Hébreux 2:9 - New Testament in Mitsogo

⁹ Ivô tôena môvo, te Jésus amasugéa pesu andéô na gô tsina otômu asi g’ôba ayanzie aNzambé gôéwa gôndé oma muetso gô ngeba yaNzambé. Gô ndéô nedué tômôena abatédu na gô gédigaa sokumaka na sondômba, gôébégô éowa ôdagani ômawa angô gôndé oma.

Hébreux 2:9 ပူးပေါင်းရင်းမြစ်များ

Matthieu 16:28

Nanôbeenda ébégô édué éapie mbe avo va gatse anye nôndé éva, nôsangawa ta madeo nôsiena me, Muana Amôma naviga n’okumaka gôétôma.

Matthieu 6:28

?Tambô nôkebangana gô maduani gôndé? Tasani môngongo ôvunda éétété éagô pindi. Enyepa na yabi yaô na ébôta miônda. Ivô éangô ésatsôgô n’eyanza na ésagomo mikanda.

Marc 9:1

Jésus amoomba évovo na géômbége n’aneengie mbe: Nanôbeenda ébégô édué éapie mbe avo va gatse anye nôndé éva nôsangawa ta madeo nôsiena ôkumu aNzambé ôviga na ngudi yedi.

LUC TSANGO EAMOSOBA EMATENDA 9:27

Nanôbeenda ébégô édué éapie mbe, avo va gatse anye nôndé éva, nôsangawa ta madeo nôsiena ôkumu aNzambé ôviga.

Jean 1:29

Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Jean 10:17

Téta, ône aseendô gôényôngéô me te gôétsa me monyoe wami gôéwa, gômbe nangoomba édiia wene monyo.

Jean 12:32

Jésus angô mbe: Ivô me, vangatômbu me na va gatse atsina n’oba, nangaweseda oma na gôndé memuene.

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Jean 8:51

Nanôbeenda ébégôe édué éapie mbe, ône agobeda mane mavovo me asangatsiga gô tsenge éowa.

Jean 8:52

Vane Ajuif amatsuma Jésus paga mbe: Na gô pie vavovo éwe vane tôena mbe ôtômu na gédidi gébévani. Bonoko, Abraham amawa. Apandôédi amatasa maNzambé amawa. Géé éwe, ôénda mbe: One agobeda mane mavovo me asaviwa.

Mayanzame 2:33

Jésus amadigédu gô géeyo gémôgôô SaNzambé. Gôndé Tétedi amadiia Gédidi SaNzambé géne gémamemeoko angô na Nzambé. Jésus amatsanzabanéda sangô na gôndé wa n’anyô mônongoe ôenanye na mônongoe ôôkô anye sangô deo noo.

Mayanzame 3:13

Menyani mbe Nzambé, ône amaneegedu na Abraham na Isaac na Jacob, te Nzambéne émaneegedu na peeye yasô n’anyô, ameetsa ôndômbee wedi wetso gôndé môyanzi edi Jésus. Te ône amadeekeda anye na gôndé ane atômani. Nômamôtôna va mbene aPilate buéyé gamamyôngéô amuene Pilate émônzeegeda.

Romains 5:18

Géesédéô soma muetso gématsiga te gô ébévee éamôma môvo, Adam. Gékusédéô sagô môtsundu gôéba na monyo, gématsiga gô étsimama éamôma môvo asaba n’oési, te Jésus-Christ.

Romains 5:8

Ivô Jésus-Christ amasinga éwa gôndé wa n’anyô tômabaka tôgébaka abévie. Tôéna étondo éena Nzambé gôndé wa n’anyô oma te gô éne.

Romains 8:3

Migemie mimatsikéô we na Moïse misibé na ngudi gôndé oma gamabôtu angô gôébégô ébéva éamitéma mioma émamiyungéda. Ene ésiôngôé mige éyanza, amuene Nzambé amayanza éangô. Amakudéga Muanedi amagono na wa n’anyô oma abévani gôétônôtôa ébévee éamitéma miasô n’anyô émabôtu na môma. Na ameeséda éangô.

Romains 8:32

Nzambé asibé na ninga gôétôétsa Muanedi na amadeekeda angô gôéwa gôndé wa n’anyô muetso. Buéyé muanedi amatôétsa ?tambô na éômee éetso nayee asangatôétsa éangô?

II Corinthiens 5:15

Amawa gôndé muetso gômbe ane adôngani asangadigaadô gô monyoe ônyôngéô anguene. Ivô ahngadigaa gô monyo te gôndé ône amawa na amakunduga gôndé ahngô muetso.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Galatie 4:4

Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif.

I Timothée 2:6

Angô amadeekeda monyoe wedi amuene gôévana oma muetso mbe ahkusa g’ôvéga amane mabévani. Gô éne émeendangô gô ndéône émakônza Nzambé, tôena mbe Nzambé amanyôngéô ti na gô pie mbe akuséda oma g’ôvéga.

Hébreux 1:9

Onyôngéô éénda te mane mamatsimamani. Okina éénda ébévani. T’ebandô Nzambé, te Nzambé éoo, amagôsevoa. Môtémoo ômayôa na gényônga gô gédigaa soo sokumaka. Akoo asidigédu gô sangô.

Hébreux 10:5

T’ebandô gô ndéône émabaka Jésus mbe aviga na gô tsina, amavovo na Nzambé mbe: Ewe ôsabuta éétsô ôgondoku, na ôsabuta éétsô ôbiia. Ivô ômakônzéa me ôtô.

Hébreux 11:5

Hénoch ameetsa Nzambé môtémedi wetso gétsumé ôgi edi paga na angô asiwé ivô amatsuaô na gôndé Nzambé. Otô aHénoch ôsidenganô gôébégô Nzambé amabongo angô na gôndé amuene. Matendeo MaNzambé matônigôa mbe Hénoch madeo asitômbu na g’ôba amatubéda Nzambé gényônga.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Hébreux 2:7

Ivô ômabatéda ahngô gô vipesu viandéô andé gô tsina asi g’ôba, ayanzi aNzambé. Omamôétsa ôndômba na ôkumaka ti eembe andé môtômi môvôni.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

Hébreux 8:3

Adeekedie muetso adigondoku eengédu gô éyanzee éne gôédeekeda Nzambé dibiia na digondoku yoma. Buedi mbe ône wasô n’anyô dôto aba na sôma sedeekeda.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

I Jean 2:2

Amuene Jésus‐Christ amadeekedu na Nzambé gôéwa gômbe ébévee éasô n’anyô ésingéô kokoo. Kaka éne éasô n’anyô étévo ivô te na éne éoma muetso.

Gétsutsuéô 19:12

Miso medi moobébayi ga soto. Gô môtsé amaata épôkôdô éyekani éokumaka. Gôndé angô gômatendu ina ésoongôa môma émenya buétsé te amuene.

Gétsutsuéô 5:9

Ahmatôa émbô éamanza mbe: Ii, te éwe, gôndé éwe te kuanakue gôébongo migandamie na gôépunzua mikatékômie. Gôébégô éwe te ômayôhuni. Na g’ôwee woo ômavanéa Nzambé gôndé omedi. Gôndé omeaa amasevou gô mongo metso na gô yôgi yetso na gôndé oma muetso atsenge yetso yagô tsina.