Hébreux 13:9 - New Testament in Mitsogo

⁹ Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.

Hébreux 13:9 ပူးပေါင်းရင်းမြစ်များ

Matthieu 24:24

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Matthieu 24:4

Vane Jésus amakeneda angô mbe: Nôwema kabaga anya nôbômédu n’ene oma.

LUC TSANGO EAMOSOBA EMATENDA 5:38

Môma aseenda nane. One amenyani angeetéa maduku mamiduengi gô gégôbôkô gédeedani.

Mayanzame 20:30

Buéyé na va gatse anyô gôngatimôa avo gôépatéa Mane Mamavovo Nzambé. N’avo ane ameetsa Jésus mitémamie angookô diboe yaô mbe mabégô mapie, na angakea go nzéane amabégôme mane.

Mayanzame 20:32

N’atsatsee me nanôdeekeda na gô mogo maNzambé gôésumbédu n’edi na gôékeneo n’edi gô mabégô medi metondo. Amuene andé na ngudi gôéoodeda anye. Vane anganôétsa éne ékôkégangô ga mikuanya gôndé omedi.

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

Romains 14:2

Tôkanéga te mbe, môvo aa miyakô mietso na nyama yetso. Géé môkedi madeo asioodo gô Mane Mamavovo Nzambé mameetsangô môtémee, na angô aa te môyakô ôtévo gébé na nyama.

Romains 14:6

One agobeda môsee, agobeda te gôéneegeda Kumu. One aa éetso, aa te gôénéégeda Kumu gôébégô akuméda Nzambé gô môyakôe wedi. One asaani, akina môyakô gôéneegeda Kumu na akuméda Nzambé.

I Corinthiens 6:13

Anye dôta mbe: Môyakô ômeendéô te ébuyi na ébuyi dôta émavangéô te môyakô. Ii, na gô pie. Buéyé nane Nzambé nyovo angabunzéda te éetso, na môyakôe na ébuyie. Ivô menyani mbe yôtô yasô n’anyô oma disivangô gôéénda gésasô. Yôtô yasô n’anyô dindéké te yaKumu Jésus na angô dôta andé Kumu ayôtô yasô n’anyô.

I Corinthiens 8:8

Tambô kaka môyakô ôtôweseda na gôndé Nzambé. Okô tôsiaa tôsivéa sôma. Okô tôyéé tôsidenga sôma.

II Corinthiens 1:21

Na te amuene Nzambé asapatani ameetsa wa n’anyô monyo ôvo na Christ. Te amuene Nzambé amatôsevoani amatôétsa ényangee éedi.

Galatie 6:1

Ana aTétee asi mbumu éaNzambé, ôkô ôébéyi muana aTétee n’oo ayanza ébégô ébévani, pati yebégô, anye nôndé na Gédidi SaNzambé nikéani étévéda angô nzéane éetsimama. Indakani nane gô ngeba. Na dôta gôndé anye, môma na môma awemé gôndé amuene kabaga akuba gô mane makanégu angô.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

Ephésiens 5:6

Nôkenea kabaga môma anôbômédu na mavovia maô mabueme. Te gô mônongo oési ône ôngeenanô ôpisa aNzambé ôéséda ane asamôgobedani.

Colosses 2:4

Navovo n’anye nane te kabaga môma aviga gôébôméda anye na mavovia mabuembe.

II Thessaloniciens 2:17

Tônyôngéô mbe ahngô anôyuéséda mitémamie na bôkédé. Na mbe anôétsa ngudi gôéyanza mane medi mamisôba metso, gô mavovia na gô môdigédi.

II Thessaloniciens 2:2

Nômbiasinga môma anôétsa gomo gô mitéma, na anôyungéda gô édidi mbe Kumu Jésus oombi éviga. Mavooe môma anganôbeenda nane gô meekédume vo eenda mbe apandôéda ébégô émeetsô angô na Nzambé. Mavooe dôta anganôpatéda mbe: Te Paul amatendéa we gô gésangôge nane.

I Timothée 6:20

Ah muanami Timothée, kenea n’ekenge éne émeetsô éwe na Nzambé. Ombiookô mavovia mavôni mapengana na mabégô maNzambé manganigôa asi géneenga gésaba sapie. Ane eenda mbe: Tôsabômu mabégô metso. Tambô.

I Jean 4:1

Anami amôtéma, nômbiasingana na muetso eenda mbe, me nandé na Gédidi SaNzambé. Tônegedani sangô ôkô mbe gédidige géne géviga gôndé Nzambé. Endé te nane, eekédi ayekani adiboe atsanzabani gô tsengeye yetso.

Jude 1:12

Vadigaahngô n’anyô gôéaa môambô ôaa asi mbumu éaNzambé andé gôéenza môambôe wanyô na mônongoe waô agéyuka gébévani. Aseena tsoyi gô mônongoe waô. Aaka gô môambô n’onzôô ôvôni. Ahndé ga dibôngé ditsuaô n’opunga, disanyogeda mbuua. Ahgono na éétété éamiônda ésabôtani. Buéyé gô ndéône ébôta miônda, éndé te yabi ditévo. Andé ga éétété émayuuni. Mitamba miaô misaba gô toto. Eététée éwa.

Jude 1:3

Omami amôtéma namanyôngéô énôtendéa ébégôe éagéobogeoge gématôobou, wa n’anyô muetso. Ivô n’atsatsee nookô pepe tsôvé gôénôkasôgéda mitémamie na gésangô gegé mbe: Genyani ébadie gôéebakanéda mabégô mapie mameetsa Nzambé gôndé ane amamôétsa mitémamie gémôtsumé paga. Nzambé amatôétsa mane medi mapie kukepo na koo.