Hébreux 2:8 - New Testament in Mitsogo

⁸ Omamôétsa ôtômu gôétôma éôma éetso. Vatôtanga mbe Nzambé ameetsa môma ôtômu gôétôma éôma éetso ékégea mbe, ti éetso éndé gô tsina otômue wedi gékôndé sôma. Buéyé mbe ébaké nane, wa n’anyô madeo tôsiena mbe môma andé na ngudi gôétôma éôma éetso.

Hébreux 2:8 ပူးပေါင်းရင်းမြစ်များ

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Jean 13:3

Amuene Jésus asibômu mbe: Me namatimôga g’ôba gôndé Nzambé gôéviga na gô tsina. Me nanganika na gôndé Nzambé. Eetsô éndéké gô tsina eenyangee émeetsô me na Nzambé.

Jean 3:35

Téta Nzambé anyôngéô Muanedi na amadeekeda mabégô metso gô tsina otômu aMuanedi.

I Corinthiens 15:27

Endéké te gatônigôu na Matendeo MaNzambé mbe: Nzambé amavumba éetso gô tsina amatambé maJésus gôéyetu. Vatôtanga mbe: éetso évumbu mbe éyetu na Christ, ivô kaka Nzambé amuene andé gô tsina amatambé maJésus. Gôébégô Nzambé te môétsine na Christ te môyetine.

Hébreux 1:13

Nzambé asiôngôé évovo ta na môsi g’ôba môvo môyanzi edi mbe: Digaaka éwe gô géeyo sami gémôgôô Ngu na vangatseda me adudeoe woo. Nakoa ahngô aka géyeteo samakôdô moo.

Hébreux 1:2

Ivô gô pitsiye yamôyusumédue édi Ogie ôvovo angô na wa n’anyô te Muanedi Jésus. Gô ngudi yaMuanedi, Nzambé amakana tsina n’oba. Na amakonza mbe Muanedi te ône angaba Kumu ayetso.

Hébreux 2:5

Menyani mbe asi g’ôba, ayanzi aNzambé asiitsô ôtômu na Nzambé gôétôma tsenge évigani éne étôvovoni.

I Pierre 3:22

Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.

Gétsutsuéô 1:18

Me te Kumu amonyo. Namawaaka, géé deo noo nandé na monyo ôsakôdéakani. Môsapie owa, na tsengene éowa ôndéké te n’ami.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.