Hébreux 13:16 - New Testament in Mitsogo

¹⁶ Nômbieeba gôéwedanéa na gôékabanéa anyene n’anyene éne éndé n’anye. Oô te mônongoe adigondoku ônyôngéô Nzambé.

Hébreux 13:16 ပူးပေါင်းရင်းမြစ်များ

LUC TSANGO EAMOSOBA EMATENDA 18:22

Jésus n’eôkô nane, amamôtôma mbe: Gôndé éwe gôsanéyi ébégô évo. Kiaka sômbédé éetso éndé n’ewe. Obongo dodeye, ôkekabanéa na misuga. Na éwe ôngaba n’okiti g’ôba.

Mayanzame 10:38

Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.

Mayanzame 9:36

Gô môsenge aJoppé gômabaka g’ôtangôe aneengie môgeto inedi Tabitha. (G’ôgi aGrec te Dorcas. G’ôgi aGétsogo te Tsetsi.) Amayanza na pitsi n’omanda gôéénda akedi mabégô mamisôba, na gôéwedéa misuga.

Romains 12:13

Wedéani asi mbumu éaNzambé gô panda yaô. Keneani agenda na géneega.

Galatie 6:10

T’ebandô ôkô tôndé vangô kuka yetso tôena môkasô adagéô ébégô te gôndé wa n’anyô gôémôwedéa. Tôôtéé éwedanéa wa n’anyô asi mbumu éaNzambé.

Galatie 6:6

One eekéduni Tsangô Eamôsôba akabé éne éedi éetso na ône eekédani.

Ephésiens 4:28

Te mbe ône amabaka muisui anzeegede éésua. Buedi mbe ayanzé na mogome medi amuene gôédiia mane manyôngéô angô géésué. Na eetsé dôta na misugamie gô mane mayanzangô.

Philippiens 4:14

Buéyé nane, nôéndi ti éamôsôba gôégésangana n’ami gô maguga mami.

Philippiens 4:18

Menyani mbe namani édiia te éetso émakudéganye ne éndé éetso émadugani. Vavigi Epaphrodite n’atsatsee na éne émeetsanye ôbiia, tsabutadô sôma. Mane meetsanye ôbiia, magono na ôgondoku ôbékuni. Mbôngane éedi éamôsôba ébutima na gôndé Nzambé éétsa angô môgangu. Ogondokue wanyô ôsingéô na Nzambé.

1 Thessaloniciens 5:15

Keneani kabaga va gatse anyô gôbaka môma eendô ébévani na avénda te ébévani. Ivô indakani gôndé anyene na va gatse akanyô kuka yetso te mane mamisôba.

II Thessaloniciens 3:13

Géé gôndé anye ana aTéta asi mbumu éaNzambé, nômbiagogo nôndé gôéénda mane manyô mamisôba.

I Timothée 6:18

Oongô angô ndongi mbe ééndéké mayanza mamisôba na asatanganéda ôkiti ômasuégangô gô gégaa. Atanganédé te ône ômakabangô na gényônga gôéwedéa akaô mbe ône ôndé na tsoongo. Na oombéké ékaba gébé na ninga.

Philémon 1:6

Me naduka Nzambé mbe évambee éndé wa n’anyô gôsatôtsuma Nzambé paga, éngatômenyeda pepe ôkitie ôndéké n’asô n’anyô. Okitie ône te gô tôndé monyovo na Christ, ône amasevou na Nzambé.

Hébreux 6:10

Nzambé asoongôa épenganéda tsembô yedi na ôséngu edi. Andé n’oséngu gô éne éyanzanye, na gô ényônganéô éndé n’anye gôéwedéa asi mbumu éedi gô inedi ngu na deo noo.

III Jean 1:11

Omami amôtéma tsikani éénda tsingayi gô mane mabévani. Indakani tsingayi gô mane mamisôba. One eenda mane mamisôba kuka yetso, angô te môvo na Nzambé. One eenda mane mabévani miso medi masabono gôndé Nzambé.