Hébreux 3:6 - New Testament in Mitsogo

⁶ Ivô Jésus‐Christ amabaka na môvinéné gô éyanzee éedi. Angô Muana, ameetsô ôtômu na Tétedi gôétôma eba aNzambé wetso. Wa n’anyô te ebedi ôkô tôsamôtsuma paga na tôétsa mitémamie gôndé ône atôténdédani.

Hébreux 3:6 ပူးပေါင်းရင်းမြစ်များ

Matthieu 10:22

Oma muetso ahngavinga anye gôébégô nôndéké omami. One angasipa gô gékuanô ngu na v’ekôdéô, angoobou.

Matthieu 16:18

Me Jésus nagôpandôéda dôta mbe: Inee éoo te Pierre, événdégéô mbe étaé. Gô ngongo oboboe ône me nangasaa eba ôtetu mbe mbumu éami. Buéyé n’owa ôsangaba na ngudi gôébunganéda ebee ône.

Matthieu 24:13

Ivô ône angasipa gô Mabégô MaNzambé ngu na v’ekôdéô, angagoobou.

Romains 11:22

Tasani gatubéda Nzambé wa n’anyô ngeba yedi na ôpisedi. Andé n’opisa gôndé ane amakubani. Andé na ngeba gondé anye nômôgobeda n’etondo. Digaani gô ngeba yedi kabaga anye nôkeedu gakeedu mitabémie.

Romains 12:12

Tsôkéakani môténdédee ôndé n’anyô. Bibédani maguga gôéenéa éne éngayanza Kumu. Vovoni na Nzambé gédundé.

Romains 15:13

Gôsatsuma anye Nzambé paga, te mbe angô Kumu atsoongone éasô n’anyô, anôétsa gényônga sedi na gétabé sedi sapie. Okitie wanyô te môténdéda ôndé n’anyô gô ngudi yaGédidi SaNzambé.

Romains 5:2

Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

I Corinthiens 3:16

Anye nôsabômu mbe anye te eba aNzambé. Gédidi sedi gédigaa gô mitéma mianyô.

I Corinthiens 6:19

?Anye madeo nôsiôkô mbe yôtô yasô n’anyô te yeba yaGédidi SaNzambé‐a? Sangô te géne gémeetsô wa n’anyô na Nzambé gédigaa gô mitéma miasô n’anyô. Yôtôye yasô n’anyô kaka yawa n’anyôene.

II Corinthiens 6:16

?Eba ôkumédu Nzambé ôngavamba na mbumba ditoko Nzambé nayee? Gôébégô wa n’anyô tôndéké eba aNzambé ône ôdôngani. Amuene Nzambé amavovo mbe: Nandé n’ebami, nadigaa va gatse omami. Me te Nzambé éaô, ahngô dôta te anami.

Galatie 6:10

T’ebandô ôkô tôndé vangô kuka yetso tôena môkasô adagéô ébégô te gôndé wa n’anyô gôémôwedéa. Tôôtéé éwedanéa wa n’anyô asi mbumu éaNzambé.

Galatie 6:9

Va tôénda mane mamisôba tômbiavovo mbe: Tôgogi. Ogani enyepanéô ômbiatsika éoko madi na tsingô. Gôébégô mbe ôkô tôbé na môvinéné tôngadiia mamisôba vangabuéa ndéône.

Ephésiens 3:12

Okô mbe tôndé évambevo na Christ, na ôkô mbe tômamôétsa mitémamie gémôtsumé paga, tôndé ti kuanakue gôéwesea na va mbene aNzambé gébé na mikebanganô.

Colosses 1:23

Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.

1 Thessaloniciens 5:16

Tsôkéakani gô ndéô yetso.

II Thessaloniciens 2:16

Amuene Kumu asô n’anyô Jésus‐Christ, na Tétasô n’anyô Nzambé atônyôngéô na amatôétsa gô ngeba yedi gékasôgédéô gésakôdéakani, na ébégô éatsoongone éténdéda we.

I Timothée 3:15

Eébéyée nane, ôkô nadingi éviga na gôndé éwe, gésangô gegé génganigôa éwe gatôdigaa wa n’anyô asi ebee ôtômu na Nzambé. Ebee ôtômu na Nzambé te mbumu éedi, angô Kumu amonya. Angô te éengô, môsipédine amabégô mapie.

Hébreux 1:2

Ivô gô pitsiye yamôyusumédue édi Ogie ôvovo angô na wa n’anyô te Muanedi Jésus. Gô ngudi yaMuanedi, Nzambé amakana tsina n’oba. Na amakonza mbe Muanedi te ône angaba Kumu ayetso.

Hébreux 10:19

Endé te nane ana aTétee agô mbumu éaNzambé. Gô ngudi yanzina yaJésus wa n’anyô tôndé ngu gôéengéa na gô tsongo éadisambô ééndô mbe gédigaa saNzambé.

