Hébreux 12:23 - New Testament in Mitsogo

²³ Anye nômamana éengéa na gényônga gô mbumu éana akuua aNzambé. Mina maô meetso mamamana étendu gô môsenge ag’ôba. Anye nôndé nômawesea na gôndé Nzambé, môtsundédine oma muetso, na môtsundédine edidie éoma amatsimamédu gébé n’oési va mbeego.

Hébreux 12:23 ပူးပေါင်းရင်းမြစ်များ

LUC TSANGO EAMOSOBA EMATENDA 10:20

?Anye nônyôngéô étsôkéa-a? Tsinôénda mbe nômbiatsôkéa gôgobedu anye n’edidi ébévani, ivô ootéani étsôkéa gômatendu miname manyô gô migandamie miag’ôba.

Jean 5:27

Téta ameetsa Muanee ényanga gôétsundéda oma gôébégô angô te Muana Amôma.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

I Corinthiens 13:12

Ene étôenani na éne étômenyani éaNzambé pitsi yedi te gatôbono gô géeno géndé na bobé. Ivô nyovo tôngamôena na va miso. Deo noo tsabômu te ébégô évo ivô nyoone nangamenya te metso mônongovo gamenyanganô me n’amuene Nzambé.

I Corinthiens 15:49

Tambô wa n’anyô tôgono deo noo n’one amavangô na totone na tôngagono dôta n’one amaviga g’ôba.

I Corinthiens 15:54

Vangaba yôtô yasô n’anyô édi dibooni dimakou dika disabooni, na yôtô yasô n’anyô édi diwaakani, dimakou dika disaviwaani, te vangaduga éne émavovo Nzambé gô Matendeo medi mbe: Monyo ôngatseda ôwa.

II Corinthiens 5:8

Na mitéma miasô misanika gévii. We tôndé ga môma andé g’ôgenda madeo asitsiga gô ebedi. Tôôtéa ényôngéô étsika ôtôe ôdôô gôékea gôédenga ône ôndé na Kumu.

Ephésiens 1:22

Nzambé amatsigéda éôma éetso na gô tsina amakôdô maChrist. Na vane ameetsa Christ na gô mbumu éedi mbe angaba môtsé ôtômani gô mbumu éaNzambé.

Philippiens 4:3

N’ewe môsi éyanzevo n’ami ôsiaagané n’ami gô éyanzee. Wedéa kadi yoo yagô mbumu éaNambé gôébégô ahmagenya ébadi évo n’ami gôétsanzabanéda Tsangô Eamôsôba. Na Clement te mônongovo, n’avo ayekani amayanza n’ami. Mina maô mandéké mamatendu gô môganda amonyo.

Colosses 1:12

Kumédani Téta Nzambé na gényônga gévôni. Gôébégô te angô amanôkoa gôéba kuanakue gôédiia ôkitie ômakeneo na Nzambé gô tsenge éedi éagévede. Okitie ône te gôndé asi mbumu éaNzambé.

Colosses 1:24

Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

I Timothée 3:5

?Okô môma asamenya étôma asi ebedi angoongôa étôma asi mbumu éaNzambé nayee? Asangoongôa.

Hébreux 11:4

Abel ameetsa Nzambé môtémee wetso gétsumé mitôma miedi paga na amadeekeda Nzambé ôgondoku ômootéa ényepa n’one aCaïn. Gôsibé Abel na paga, Nzambé amabono angô ti eembe asibé na ébéva. Na amasinga ôgondoku aAbel. Gô éné émayanza Abel na môtémedi wetso gôndé Nzambé atôongô ndongi deo noo buéyé mbe amamana éwa.

Hébreux 11:40

Emabaka te nane gôébégô Nzambé amabaka na yene étasa éôtéa ényepani. Te mbe omeaa, ane amapanga émôétsa mitémamie, eenéa wa n’anyô mbe tôngadiia muetso kukepo.

Hébreux 2:12

Amavovo mbe: Nzambé ami, nanganigôa ana aTétee n’ami inee éoo. Nangatôa mimbô magéneega soo va mbene asi mbumu éoo.

Hébreux 9:27

Emakitsô mbe: Môma na môma angawa te éta épo, na va mbene owa angatsundédu na Nzambé.

Jacques 1:18

Angô amatôbôta gamanyôngéô amuene gô ngudi yamabégô medi mapie gômbe wa n’anyô tôngaba ana akua gô éetso émavanga Nzambé.

I Pierre 2:23

Amamôtoko, ivô Jésus asinikédé matoki. Amamôkuana n’angô asinikédé pégôani. Jésus amadeekeda mabégô metso gôndé Nzambé môkitsi ambanza asapenganédani.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 14:4

Yôtô yaô disigésangané n’ageto ahmadeekeda yangô na gôndé Nzambé. Ahmakea nzéepo na Môpagee na gô tunguye yetso dimakeangô. Te ahngô ahmapanga éobouni va gatse omee gôédeekedu na gôndé Nzambé na Môpagee.

Gétsutsuéô 20:15

One asangadenganô inedi ématendu gô miganda miamonyo angagunyu na gô mungu asoto.

Gétsutsuéô 6:11

Ahmeetsô môvô môvô môkanda avembo na ameenda ahngô mbe: Ombani édunda vipesu. Eeneakani ana aTétee n’anyô te akanyô ane amabaka n’anyô gôéékéda mbe na ahngô ahngayôhu gamayôhu anye. Otangôe wanyô madeo ôsiduga.

Gétsutsuéô 6:9

Na vane Môpaga ômapaba môkatékôe amôtayi. Nameena gévumbéô sadigondoku. Gô tsina agévumbéôge nameena édidie éane amayôhuni ameekéda Tsangô Eamôsôba éaNzambé na amadigaa na mavôma gô mane maJésus.