Hébreux 13:20 - New Testament in Mitsogo

²⁰ Tôkumédéni Nzambé Kumu agétabé ône amakundua Kumu asô n’anyô Jésus va gatse ane amawani. Gô ngudi yowedi, Jésus aka môkeneyi môvôni amandombo medi. Ene émavambédu môma na Nzambé gô nzina yedi te évambee amôbô na môbô.

Hébreux 13:20 ပူးပေါင်းရင်းမြစ်များ

Matthieu 26:28

Eédi te nzina yami. Te nzina divambéda oma na Nzambé dimaaga ngu na g’ôwa gôndé oma ayekani gôésingéa ahngô kokoo gô ébévee éaô.

Marc 14:24

Jésus angô mbe: Edi te nzina yami. Te nzina divambéda oma na Nzambé. Yangô dimaaga g’ôwa gôndé oma ayekani.

LUC TSANGO EAMOSOBA EMATENDA 22:20

Amoomba ébongo gébungu vamamanahngô éaa na ameetsa aneengie sangô. Angô mbe: Gébungu gegé te gémbégéa gétubéda évamba éamanza éawene mônongo. Nôévambédu te gô nzina yami diaagi gôndé anye.

Jean 10:11

Me te môkeneyi amôsôba amandombo mami. Môkeneyi amôsôba eetsa monyo edi gôéwa gô mandombo medi.

Jean 10:14

Me te môkeneyi amôsôba amandombo mami. Gandé Téta asabômu me, na me tsamôbômu, te gandé me na mandombome mami. Me tsamabômu, na mangô dôta masabômu me. Me neetsa monyoe wami gôéwa gô mandombome mami.

Mayanzame 13:30

Ivô Nzambé amamôkundua g’ôwa.

Mayanzame 17:31

Endé te nane. Amamana ésevoa nyee ôngatsundéda angô ome muetso na môtsundu agépenganédé. Tôngatsundédu na ône amasevoa amuene gôéba môtsundédi. Ndémbone éamôtsundédine te éne émakunduu angô na Nzambé g’ôwa.

Mayanzame 2:24

Nzambé amamôkundua g’ôwa. Amamôtsôbôa ésengo éowa. Owa ôsibé n’otômu gôédingéda Jésus gô ngii.

Mayanzame 2:32

Nzambé amakundua te Jésus ôdôô. Na wa n’anyô muetso tômôeni na tômôôkiô.

Mayanzame 3:15

Gô éne nômayôhéda ône andé Kumu amonyo. Ivô Nzambé amamôkundua g’ôwa. Wa na Jean tôndé mbangi éagékundugéô sedi sowa.

Mayanzame 4:10

Vôtaganganôni ébégô édué anye nôévôi we. N’anye oma aIsraël muetso, vôtanganôni édué. Mômôgôône ôdôô atema môtie na makôdô medi va miso manyô te gô ina aJésus-Christ môsi Nazareth, ône amabôkédanye va gésumu sowa. Te ône amakunduu na Nzambé g’ôwa.

Mayanzame 5:30

Nzambé ône amaneegedu na peeye yasô n’anyô na mbeego, amanikéa éétsa Jésus monyo, ône amakomeda anye va gésumu sowa gôémôyôhéda.

Romains 1:4

Ivô gôndé Gédidi SaNzambé, tétedi te Nzambé. Vamakundugangô va gatse ane amawani, ngudi yaTétedi dimatubéda mbe Jésus te Muana ANzambé.

Romains 10:7

Ombiatsuma dôta paga gô môtémoo mbe ?ône angasuma na gô tsina na gô tungu éane amawani gôébatéda Christ indaa?

Romains 15:33

Te mbe Nzambé, môétsi agétabé abaké gôndé anye muetso. Amen.

Romains 16:20

Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga. Te mbe mate maKumu éasô nanyô Jésus mabaké gôndé anye.

Romains 8:11

Nzambé amakunda Jésus g’ôwa. Okô Gédidi sedi géne gémakundua Christ g’ôwa gôéba na monyo gédigaa gô mitéma mianyô, sangô dôta génganôétsa monyo gô yôtôye yanyô disaba na ngudi.

