Hébreux 4:2 - New Testament in Mitsogo

² Gôébégô wa n’anyô tômani éékédu Tsangô Eamôsôba mônongovo gameekédu ane amakénga gô tsenge émagasani. Buéyé vamookô ahngô yangô ésibé na tsoongo gô mitéma miaô te gôsiwanyé yangô na môténdéda gô mitéma miaô.

Hébreux 4:2 ပူးပေါင်းရင်းမြစ်များ

Mayanzame 13:46

Paul na Barnabas amavovo gébé na gomo mbe: Nzambé amanyôngéô mbe anye Ajuif nôpanga éékédu Mane Mamavovo amuene. Ivô anye nôkékôa mangô. N’anye nôeeséda anyene veendanye mbe: We tôsabuta monyo amôbô na môbô. Tambô, menyani mbe we tônôtôgi gôndé anye. Tôkea na gôndé ane asaba Ajuif.

Mayanzame 3:26

T’ebandô Nzambé amakudéga môyanzi edi, mapangame te gôndé anye. Amakudégéa angô na gôndé anye te mbe vangaviianye ngima mabégô manyô mabévani, anganôétsa mate.

Romains 2:25

Okô éwe Môjuif ôgebeda migemie na mitômamie tambô na gégeetéôge géne sagémbégéa sAjuif géndé na tsoongo. Okô ôsigobeda migemie na mitômamie tambô na gégeetéôge gésaba na tsoongo.

Romains 3:3

Na gô pie avo va gatse aô amatsuma Nzambé paga. ?Ivô pagaye yaô dingakoa ôgi aNzambé mbe ôsaba na ngudi-a?

I Corinthiens 13:3

Buéyé mbe nakabéké ôkitie wami wetso, na buéyé mbe neetséké ôtôe wami gôébéku gô soto ôgondoku, ôkô me tsiba n’etondo éaNzambé gô môtémami, me mbe natsôgô te bobo.

Galatie 3:2

Nanyôngéô anye nôaabéa me nyivône édué. ?Gédidi SaNzambé nômadiia sangô gô ngudi yagékeneo samige miaNzambé‐a¿ Vo nômadiia sangô vamookô anye Tsangô Eamôsôba éékédu? Nôsabômu mbe te gômeetsanye mitémamie gô Tsangô Eamôsôba.

Galatie 3:8

Matendeo MaNzambé matôévéda ébégô madeo ésibuéa mbe gôndé ane ahsaba gô éôngo éAjuif, Nzambé angeena angô ti eembe asaba n’oési te vasatsumahngô ngudi yaNzambé paga. T’ebandô Abraham ameevédu ébégôe éamôsôba mbe: Nzambé angeetsa mate gôndé mongo metso mava tsina gô ineoo.

Galatie 4:13

Anye nôsabômu ébandôe émeekéda me anye Tsangô Eamôsôba kukane éamapanga. Te vamabaka me n’ebeea.

1 Thessaloniciens 1:5

Gôébégô tômani énôéékéda Tsangô Eamôsoba éaJésus‐Christ. Nôsiikédu mangô gô mavovia matévo mookanôni. Mameekédu te na ényangee éenanôni. Enyangee te ngudi yaGédidi SaNzambé dimasumani. Na Mabégô MaPie mameekédu gébé na buétsé gôndé anye. Anye nôsabômu gamadigaa we va gatse anye gôénônyepeda.

1 Thessaloniciens 2:13

Na gôndéké na yene ébégô ésatsika we ékuméda Nzambé gôndé anye. Vameekéda we anye Matendeo MaNzambé, nômookéô mangô na nômasinga mangô, ti pidi mbe ôgi aNzambé, kaka mavovia mamôma. Na mandéké te ôgi aNzambé. T’ebandô mandé na ngudi gô mitéma mianyô nosamatsuma paga.

I Timothée 4:8

Ene éénda môma agémbôga gôépupéda ôtôe wedi, éndé pesu na tsoongo. Géé, éne éénda môma agémbôga gôévambéda na éne ényôngéô Nzambé, te éne éôtéa na tsoongo gô monyo agô tsina na ône ôvigani ag’ôba.

Hébreux 11:6

Tambô gôsaba môma oongôa étubéda Nzambé gényônga ôkô angô andé na paga. Endé te nane. One awesea na gôndé Nzambé te ône eetsa môtémee wetso gébé na paga mbe Nzambé andéké, na mbe Nzambé amenya étsutsuga gôndé ane amôbutani.

Hébreux 3:12

Me, môtendine agésangôge egé, nanôevéda mbe: Wemani mitéma mianyô, anye ana aTéta agô mbumu éaNzambé. Kabaga mine mianyô dôta midenganô n’ebéva na paga gôénôtongéda gôdagôda na Nzambé, Kumu amonyo.

Hébreux 4:6

Ane amapanga éékédu Tsangô Eamôsôba v’ebandô asiengé na gô gévôgiméô te gô pagaye yaô. Te gamadugédu ôvangee gôndé avo gôéengéa ngu na deo noo.

Jacques 1:21

T’ebandô tsikani ésima éetso énde éevindô na mayanza metso mabévani. Bakani na mitéma mimasumani gôédiia Mane Mamavovo Nzambé metso makuyiô mitéma mianyô. Te mabégô mema mooboo anye.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.