Hébreux 12:4 - New Testament in Mitsogo

⁴ Gôébégô anye, gô ébadi égenyanye na mane mabévani, madeo nôsiyôhu na mangô gamayôhu angô.

Hébreux 12:4 ပူးပေါင်းရင်းမြစ်များ

Matthieu 24:9

Engaba mbe oma angakaba anye omami gôénôtubéda maguga na gôénôyôha. Muetso angavinga anye te gô inami.

I Corinthiens 10:13

Gôsaba ta gô éangô. Nzambé asavétsua ôvangee wedi gôétôkenea gô éne ékanégu wa n’anyô. Nzambé asasinga mbe éne ékanégu wa n’anyô éôtéa ngudiye dindé na wa n’anyô mbe tôkékôa éangô. Gô ndéône éngatsiga éne énganôkanégani, Nzambé anganôétsa ngudi gôésipa na gôékékôa gômbe nôsangakuéa.

Philippiens 2:8

Amamana pitsi yedi te andé amaasugédani. Amagobeda Téta ngu na ôwa. Amawa ôwa ôdagani ava gésumu.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Hébreux 13:13

Tambô ôkani tôkedenga angô gô kôbangô amôsenge, gôésindéa ékeengie émakeengu angô.

Gétsutsuéô 12:11

Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.

Gétsutsuéô 17:6

Nameena mbe môgeto noo andéké n’edangi. Edangie yedi te éanzina yasi mbumu éaNzambé ahmayôhu gô ina aNzambé. Nzina yaô dimaaga gôébégô ahngô ahmootéa ényôngéô Jésus na ahmasipa gô mabégô medi. Vameena me môgeto nône namasôbasôbana.

Gétsutsuéô 18:24

Môsenge aBabylone ômeetsô tsôgôô gôébégo ômadenganô na nzina yapandôédi amatasa maNzambé na yasi mbumu éaNzambé, na yane amayôhu gô tsenge yetso.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.