Hébreux 13:5 - New Testament in Mitsogo

⁵ Nômbiasinga mbe tsôvé yadode ditôma anye gô môdigédie wanyô. Tsôkéakani te éne éndé n’anye. Gôébégô Nzambé amavovo mbe: Me tsangoongôa égôtsika. Me tsanganôtôga gôégôtsika ômuene.

Hébreux 13:5 ပူးပေါင်းရင်းမြစ်များ

Matthieu 6:19

Nômbiavaga ôkitie wanyô éva gô tsengene. Gô tsengene mangbangba na nyanga ébunza éôma. Eésui apada yeba gôébongo éôma.

Matthieu 6:25

Me Jésus, nanôbeenda mbe, nômbiakebangana gô môyakô ôngaa anye, na meba manganyua anye gô monyoe ôdôô. Nômbiakebangana béyé gô maduani mangaatanye gôékenea yôtô yanyô. ?Monyoe ôsootéa môyakô‐ma? ?Otôe ôsootéa maduani‐a?

Matthieu 6:34

Nômbiakebangana gô mane mamene. Panda yamene te yamene. Inya n’enya ôndé na yedi panda.

Marc 7:22

anyima éaanga éôma, abévéda akedi, apata, adigaa ga môma avétsi môkambô. Obonedi abengôa, atsuava akedi, andé na bôpeeo, andé n’odungé.

LUC TSANGO EAMOSOBA EMATENDA 3:14

Na migode ameevôa Jean dôta mbe: ?Na we, tôénda nayee? Amongô ahngô mbe: Nômbiabanda dode yamôma gô ngudi yanyene na buembee wanyô na mônongoe wanyô apataga. Bakani n’ene évanéôkô anye n’atômie.

LUC TSANGO EAMOSOBA EMATENDA 8:14

Mine mimaaga va tungu éakavanga, te gandé oma ookô Mabégô MaNzambé na vadigaahngô mamapikaméô na matasa matsengene na ônzôô okitie, na gényônga satsengene. Gôndé ahngô Mabégô MaNzambé masaba na ngudi mbe ahngadiia ésima éamisôba.

Romains 1:29

Mitéma mioma mimayôa na mabégô metso masanyepani, na ébéva na ngusu na ôbagaa. Anyima mane maakaô, na eenda mikôbé, na masanganéda. Abôméda akaô na apatéa na atokono.

I Corinthiens 5:11

Namavovo nane gôénôongô mbe nômbiavamba na ône eenda mbe: Me te môma aChrist na angô te môkeyi agésaô, na môsi onzôô okiti, na môgebedi ambumba na môtokoni, na môsi édangi na muisui. Ti gôndé anye gôéaa tabudé épo na môma nône te édagani.

I Corinthiens 6:10

Na eesui, n’asi onzôô okitie, n’asi édangi, n’atokoni, n’asi môkôbé. Omee ane asangeengéa g’ôkumu aNzambé.

II Corinthiens 4:9

Tôdudanô n’akasô ivô Nzambé asatsika we. Tôaagédu na gô tsina ivô tôsadinga étimôga.

Ephésiens 5:3

Anye asi mbumu éaNzambé, nônasinga mbe gésasô n’esima éasangô na onzôô okiti éôkanô va gatse anyô.

Ephésiens 5:5

Votanganôni ébégô édué. G’ôkumu aChrist na aNzambé gôsaba môma agésasô na môma esima éasagô na môsi ônzôô. Gôébégô ône andé n’onzôô te môneegedi ambumba.

Colosses 3:5

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

I Timothée 3:3

Môma nône, abaké gébé na gésima senyua maduku, na gébé na masaganéda. Abaké môma amavôma na môtéma ômasumani. Abaké gébé n’onzôô okiti.

II Pierre 2:14

Ngéngé yaô dindé mitie gôékea gésasô. Ahndé na vinavina gôéénda mabégô mabévani. Eekédi adiboe akubéda ane asoongôa ésipani. Mitéma miekédi adiboe mimeekaganô n’onzôô adiiaga. Ahngô ahndé gô tsina odoku aNzambé.

II Pierre 2:3

G’ônzôô waô adiiaga ahngavooto anye na meekédu maô mooboe mavakangô, buta mbe ahngô ahtsôbôga vakambi ahngô. Môtsundédi aô andé va magô bandôa va mbeego. Môbunganédi aô andé ti gôévéngéa ahngô.

Jude 1:11

Odoku aNzambé ôndéké gôndé ahngô. Amani ésevoa nzéane émakea Caïn. Gameenda Balaam dôta g’ônzôô okitii, ameedeekeda anguene mane mapengana na matasa maNzambé. Agono dôta na Coré. Na angawa gô gékékôéô saô gamawa Coré.