Hébreux 2:17 - New Testament in Mitsogo

¹⁷ T’ebandô amakoga gôégono n’ana aTetee n’edi gô mabégô metso, gômbe angaba môdeekedi adigondoku, môsungéyi aô angudi na angeba vayanzangô va mbene aNzambé. Vane ébévee éamôma ésingéô kokoo.

Hébreux 2:17 ပူးပေါင်းရင်းမြစ်များ

Romains 15:17

Gô vitoone éndé me na Jésus-Christ natsôkéa éne éyanzéa me Nzambé.

Romains 5:10

Vamabaka wa n’anyô tôgébaka adudeo aNzambé, ôwa aJésus ômatôvambéda na Nzambé. Tambô na ndéône edué éka wa n’anyô évambevo na Nzambé, monyo aJésus ôndé gô mitéma misaô n’anyô ôtôôboo.

Ephésiens 2:16

Gô ngudi yowedi va gésumu sowa, Christ amanôtôa bôvingôe wetso. Va gésumuge sowa, Christ amavambéda mongome mabaé mane maka ôtô ôvo na maka n’evambevo na Nzambé.

Colosses 1:21

Va mbeego anye nômabaka gôdagôda na Nzambé gébé n’evamba n’edi. Nômabaka adudeoe wedi gôébégô éamatasa manyô mabévani na mayanza manyô mabévani.

Hébreux 10:21

Wa n’anyô tôndé na môdeekedi adigondoku te môsungéyi môvôni, na angô te pene agô mbumu éaNzambé.

Hébreux 2:11

Jésus agôgéda oma ébévee éaô. Na amuene môgôgédine, na ane agôgéduni andé ana aTétee épo. T’ebandô Jésus aseena tsoyi gôémema mbe: Adua te ana aTétee n’ami.

Hébreux 2:14

Ane atetu n’edi mbe: Anami, te oma ava tsina ahndé na yôtô na nzina. T’ebandô amuene Jésus amakoga gôéba na ôtô amôma. Jésus ameenda nane gômbe angawa na ôtô edi amôma gôébunza yabédé, ône andé na ngudi yowa.

Hébreux 2:16

Jésus asivigé na gô tsina gôéwedéa asi g’ôba ayanzie aNzambé. Te gatôtanga gô Matendeo MaNzambé mbe: Aviga gôéwedéa te ana aAbraham.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

Hébreux 3:2

Jésus amaba na môvinéné gôémana éyanzee émeetsô angô na Nzambé. Mônongovo dôta Moïse amabaka na môvinéné gôémana éyanzee éedi gô ebee wetso aNzambé.

Hébreux 3:5

Moïse va yedi kuka amabaka na môvinéné gôéyanzéa eba aNzambé wetso. Ivô amabaka môyanzi môtévo, gôénigôa éne ématômuku angô na Nzambé.

Hébreux 4:14

Wa n’anyô tôndé na môdeekedi adigondoku angô môsungéyi môvôni te Jésus Muana ANzambé amabuéa na va mbene amuene Nzambé. Tambô tôsipéni gô mabégôme medi matôténdédani matônigôa dôta akasô.

Hébreux 4:15

Nômenya mbe ?Môsungene asô n’anyô asaba na wa n’anyô go maguga matôenani‐a? ?Na g’ômbuéa ôndé na wa n’anyô‐a? Kaka nane. Andéké na wa n’anyô. Na amuene amakanégu na yabédé gô mabégô metso makanégu wa n’anyô. Na angô asikuéé gôéénda ébégô ébévani.

Hébreux 5:1

Pene adeekedi adigondoku muetso te ane amasevou va gatse oma gôéyanzéa Nzambé gôésungéa oma. Adeekeda dibiia na digondoku gôéoboo oma gô ébévee éaô.

Hébreux 5:10

Vane Nzambé amasongéda angô mbe: Ewe te môdeekedi adigondoku, môsungéyi akinde oma môbô na môbô. Mônongovo gamabaka Melchisédek.

Hébreux 5:2

Amuene môdeekedine te môma oombuéa agô môtéma gandé akedi. T’ebandô ookô na vede mane madagéô akedi vayanzahngô mabégô mabévani. Oôkô dôta gôndé ane andé g’ôdungé.

Hébreux 5:5

Gôndé Christ émabaka te mônongovo. Asitômé amuene mbe: Nangaba môdeekedi adigondoku môsungéyi va gatse oma na Nzambé. Menyani mbe te amuene Nzambé amamôsevoa vamavovo angô mbe: Ewe te Muanami Deo noo naka Tétoo.

Hébreux 6:20

Tsongo nene éndé gô ngima amôkanda ôvôni émeengéa Jésus gôndé wa n’anyô, we madeo tôsiengédu. Amakoga môdeekedi adigondoku, môsungéyi môvôni amôbô na môbô, gamabandôa Melchisédek.

Hébreux 7:26

Jésus te môdeekedi môvôni adigondoku. Mbeka angô, wa n’anyô oma mbe tôsaba na tsoongo. Andé n’etsimama éetso. Asaba n’ebéva. Asaba na ébégô ébévani ta n’evo. Amaaganédu n’oma abévani gôétômbu na gô ngongo gômadigédu angô.

Hébreux 7:28

Mitôma mimatôma Moïse mimeengéda oma gôéba adeekedi adigondoku. Omee ane te oma asanyepani ava tsina gandé wa n’anyô. Ivô ôgi aNzambé, na môsongie wedi ômasevoa Muana ANzambé, angô Kumu estimama môbô na môbô, gôéba môdeekedi môvôni adigondoku, môsungéyi oma.

Hébreux 8:1

Vootanganôni ébégô évôni édué étônigôni. Tôndéké na môdeekedi adigondoku môsungéyi môvôni. Na angô andé digaa g’ôba gô géeyo gémôgôô sangudi va kôbangô agédigaa saNzambé sokumaka. Na amuene Nzambé te kumu angudi yetso.

Hébreux 8:3

Adeekedie muetso adigondoku eengédu gô éyanzee éne gôédeekeda Nzambé dibiia na digondoku yoma. Buedi mbe ône wasô n’anyô dôto aba na sôma sedeekeda.

Hébreux 9:11

Na amuene Christ amaviga gôéba môdeekedi môvôni adigondoku môsungéyi akinde oma. Digondokuye te mane mamisôba mandéké n’asô n’anyô deo noo. Eba agébandé ôdigaangô Nzambé ootéa ényepa na ootéa ôvôni n’one ambeego. Ebee adeo noo ôsisaaô na môma na ôsaba n’evamba na tsinane édué émakanôni.