Hébreux 13:8 - New Testament in Mitsogo

⁸ Jésus‐Christ asakoga. Gamabakangô va mbeego, te gandé angô deo noo, na te gangaba angô gô mbene môbô na môbô.

Hébreux 13:8 ပူးပေါင်းရင်းမြစ်များ

II Corinthiens 1:19

Wa na Timothée na Silas tômanigôa anye tsangône éaJésus‐Christ Muana ANzambé. Jésus asivigé na yôgi dibaé, ôô ôgi mbe: te nane, na ôvo ôgi mbe: kaka nane. Amaviga na ôgi ôvo aNzambé mbe: te nane.

II Corinthiens 1:20

Na gô pie divanga yetso dimavanga Nzambé gôndé wa n’anyô te Jésus atôtubéda mbe Nzambé asapata. Te gô ina aJésus‐Christ tôkuméda Nzambé vatôaabéa mbe: Amen, ébaké te nane.

Hébreux 1:12

Ongavutéga éangô gavutéga môma ngoyi, Na éngakou gakoga maduani. Ivô éwe ôndé te ôbéôbéô na éwe ôsangadômbéa.

Jacques 1:17

Ekamô éetso na éenza éetso éamisôba éviga g’ôba gôndé Nzambé angô te môvangi agévede. Amuene asakoga na asaba na gédinadina gépenganani.

Jude 1:25

Amuene te Nzambé asaba na gégoni. Ooboo wa n’anyô gô ngudi yaKumu asô n’anyô Jésus‐Christ. Ondômbee wetso na ôkumakee wetso na ngudiye, n’enyangee émabaka n’edi na mbeego, na éndéké n’edi deo noo na éngaba n’edi môbô na môbô gékôdéé. Amen.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.

Gétsutsuéô 1:8

Kumu Nzambé avovo mbe: Me te Alpha na Oméga. Evéndégéô mbe v’ebandô ametso te me na v’ekôdéô ametso te me. One avovoni te Kumu angudi yetso. Angô amabakani ne te angô andékéni na te angô angavigani.