ngii épo na Christ, na nômakunduu gékundugéô gévo n’edi. Endé nane gôébégô nôsitsumé ngudi yaNzambé paga, dine dimakundua Jésus g’ôwa.

II Timothée 2:18

Anguene amadimbanéô nzéane éamabégô mapie, na aduta oma ayekani gôégéngôgéda mbe atsika mabégô mapie. Avovo n’ahngô mbe: Nyaa agékundugéô sowa ômamana éôta.

Hébreux 11:35

Gômabaka ageto ameetsa Nzambé mitéma miaô mietso gétsumé ngudi yedi paga. N’ahngô ameena omee waô ahkunduga g’ôwa gôénikéa édigaa n’ahngô. Oma ayekani amayôhu gômavambangô môtémovo na Nzambé. Adudeoe waô amatséva n’ahngô gatséva nzotsi na tanga, ivô oma aNzambé asinzeegede ina aNzambé buta mbe akusédu gô panda. Amasinga gôéyôhu mbe akea na gô wene monyo amôsôba.

Hébreux 9:10

Gô évambee éambeego éne, gômadenganô mabégô mamiyakô na mane manyuôni, na mane meesôga gôégôgéda môma na pingô yamige na mitôma. Oma amanyepedu va mbene aNzambé gô gékeneo samabégôme mane ngu na ndéône émaviga Christ gôétôtubéda nyene nzéa.

II Pierre 3:7

Ivô tsina n’oba éndé n’asô n’anyô deo noo, ékeneo te n’ogi aNzambé ône ngu na ndéône éngayôédu yangô na soto. Ekeneo ngu na gô nyaa amôtsundu ôngabunzu oma abévani.