Hébreux 6:10 - New Testament in Mitsogo

¹⁰ Nzambé asoongôa épenganéda tsembô yedi na ôséngu edi. Andé n’oséngu gô éne éyanzanye, na gô ényônganéô éndé n’anye gôéwedéa asi mbumu éedi gô inedi ngu na deo noo.

Hébreux 6:10 ပူးပေါင်းရင်းမြစ်များ

Matthieu 10:42

Nanôbeenda ébégô édué éapie mbe, ône eetsa gébungu sameba masodi na gôndé môvo va gatse aneengie ami, gôndé angô mômami, môétsine angadiia misenda.

Matthieu 20:7

Oma amaabéa angô mbe: We tôsibongu na môma gôéyanza. Kumu atsaga amatôma ahngô mbe: Tambô, kiakani nôkeyanza gô tsagami.

Matthieu 25:17

Na ône ameetsô yabi dibaé amayanza te mônongovo. Dodeye yedi dimoomba ékuséda yene yabi dibaé yadode.

Marc 9:41

One anôétsa pengo gébungu sameba gôényua gô ina aChrist étôvambani, nanôbeenda na gô pie mbe angadiia môsenda.

Jean 13:20

Me nanôbeenda na gô pie mbe ône avamba na mômane amatômu na me, avamba te na me namamôtômani. One avamba na me, avamba dôta na môtômine wami.

Mayanzame 10:31

Amavovo n’ami mbe: Corneille, Nzambé amookô disambôye yoo. Asabômu gawedéa éwe misuga.

Mayanzame 10:4

Amabono môsi g’ôba na ônzenze na amamôévôa mbe: ?Kumu Nzambé éébé nayee? Môsi g’ôba amamônigôa mbe: Nzambé amookô disambôye yoo. Ameena gawedéa éwe misuga. Na asabômu éwe.

Mayanzame 11:29

Aneengie amavangana anguene gôéwedéa akaô. Angô mbe: We muetso, môma na môma tôngeetsa éne éndéké n’asô gôékudégéa ana aTéta asi mbumu éaNzambé adigaa gô Judée.

Romains 12:13

Wedéani asi mbumu éaNzambé gô panda yaô. Keneani agenda na géneega.

II Corinthiens 9:1

Anye nôsabutadô meekédu meetsa dode yewedéa asi mbumu éaNzambé andé gô Judée gôébégô anye nôsabômu mangô.

Galatie 5:13

Ivô gôndé anye ana aTéta, nômakusédu na Nzambé g’ôvéga. Wemani vadigaanye g’ôkumu, nômbiaaga gô manyima mabévani mayôtô yanyô. Ivô n’etondo évôni wedanéani anyene n’anyene.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Galatie 6:10

T’ebandô ôkô tôndé vangô kuka yetso tôena môkasô adagéô ébégô te gôndé wa n’anyô gôémôwedéa. Tôôtéé éwedanéa wa n’anyô asi mbumu éaNzambé.

Colosses 3:17

Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

I Timothée 6:18

Oongô angô ndongi mbe ééndéké mayanza mamisôba na asatanganéda ôkiti ômasuégangô gô gégaa. Atanganédé te ône ômakabangô na gényônga gôéwedéa akaô mbe ône ôndé na tsoongo. Na oombéké ékaba gébé na ninga.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Hébreux 10:32

Bangôani mane mamabuéa gôndé anye. V’ebandô vameengéa gévede saNzambé na gôndé anye nômeena ti maguga mavôni, ivô nômasipa gétsiké gévedege.

Hébreux 13:16

Nômbieeba gôéwedanéa na gôékabanéa anyene n’anyene éne éndé n’anye. Oô te mônongoe adigondoku ônyôngéô Nzambé.

I Jean 1:9

Okô tôtuba va mbene aNzambé mbe: Me te môma môbévani, na tôétséni angô mitémamie gôébégô tôsabômu mbe Nzambé te Kumu amavôma na gôndé wa n’anyô asapata, atôsingéa kokoo gô ébévee éasô n’anyô na atôgôgéda éangô.