Hébreux 5:13 - New Testament in Mitsogo

¹³ One anyua ôbuba te muana av’ebene. Asamenya éne éngeendangô gôésevoa mane mamisôba na mane mabévani.

Hébreux 5:13 ပူးပေါင်းရင်းမြစ်များ

Matthieu 11:25

Gô ndéô nene Jésus amavovo na Tétedi mbe: Ah Téta, Ewe Kumu atsina n’oba, nagôkuméda. Ewe ômatsutsuéda mabégô mavôni gôndé oma abobo mbe amamenya. Géé gôndé oma éodo, na oma agéneenga gévôni ômasuéga mangô.

Marc 10:15

Me nanôbeenda na gô pie mbe ône asasinga ôtômu aNzambé gasingéa ana angô, asangeengéa g’ôkumu aNzambé

Romains 2:20

Me te môékédi gôndé asi ôdungé, me te payi, mônigôi aanéngé. Metso mane ôakuméda ômuene gôébégô mige na mitôma miaNzambé misapata na mimadugu étsimama éetso na éodo éetso.

I Corinthiens 13:11

G’ôanéngée wami namatasaka, na namatanganédaka na namavovoko geenda muanéngé. Ivô vamoongôga me naka mômôgôô, namatsika metso mane meenda muanéngé.

I Corinthiens 14:20

Ana aTéta n’ami gô mabégô mema nômbiaba gandé anéngé asamenya éne éénda ahngô. Gô mabégô mabévani bakani g’anéngé asamenya évanga mangô. Géé gô mane mamisôba bakani oma oodini gôéénda mangô.

I Corinthiens 3:1

Na gô pie ana aTéta asi mbumu éaNzambé, me Paul tsiôngôé évovo n’anye gandé oma ahndé na Gédidi SaNzambé gô mitéma miaô. Ti anye gôsiôkô anye tambô navovo n’anye ga oma abôtu gô tsengene. Navovo n’anye nôndé g’anéngé avembo abôtiô na Christ madeo asiditéga mane meetsi ahngô mitémamie.

II Corinthiens 3:9

Môtômine amaviga gôéeséda oma amabuéa n’obébayi ondômba. Tambô na môtômine aviga gôétsimanéda oma va mbene aNzambé ?asangaviga n’obébayi ôôtéani ôtubéda ôndômba wedi‐a?

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

II Timothée 3:16

Matendeo metso maNzambé mamatendu te gamavumbéa Nzambé modie wedi gôétévéda oma. Mangô mandéké ngu gôétsigéda môma gô mabégô mapie na gôékoa matasa moma amabômuni, na gôétsimaméda ébévee éamôma, na gôétévéda angô wene mônongo amonyo ômatsimamani.

I Pierre 2:2

Ganyôngéô muana av’ebene anyôngéô ôbuba, anye nyôngéôni mônongovo mabégô maNzambé metsimama gômbe vanganyua anye mangô nôngavunda gô géôbogeo.

II Jean 1:11

One asambanéa n’edi aka te môvo n’angô gôémôwedéa gô mane mabévani meendangô.