Hébreux 13:3 - New Testament in Mitsogo

³ Nômbieeba asi gô eba atsôgôô. Keneani ahngô ga te anyene nôndé gô eba atsôgôô ôdigaahngô. Nômbieeba ane andé gô tsina agékuanô, wedéani ahngô ti eembe te anye nôndé gô gékuanôge gédigaahngô.

Hébreux 13:3 ပူးပေါင်းရင်းမြစ်များ

Matthieu 25:36

Vamabaka me mônyenge anye nômaatéda me môkanda. Vamabeea me, anye nômamogeda me. Vamabaka me gô eba atsôgôô, anye nômaviga gôéena me.

Matthieu 25:43

Vamabaka me môgenda anye nôsikenee me gô yeba yanyô. Vamabaka me mônyenge, anye nôsiatédé me môkanda. Vamabeea me na vamabaka me gô eba atsôgôô anye nôsikenee me.

Mayanzame 24:23

Vane amatôma môgode môvo gôékenea Paul gô eba atsôgôô gémôkaté gésengo. Angô mbe: Osinga wee yedi avigaka gôémôena na gôémôwedéa.

Mayanzame 27:3

N’ongôngôe ône tômatsega gô Sidon. Julius amakenea Paul na ngeba. Amamôsingéa mbe akee gôéduka wee yedi éne ésabaké n’edi.

Romains 12:15

Tsôkéakani n’ane atsôkéani. Déakani n’ane adéani.

I Corinthiens 12:26

Gôwangô môpéndé, môtanda ôôkô pievia. Na dôta ôkô géema gévo gékumédu, na éeme éetso éndé gôétsôkéa.

Ephésiens 4:1

Me Paul nandé môsi eba atsôgôô gôyanzéa me Kumu Jésus. Nanôtôma mbe kiakani mitie mônongovo gamanyôngéô Nzambé vamabambéa angô anye gôékea n’edi géômbé gévo gô nzéane yedi.

Colosses 4:18

Mabégô mema mamôyusumédu namatenda na misavi miami memuene mbe: Oô te me Paul. Nômbieeba mbe nandé te gô eba atsôgôô. Te mbe mate maNzambé mabaké gôndé anye.

Hébreux 10:34

Nômawanyeda moonga na maguga mameena asi tsôgôô. Vamawatô anye ôkitie wanyô ava tsina anye nômatsôkéa gôébégô nôsibômu mbe: We tôndé na wene ôkiti ôôtéa ényepa n’one n’angô te amôbô na môbô ôsangagôgani.

Hébreux 11:37

Oma aNzambé avo amatumu na mataé gôéyôhu. Avo amawa gômakitsô ahngô ébéndéké na éwasô. Amakangégu. N’avo amayôhu n’ebaga. Amakea asasangana sagôsagô, ahngô gébé na maduani ahmaata égôbôkô éamandombo na kangé. Gô éne éatsengene ahmabaka misuga na amakuanô na ahmatubédu maguga.

I Pierre 3:8

Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô.