Hébreux 3:12 - New Testament in Mitsogo

¹² Me, môtendine agésangôge egé, nanôevéda mbe: Wemani mitéma mianyô, anye ana aTéta agô mbumu éaNzambé. Kabaga mine mianyô dôta midenganô n’ebéva na paga gôénôtongéda gôdagôda na Nzambé, Kumu amonyo.

Hébreux 3:12 ပူးပေါင်းရင်းမြစ်များ

Matthieu 16:16

Simon Pierre amamôaabéa mbe: Ewe te Christ, ône amatômu na Nzambé. Ewe te Muana ANzambé, angô Kumu amonyo.

Matthieu 24:4

Vane Jésus amakeneda angô mbe: Nôwema kabaga anya nôbômédu n’ene oma.

Marc 13:23

Tambô anye, bakani n’ekena. Namani éevéda anye mabégô mema madeo masibuéa.

Marc 13:33

Nôwema. Bakani géembemba géebogé. Nôsamenya nyee ôngabuéa mabégô mema.

Marc 13:9

Ivô anye bakani n’eodo gôndé anyene. Oma ahngakeda anye na gô yeba yamisoso. Ahnganôbômôa gô yeba yewanyéô. Nôngabuédu gô inami va mbene ane atômani, na va mbene amuene kumu éatsenge. Angookô inami vanganigôanye ahngô ômbanzanyô apie.

LUC TSANGO EAMOSOBA EMATENDA 21:8

Vane Jésus amakeneda ahngô mbe: Nôwema kabaga nôbômédu. Oma ayekani angaviga atsua inami gô diboe yaô mbe: Me te Christ, ône amasevôu na Nzambé. Na angavovo mbe: Ndéône ébuéyi. Tambô. Nômbiaanda ahngô.

Romains 11:21

Okô Nzambé asidagéô gôékeeda mitabémie mimabôtu na géétété, te Ajuif, asangadagéô gôékeeda na mine mimananéguni, te anye nôsibôtu gô éongo éAjuif.

I Corinthiens 10:12

T’ebandô ône atsôkéa mbe: Natemi naka môtie gésimbédu, awemé kabaga anikea ékuéa.

Colosses 2:8

Wemani kabaga môma anôtsôpa ga môédi atsôpa tsôsô na yata yedi. Yataye te mavovia mabuembe na meekédu magébé na tsoongo mamavaka môma gô éodo éedi. Ngudi yameekédume mane te veekédu mangô gô diônga na diônga, na mangô masatsikô. Madiia ngudi dôta gô ditômuye yava gatse atsina n’oba. Ebandôe éamangô kaka Christ.

1 Thessaloniciens 1:9

Muetso anigôana gamakeneanye we vamatsiga we na gôndé anye. Anigôa gamaviianye mbumbaye ngima gôégéngôga na gôndé Nzambé mbe nômôyanzéa, angô Nzambé apie Kumu amonyo.

Hébreux 10:31

Endé ti édagani gôétsôpu na mogo maNzambé ône asawani.

Hébreux 10:38

Buéyé vane, ône andé n’etsimama va miso mami adônga te gôétsangô Nzambé môtémee gémôtsumé paga. Ivô ône anika ngima, me tsangeena gényônga n’edi.

Hébreux 12:15

Wemani anyene n’anyene mbe gôsaba môma anika ngima gôénôtôga gô mate maNzambé. Wemani kabaga va gatse anyô gôba môma agono na mabunza mandôé makandani na mabévéda oma ayekani na môyobo. Pigaga gô môtéma amôma te môyobo.

Hébreux 12:22

Géé anye nôndé nômawesea na gô môkôdie ôtetu mbe Zion. Na nômawesea na gô môsenge aNzambé Kumu amonyo, te Jérusalem ag’ôba. Gône gôndéké mitônisa na mitônisa miasi g’ôba avigédu na Nzambé gôétsôkéa anye.

Hébreux 12:25

Bakani n’ekena gôégobeda ône avovo n’anye. Oma aIsraël amakina ôgie ône ava tsina ômeevéda ahngô éne émavovo Nzambé. N’ahngô asiôngôé ébusuga tsôgôône émeetsô ahngô. Eembe ti n’one atôôkô avovo ôgi ag’ôba. Okô tômôgéngôgéyi magotome masô n’anyô ?tôngabusuga ôpisedi nayee?

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

Hébreux 3:10

T’ebandô me Nzambé nandé n’opisa gôndé omee ane, Me Nzambé navovo mbe: Abômédu te na mônongoe amatasa maô. Bandôa va mbeego ahngô asamenya nzéane éami.

Hébreux 3:19

Vane wa n’anyô tôena na vede mbe omeaa asiôngôé éengéa na gô tungu éagévôgiméô, te gô pagaye yaô.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.