Hébreux 13:18 - New Testament in Mitsogo

¹⁸ Nômbiatsika évovo na Nzambé gôndé we tônônigôa mabégô mema. Wéene tôsabômu mbe tôsadigaa n’ebégô étsundédu we na mianga miamitéma miasô, mbe tôsakônza éangô. Na tônyôngéô mbe tôbaké te nane.

Hébreux 13:18 ပူးပေါင်းရင်းမြစ်များ

Mayanzame 23:1

Paul amabono asi kundu épôni éAjuif gébé na tsoyi. Amavovo mbe: Ana aTétee n’ami, vatsundédu me na muanga amôtémami, ôseeséda me va mbene aNzambé ngu na deo noo.

Mayanzame 24:16

T’ebandô nagényôga gôédigaa kuanakue va mbene aNzambé na va gatse oma kabaga vatsundédu me na muanga amôtémami mbe ôeséda me.

Romains 12:17

Nômbiavénda môma ébévani gô éne ééndi angô anye ébévani. Indakani te mane mamisôba matévo gômbe oma angeena mônongoe wanyô.

Romains 13:13

Tôdigékéni gô ésima ésapenganani, wa n’anyô asi gô gévede. Tônôtôgéni gô évitsi na ésimee yedi éasagô, na édangi, na éagésasô, na éamasaganédana na éangusu.

Romains 15:30

Oôkôni éne énôduka me ana aTétee agô mbumu éaNzambé. Gô ina aKumu asô n’anyô Jésus-Christ, na gô étondo ématôétsô na Gédidi SaNzambé, wedéani me gô ébadi étôgenyani. Ebadie te gôévovo na Nzambé gôndé me.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

Philippiens 4:8

Endé te nane, ana aTétee. Bakani matasa manyô metso gô mane mamisôba na gô mane makumédu na Nzambé, na gô mane mapie, na mane meegoba, na mane metsimama, na mane mamagôgéani, na mane manyônganéôni na gô mane mandé kuanakue.

Colosses 4:3

Vandé anye gôévovo na Nzambé, tetani mina masô gômbe Nzambé angatôkônzéa ndéô yakuanakue gôéékéda Mane Mama vovo angô kuku yetso. Tônyôngéô énigôa mane maChrist masinigôgéôkô oma. Nandé gô tsôgôô te gô mabégôme masinigôganéôni mane.

1 Thessaloniciens 4:12

Okô nôgobedi ndongi yedi nôsangagômbéô sôma, buéyé mbe nôsaba na môma gôénôwedéa. Na dôta ane asaba oma aChrist anganôbono na angamenya gô tsina yamitéma miaô mbe: Na gô pie, gôndéké ébégô.

1 Thessaloniciens 5:25

Ana aTétee n’ami asi mbumu éaNzambé, vovoni na Nzambé gôndé we.

II Thessaloniciens 3:1

Ana aTétee n’ami asi mbumu éaNzambé, vovoni na Nzambé gôndé we gômbe mabégô metso maKumu Jésus mangoomba étsanzabana gésikamé. Na mbe mangaditédu n’akanyô gamapanganye émaditéda v’ebandô.

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

I Pierre 2:12

Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

I Pierre 3:16

Aabéani ahngô na mitéma mimasumani na mitéma miegoba, n’etsimama. Bakani mbe mianga miamitéma mianyô miseeséda anye. Buta mbe ane ahsembe anye na asunda anye gô midigédi mianyô miamisôba miitsô anye na Christ angoba na tsoyi gô mavovia maô.

I Pierre 3:21

Mebame mane mamabaka gémébégéa sabateme éne éagéobogeo sasô n’anyô deo noo. Bateme, kaka gégôgédéô sevindo éotô. Ivô bateme te môma adeekeda muanga amôtémedi na gôndé Nzambé mbe amôgôgéda. Deo noo batemene yangô éoboo wa n’anyô gô ngudi yagékundugéô saJésus‐Christ.