Hébreux 10:21

Wa n’anyô tôndé na môdeekedi adigondoku te môsungéyi môvôni, na angô te pene agô mbumu éaNzambé.

Hébreux 10:23

Tôsimbédéni pepe éne étôtendédani na éne étôéékédani. Tôsoongôa étsuma paga gôndé Nzambé na éne émavangéa angô wa n’anyô.

Hébreux 10:35

Tambô sipani gamasipanye v’ebandô gébé na buétsé. Môsenda ôvôni ôkeneo gôndé anye nôsipani.

Hébreux 11:1

Gôéétsa môtéma wetso gébé na paga ékegea mbe ôkina buétsé gô éne éténdéda éwe. Gôéétsa môtéma wetso gébé na paga ékegea mbe ôdigaa ti eembe ômani éena éne éténdédewe, buéyé mbe éwe madeo ôsiena éangô.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

Hébreux 4:11

Tôgényôgéni gôéengéa na gô gévôgiméôge egé saNzambé. Tôweméni kabaga gôkékôa môma ôgi aNzambé na kabaga avéa gôéengéa gô gévôgiméôge gameenda ane amasanéa gô tsenge émagasani.

Hébreux 4:14

Wa n’anyô tôndé na môdeekedi adigondoku angô môsungéyi môvôni te Jésus Muana ANzambé amabuéa na va mbene amuene Nzambé. Tambô tôsipéni gô mabégôme medi matôténdédani matônigôa dôta akasô.

Hébreux 4:16

Tôweséni gébé na buétsé, na gô gédigaa sokumaka saNzambé Kumu angeba. Vatôwesea na gôndé angô tôsingéô n’edi kokoo na tôétsô ngudi gôésipa gô ndéôye didagani.

Hébreux 6:11

We eekédi tônyôngéô mbe anye, môma na môma nôsanganzeegeda géviôviôge géne ngu na v’ekôdéô éamionyo mianyô. Buta mbe mane maténdéda anye nômadiia.

Hébreux 6:18

Vane tômenya mbe Nzambé amatôvangéa ôvanga edi na amatôsongéa inedi. Mabégô mema mabaé, Nzambé asangoongôa ékoa mangô gôépata. T’ebandô wa n’anyô tômeengéa gôésomo gôndé angô. Tôsinga gébé na paga éne émavangéa angô wa n’anyô éamane mangatôdiiani.

Hébreux 7:19

Mige na mitôma miaMoïse misibé na ngudi gôényepeda na gôédugéda monyo amôma. Ivô tômeetsô wene mônongo gôényepedu na gôédugédu. Gô ngudi yamônongo amôbaé tôwesea na gôndé Nzambé gôévamba n’edi.

I Pierre 1:8

Anye nônyôngéô Jésus‐Christ gémôene. Nômôétsa mitéma madeo nôsimôena na miso manyô. Anye nôtsôkéa na gényônga gémootéani ti v’ekôdéô agényônga. Gényôngage sanyô nôsoongôa égénigôa gandé sangô.

I Pierre 2:5

N’anye dôta nôndé mataé mamonyo. Weseani gôégésu n’edi gôésaô na Nzambé eba aGédidi. Te eba ômapuumani nôndé adeekedi adigondoku, asungéyi amatsimamani oma. Digondokuye dideekeda anye dindé na géneemba gôndé Nzambé gô ina aJésus‐Christ.

I Pierre 4:17

Géyénza gébuéyi, géne gébandôa môtsundu. Oma aNzambé to angô apanga étsundédu na Nzambé. Okô môtsundu ôbandôi na wa n’anyô oma aNzambé ?ékôdéô éamôtsundue gôndé ane akina Tsangô Eamôsôba éviga gôndé Nzambé éngaba nayee?

Gétsutsuéô 2:18

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Thyatire. Oôkôni ndongi divovo Jésus Muana ANzambé, ône andé na miso moobébayi ga soto. Na makôdô medi mandé na ngeengeyi ga kunga émakônzuni.

Gétsutsuéô 2:25

Ivô simbédani mane mandéké n’anyô ngu na vangaviga me.

Gétsutsuéô 2:26

Gôndé anye nôdiia gô ébadie égenyuni, n’anye nôénda mane manyôngéô me géniké ngima ngu na vangaviga me, nanganôétsa ényanga. Te éne émeetsô me na Téta Nzambé. Nanganôétsa ényanga gôétôma tsengeye yetso. Nôngaditôma na môtunga amuahnga ôsaba na ngeba. Tsengeye dine dingapanzéga gabuéga mbéka éebôô pingô yatsesee. Nanganôétsa na mônanga ôtanani ava maageô.

Gétsutsuéô 3:11

Me tsangaamba éviga. Simbédakani vipesuvie viangudi vindé n’anyô, kabaga nôwatô n’oma môsendee wanyô ôngadiianye gô ébadie égenyuni.