I Corinthiens 14:33

Nzambé kaka Kumu amabégô masagôsagô, na madiyunga. Na asanyôngéô wa n’anyô tôénda mane, ivô tôbaké gô gétabé. Indakani geenda asi mbumu éaNzambé muetso.

I Corinthiens 15:15

Na va ngongone vane, we eekédi tôpata te pataga vatôvovo mane maNzambé mbe, na gô pie amakundua Christ g’ôwa, tambô anye nôvovo mbe asimôkundué. Metso mane, ôkô mbe te na gô pie tambô ane amawani asangakunduga.

I Corinthiens 6:14

Nzambé amakundua Kumu Jésus g’ôwa. Gô ngudi yedi angatôkundua g’ôwa te mônongovo.

II Corinthiens 13:11

Te nane ana aTétee n’ami, gésoo navovi. Nakôdéyi te vane. Butani édiia étsimama. Kasôgédanani anyene n’anyene. Bakani na vitoo. Digaakani gô gétabé. Na vane, étondo éaNzambé na gétabé sedi géngaba gôndé anye.

II Corinthiens 4:14

Tôsabômu mbe Nzambé te ône amakundua Kumu Jésus g’ôwa na te angô angatôkunduani dôta g’ôwa na Jésus. Angatôtsigéda n’anye muetso géômbé gévo va mbene edi.

Galatie 1:1

Oô te me Paul nanôtendeani. One amasevoa me na amatôma me gô éyanzee édué te Jésus‐Christ na Tétedi Nzambé, ône amakundua angô g’ôwa. Gôndé oma, kaka ahngô amatôma me.

Ephésiens 1:20

te dine dimakundua Jésus g’ôwa na dimamôdigéda gô géeyo gémôgôô saNzambé gô tsenge éedi éag’ôba.

Philippiens 4:9

Indakani na ngudi yanyô yetso éne émeekédu anye na éne émeetsô anye na me. Indani dôta éne émookô anye me nanônigôa, na éne émeenanye me neenda. Amuene Nzambé, Kumu agétabé angaba n’anye.

Colosses 2:12

Endé te nane. Gô bateme émeenôô anye, nômagunyu ngii épo na Christ, na nômakunduu gékundugéô gévo n’edi. Endé nane gôébégô nôsitsumé ngudi yaNzambé paga, dine dimakundua Jésus g’ôwa.

1 Thessaloniciens 1:10

Anigôa dôta gandé anye gôéenéa génikéô saMuana ANzambé Jésus‐Christ, ône andé g’ôba. Asabômu mbe Nzambé amakundua Jésus‐Christ g’ôwa. Na te angô angatôyuua g’ôpisa aNzambé ôvigani.

1 Thessaloniciens 5:23

Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô.

II Thessaloniciens 3:16

Te mbe Kumu Jésus amuene môétsi agétabé anôsuméda mitéma gô ndéô yetso na gô minongo mietso. Te mbe abaké gôndé anye muetso.

Hébreux 10:22

Tambô tôweséni na gôndé Nzambé na mitéma miamavôma. Na tômôétsa mitéma gébé na paga gô mabégô medi metso. Buedi mbe mitéma miasô n’anyô mibaké mimagôgéani kabaga mianga miamitéma miasô mibéva. Na buéyé na yôtô yasô n’anyô diôvôu na meba masaba na mbugé na tsengesenge.

Hébreux 10:29

Tambô tasani gôndé ône eenza Jésus, Muana ANzambé. Tasani gôndé ône eenda mbe nzina dimaaga gôévambéda angô na Nzambé na gôégôgéda angô môtéma disaba na tsoongo. Na angô dôta adeta Gédidi sangeba yaNzambé. ?Gôndé angô éngaba nayee? Tôsabômu mbe tsôgôône yaô éngootéa na éne éandéô éaMoïse.

Hébreux 9:20

Vane Moïse amapandôéda mbe: Nzina yedi diitsa ngudi gô évamba éanyô na Nzambé mbe nôsipa gô éangô.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

I Pierre 2:25

Anye nômagonoko ga mandombo madimbanéyiô nzéa, ivô n’atsatsee nôniki na gôndé Christ môbôngôyi anyô na môkeneyi anyô.

I Pierre 5:4

Vangatsutsuga amuene pene akeneyi amandombo, nôngadiia gépôkôdô sôbébayi sokumaka agébungané.