Hébreux 12:22 - New Testament in Mitsogo

²² Géé anye nôndé nômawesea na gô môkôdie ôtetu mbe Zion. Na nômawesea na gô môsenge aNzambé Kumu amonyo, te Jérusalem ag’ôba. Gône gôndéké mitônisa na mitônisa miasi g’ôba avigédu na Nzambé gôétsôkéa anye.

Hébreux 12:22 ပူးပေါင်းရင်းမြစ်များ

Matthieu 16:16

Simon Pierre amamôaabéa mbe: Ewe te Christ, ône amatômu na Nzambé. Ewe te Muana ANzambé, angô Kumu amonyo.

Matthieu 5:35

Nômbiasongéa tsina gôébégôtsinane te gétukéô samakôdô maNzambé. Nômbiasongéa Jérusalem gôébégô angô te môsenge aNzambé, Kumu épôni.

Romains 11:26

Eenakani gangoobou ana aIsraël muetso gatônigôu na Matendeo maNzambé mbe: Mooboyi angaviga go Sion Anganôtôa ébévee éana aJazob

Romains 9:26

Gô tungune émabeendu oma mbe anye kaka oma aNzambé, te gô tungu nene éngookô ahngô dôta mbe: Anye nôndé ti ana aNzambé, angô Kumu amonyo.

Galatie 4:26

Ivô Jérusalem éagô tsenge éag’ôba ésaba g’ôvéga. Yangô te yeene éasô n’anyô.

Ephésiens 2:19

T’ebandô anye nôsibôtu gô éongo éAjuif, nôsabadô agenda. Nôsabadô ane asamenyanganô na Nzambé. Gô tsenge éa Nzambé nôsaba agenda, nôndé te kumu. Nôndé asi mbumu éedi.

Philippiens 3:20

Géé wa n’anyô tôsaba asi tsenge nedué. Tsengene éasô n’anyô te g’ôba gôtôbono na nzôô gôéena Mooboyi asô n’anyô Kumu Jésus‐Christ aviga.

1 Thessaloniciens 1:9

Muetso anigôana gamakeneanye we vamatsiga we na gôndé anye. Anigôa gamaviianye mbumbaye ngima gôégéngôga na gôndé Nzambé mbe nômôyanzéa, angô Nzambé apie Kumu amonyo.

II Timothée 4:18

Kumu Nzambé angayuua me gô maguga metso gôéengéda me gétabé n’ekenge g’ôkumu edi ag’ôba. Ondômbee na ôkumakee wetso ôbaké môbô na môbô gôndé angô. Amen.

Hébreux 10:31

Endé ti édagani gôétsôpu na mogo maNzambé ône asawani.

Hébreux 11:10

Abraham amaténdéda gôéengéa gô môsenge ôvôni ômasaaô g’ôbôga amôsôba. Amuene Nzambé amatasa gamanyôngéô angô môsenge ône. Na môsééne te amuene Nzambé.

Hébreux 11:16

Ahsinyimé tsengene ématôtahngô. Ahmanyima te tsengene éôtéa ényepani, te éne éag’ôba. T’ebandô Nzambé amanyôngéô étetu mbe Nzambé aô, na amakônzéa omeaa môsenge ôvôni.

Hébreux 13:14

Tsenge nedué, kaka gévôgiméô sasô n’anyô. Tôndé gôéenéa môsenge ag’ôba amôbô na môbô gôngavôgima wa n’anyô.

Hébreux 3:12

Me, môtendine agésangôge egé, nanôevéda mbe: Wemani mitéma mianyô, anye ana aTéta agô mbumu éaNzambé. Kabaga mine mianyô dôta midenganô n’ebéva na paga gôénôtongéda gôdagôda na Nzambé, Kumu amonyo.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.

Jude 1:14

Hénoch te muana aAdam. Bandôa n’Adam ngu na ndéô éaHénoch vamabaka mbumu tsambué. Hénoch amavovo va mbeego gôépandôéda mônongo ôbévani ôngaba n’eekédi adiboe. Angô mbe: Oôkôni édué. Kumu Nzambé angaviga n’asi g’ôba ayanzi edi gô nzima na nzima yamitônisa miagétangégé.

Gétsutsuéô 14:1

Vane me Jean namabono. Nameena Môpaga Endombo va ngongo amôkôdi ôtetu mbe Sion. Vamadenganô n’edi môkama amitônisa na nzima dinayi na mitônisa minayi mioma mimatendu gô diôsô yaô inedi na ina aTétedi.

Gétsutsuéô 21:10

Gédidi SaNzambé gémeengéa pepe gôndé me. Na môsi g’ôba amatsua me na gô étsakaméô éamôkôdi ôtongoni. Amatubéda me môsenge aNzambé ôéndô mbe Jérusalem. Te ône ômabaka g’ôba va kôbangô aNzambé na ômasuma na gô tsina.

Gétsutsuéô 21:2

Nameena môsenge aNzambé, te Jérusalemene éamanza, éne émasutuméa g’ôba émabaka va kôbangô aNzambé. Emasutuméa ényepani ganyepa muéba akea gôéwanyédu na mômi edi.

Gétsutsuéô 22:19

Na ôkô môma anôtôa mavo mabégôme mane mangabuéani mamatendu gô miganda miemi, Nzambé dôta anganôtôa ôkabô edi amiônda mibôta géétété géétsa monyo, na ôkabôe wedi amôsengee aNzambé ômatendu gô miganda miemi.

Gétsutsuéô 3:12

Gôndé ône adiiani gô ébadie angaba éengô ésipa ebee wetso aNzambé éami, n’angô asangakusa wangô. Nangatenda g’ôtô edi ina aNzambé éasô n’edi na ina amôsenge aNzambé. Môsenge ône te nyene Jérusalem atsatsee ôndé va kôbangô amuene Nzambé na ôngasuma g’ôba. Nangatenda g’ôtô edi dôta inami éatsatsee éndé n’ami.

Gétsutsuéô 7:2

Na nameena dôta môvo môsi g’ôba amaviga gésa géviga kômbéne amasumbéda ndémbo étubéda ina aNzambé, Kumu amonyo. Amaamugana na gôndé akedi anayi ameetsô ôtômu gôépanza tsinane na mbéye.