Hébreux 5:12 - New Testament in Mitsogo

¹² G’edingéa anye go mabégô mema nôndé ngu goeekéda akanyô. Géé anye, nôgébutaka éékédu. ?Tambô anye madeo nôsinigéô mabégôme mamapanga maNzambé mameekédu anye‐a? Anye nôsoongôa éaa môyakô ôodôni. Nônyôngéô te ényua ôbuba.

Hébreux 5:12 ပူးပေါင်းရင်းမြစ်များ

Matthieu 17:17

Jésus amavovo n’angô mbe: Ti anye asi pitsi yedi nôndé ti asi paga n’abévi. ?Nangoomba édigaa n’anye pitsi dikee? ?Nangoomba ésipéda anye éma ékee? Vigani na muanee.

Marc 9:19

Jésus angô mbe: Anye oma apitsi yedi nôndé asi paga. ?Nangoomba édigaa n’anye pitsi dikee? ?Nangoomba ésipéda anye éma ékee? Viga na muanee.

Mayanzame 7:38

Bangôani mbe Moïse te ône amakénga na omee asô n’anyô gô tsenge émagasani. Amabaka na peeye yasô n’anyô. Amabaka gékambi va gatse ana aIsraël na môsi g’ôba amavovo n’edi gô ngongo amôkôdi aSinaï. Ameetsô na Nzambé mabégô mavôni matôétsa monyo, na amatsika mangô gôndé wa n’anyô.

Romains 3:2

Ii, na gô pie gômabôtu éwe gô éongo éAjuif, ôndé n’ebégô. Ogi aNzambé ômapanga ébuéa te gôndé Ajuif.

I Corinthiens 14:19

Ivô gô géwanyéô gédigaa asi mbumu éaNzambé ?na gôévovo mabégô mabaé, matatô mag’ôgi ôkanôni, na gôévovo mabégô mayekani mag’ôgi ôsookanôni me nangeenda nayee? Me nootéa ényôngéô évovo mabégô mabaé, matatô mbe akasô angookô mangô.

I Corinthiens 14:20

Ana aTéta n’ami gô mabégô mema nômbiaba gandé anéngé asamenya éne éénda ahngô. Gô mabégô mabévani bakani g’anéngé asamenya évanga mangô. Géé gô mane mamisôba bakani oma oodini gôéénda mangô.

Galatie 4:3

Na wa n’anyô tôndé te mônongovo. Vamabaka wa n’anyô tôgébaka ga muanéngé tômabaka te avéga éesôga ébévani éatsengene.

Philippiens 3:1

Deo noo ana aTétee n’ami, tsôkéakani gô éne émayanzéa Kumu Jésus anye. Me tseena panda na tsagogo énôomba ébeenda éne émamana me étenda kuka éamapanga. Gôndé anye ényepa gôéomba ébeendu.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

Hébreux 10:32

Bangôani mane mamabuéa gôndé anye. V’ebandô vameengéa gévede saNzambé na gôndé anye nômeena ti maguga mavôni, ivô nômasipa gétsiké gévedege.

Hébreux 5:11

We tônôtendani, tôndéké na ndongi diyekani gôénôongô gôébégô éamôsungéyi asô n’anyô, ivô édaga gôénônigôa metso gôébégô anye nôsaba na matô gôéôkô na mitéma gôéditéga.

Hébreux 5:13

One anyua ôbuba te muana av’ebene. Asamenya éne éngeendangô gôésevoa mane mamisôba na mane mabévani.

Hébreux 6:1

Mabégô mamapanga mameekédu môma mokumu aNzambé tômanéni mangô gôéwesea na gô mavo. Tôtsôpéni mane magô mbene. Môsaayi eba asangoonôa édigaa g’ôbôga ôtévo. Na wa n’anyô te mônongovo. Tômani ésiga ôbôgee, angô te meekédume mamapanga. Na mangô te mbe môma asangoongôa ényepeda amuene gôékoa môtémedi gôéba wene mônongo. Na mbe môma eetsa Nzambé môtémedi wetso gétsumé angô paga.

I Pierre 2:2

Ganyôngéô muana av’ebene anyôngéô ôbuba, anye nyôngéôni mônongovo mabégô maNzambé metsimama gômbe vanganyua anye mangô nôngavunda gô géôbogeo.

I Pierre 4:11

One asabômu évovoni, anigôé akedi meekédu maNzambé. One asabômu éyanza na mogo medi ayanzé akedi gô ngudi yaNzambé. Gômbe gô mabégô metso kumane éngabata na gôndé Nzambé gô ina aJésus‐Christ. Ondômba na ôkumaka na ngudi dindé gôndé Jésus‐Christ gô môbô na môbô. Amen.