Hébreux 6:17 - New Testament in Mitsogo

¹⁷ Tambô ébandô éamôsongia aNzambé ésaba nane. Nzambé amasongéa va mbene aAbraham gôémômenyeda mbe Nzambé asavovo na buembe gôékoa matasa medi.

Hébreux 6:17 ပူးပေါင်းရင်းမြစ်များ

Jean 10:10

Muisui aviga te gôéésua, na gôéyôa na gôébunza. Me namaviga te mbe wa na môma tôngaba monyovo. Mônongoe amonyo ône, te ône ôsoongôa môma ésupua.

Romains 11:29

Nzambé asamenya éwata éne émeetsa angô oma na asakoa matasa medi gôndé ane amabambéa angô.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

Galatie 3:29

Okô mbe nôndéké oma aChrist nôndéké ana aAbraham. Ene éndéké ga mikuanya mimavanga Nzambé, éndé te gôndé anye.

Ephésiens 1:11

Gô évambee éndé wa n’anyô na Jésus‐Christ, tômani édiia géôbogeo sasô n’anyô. Gôébégô wa n’anyô madeo tôsibôtu, Nzambé amapanga étôsevoa mbeego gamanyôngéô angô. Nzambé eenda ti metso ganyôngéô amuene na gavangangô mbe éngaba te nane.

Hébreux 11:7

Noé ameetsa Nzambé môtémedi wetso na asitsumé meevédéô maNzambé paga. Buéyé mbe gamabakangô madeo asiena éne émavovo Nzambé mbe éngabuéa, Noé amasaa mbôngône. Angô na gévia sedi amoobou. Gôsibé Noé na paga, mitayimie mimeetsô angô na Nzambé mimeeséda oma muetso. Gôsitsumé angô Nzambé paga, Noé ameetsô n’edi ôséngu.

Hébreux 11:9

Amadigaa ga môgenda gô tsengene émavangéô angô na Nzambé, ivô amaténdéda ôgi aNzambé gébé na paga. Angô amadigaa na Isaac na Jacob gô yeba yebandé. Ahngô muetso amaténdéda ôvangee aNzambé.

Hébreux 6:12

We tôsanyôngéô mbe anye nôkoga gôédigaa n’ombuéa gô monyoe wanyô. Tônyôngéô mbe anye nôba na môvinéné gôétsa mitéma mianyô gébé na paga mônongovo gameenda akanyô ane amoota gô mbene. Ahngô amadiia éne émavanga Nzambé gôndé ahngô.

Hébreux 6:16

Vasongéa môma ateta ina one ootéa ngudiye yamuene asongéani. Vane akedi asangadôtsuma angô paga na ébégôe ékôdéa te vane.

Hébreux 6:18

Vane tômenya mbe Nzambé amatôvangéa ôvanga edi na amatôsongéa inedi. Mabégô mema mabaé, Nzambé asangoongôa ékoa mangô gôépata. T’ebandô wa n’anyô tômeengéa gôésomo gôndé angô. Tôsinga gébé na paga éne émavangéa angô wa n’anyô éamane mangatôdiiani.

Jacques 1:17

Ekamô éetso na éenza éetso éamisôba éviga g’ôba gôndé Nzambé angô te môvangi agévede. Amuene asakoga na asaba na gédinadina gépenganani.

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

I Pierre 1:3

Tôkumédéni Nzambé, Tétene éaKumu éasô n’anyô Jésus‐Christ. Gô ngeba yedi Nzambé amabôta wa n’anyô g’ôbôtu amôbaé gômakundua angô Jésus g’ôwa. Tsoongone éasô n’anyô ésagôgakani éndé gôndé Jésus.

I Pierre 3:7

Anye amôgôô keneakani agayanyô. Bangôani mbe ageto ahsaba na ngudi gandé anye amôgôô. Nyôngéôni ahngô na géneega gôébégô ahngô ahdiia kukepo n’anyô monyo ômeetsa Nzambé ôbiia. Indani nane buta mbe gôsaba ébégô ta n’evo gébakanédéô sadisambô yanyô.