Hébreux 12:2 - New Testament in Mitsogo

² Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Hébreux 12:2 ပူးပေါင်းရင်းမြစ်များ

Matthieu 16:21

Bandôa nyoone Jésus amapandôéda aneengi edi na vede mbe: Engaba mbe me nangakea na gô Jérusalem gôngeena me maguga mamootéani. Peeye na tsesu yadeekedi adigondoku, n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga.

Matthieu 20:28

Béyé me Muana Amôma, vamaviga me tsivutéé mogo mami gôétôma oma. Ivô namatôma na namabanda na mogo mami. Nameetsa memuene monyo ami ngu na g’ôwa, te môvanô gôéoboo oma ayekani.

Marc 14:36

Jésus angô mbe: Ah Téta, ôsadagéô ébégô. Nôtôa me gébunguge samaguga égé. Ivô béyé nane, kaka éne ényôngéô me ééndôni, ivô te éne ényôngéô éwe.

Marc 15:28

[Te gamadugédu Matendeo MaNzambé mane matôbeenda mbe: Angô amamenyanganôkô g’ôtangôe oma abévani.]

Marc 16:19

Vamamanangô évovo nane, Kumu Jésus amabata na g’ôba gôédigaa gô géeyo gémôgôô saNzambé.

Marc 9:12

Jésus amaabéa mbe: Okô mbe éendéké gavovo anigôi amige mbe te Elie angapanga étsigani gôénikéa ékônza mabégô metso tambô ?nayee Matendeo MaNzambé mabeenda mbe me, Muana Amôma nangatubédu n’oma maguga mavôni na gékuanô?

Marc 9:24

Tsina na tsina amayavôga éaabéa mbe: Me tsatsuma paga, ivô wedéa me mbe nangeetsa môtémee wetso.

LUC TSANGO EAMOSOBA EMATENDA 17:5

Ane amasevôuni na amatômu na Jésus amavovo n’edi mbe: Kumu, kôndéga we ngudi yeétsa Nzambé mitémamie gébé na paga.

LUC TSANGO EAMOSOBA EMATENDA 23:11

Hérode na migode miedi amamôénza na amamôseka. Gô dienza yaô amamôaatéda ngoyi éokumaka na amanikéda émôkudéga na gôndé Pilate.

LUC TSANGO EAMOSOBA EMATENDA 24:26

Christ, ône amatômu na Nzambé ?mbeka awa, mbe ameengéa g’ôndômbedi-a?

Jean 1:29

Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Jean 12:24

Me nanôbeenda na gô pie mbe éso éapôtô, ôkenea éangô gégaabô gô toto éngabaka môbô te éso évo. Ivô ôkô égaabiô gô toto éngaboo na éngakanda gôébôta pingô yamiso.

Jean 12:32

Jésus angô mbe: Ivô me, vangatômbu me na va gatse atsina n’oba, nangaweseda oma na gôndé memuene.

Jean 13:3

Amuene Jésus asibômu mbe: Me namatimôga g’ôba gôndé Nzambé gôéviga na gô tsina. Me nanganika na gôndé Nzambé. Eetsô éndéké gô tsina eenyangee émeetsô me na Nzambé.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Jean 8:56

Tétanyô Abraham amanyima gévigéô sami. Ameena sangô na amatsôkéa.

Mayanzame 2:36

Buedi mbe éongo éetso éaIsraël émenya ébégôe édué. Anye nômabôkéda Jésus gô gésumu sowa. Nzambé amakônza va mbeego mbe Jésus ôdôô angaba Kumu na Christ, ône amasevou na Nzambé.

Mayanzame 3:15

Gô éne nômayôhéda ône andé Kumu amonyo. Ivô Nzambé amamôkundua g’ôwa. Wa na Jean tôndé mbangi éagékundugéô sedi sowa.

Mayanzame 5:31

Nzambé amatômba angô na g’ôba na amamôdigéda va géeyo sedi gémôgôô. Ameetsa angô ényangee. Na ameenda angô mbe: Ewe te Mooboyi oma aIsraël mbe angakoa mitéma miaô gôésingéô kokoo gô ébévee éaô.

Mayanzame 5:41

Ane amatômukuni amanôtôga gô eba amisoso. Amatsôkéa na gényônga gévôni mbe: Nzambé amasevoa we gôétubédu gékuanô saina aJésus.

I Corinthiens 1:18

Meekédume mowa aChrist gô gésumu sowa masanyônganéô n’ane akea gôébungana na eenda mangô mbe: Matsôga. Géé gôndé wa n’anyô tôndé gô nzéa éagéobogoe, meekédume mane matômenyeda ngudi yaNzambé.

I Corinthiens 1:23

Géé wa n’anyô tônigôa mbe: Christ amakomedu va gésumu sowa. Tsangô nene te éatsoyi ékuéséda Ajuif na te tsangô éatsôga gôndé ane asaba gô éongo éAjuif.

Ephésiens 2:16

Gô ngudi yowedi va gésumu sowa, Christ amanôtôa bôvingôe wetso. Va gésumuge sowa, Christ amavambéda mongome mabaé mane maka ôtô ôvo na maka n’evambevo na Nzambé.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

Philippiens 1:6

Me tsatsuma paga ta na pesu. Tsabômu mbe Nzambé, ône amabandôa n’eyanzee éamôsôba gô mitéma mianyô, asangeenzeegeda. Angeebôngaméda gôéemangôa nyoo ôngaviga Jésus‐Christ.

Philippiens 3:20

Géé wa n’anyô tôsaba asi tsenge nedué. Tsengene éasô n’anyô te g’ôba gôtôbono na nzôô gôéena Mooboyi asô n’anyô Kumu Jésus‐Christ aviga.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Hébreux 1:13

Nzambé asiôngôé évovo ta na môsi g’ôba môvo môyanzi edi mbe: Digaaka éwe gô géeyo sami gémôgôô Ngu na vangatseda me adudeoe woo. Nakoa ahngô aka géyeteo samakôdô moo.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

Hébreux 10:14

Vane tôena mbe gô ngudi yogondoku ôvo, Christ amatsimaméda va mbene aNzambé môbô na môbô ane amagôgédu ébévee éamitéma miaô, ti eembe asaba n’oési.

Hébreux 10:33

Dipo kuka nômadetu na nômabômôu va mbene oma. Dipo kuka nômadenganô gôésipéda akanyô amatubédu maguga mane.

Hébreux 11:36

Avo dôta amadetu, n’avo amabitô na mibitô. Avo amakatô ésengo na ameengedu gô yeba yatsôgôô.

Hébreux 12:3

Gôndé anye, nômbiadôdigaa gô tsina amaguga, n’anye nôgôgini, nômabiadigaadô nane. Ivô kôngédani Jésus gamasipangô gô gékuanô gévôni gémakuanô angô n’oma abévani.

Hébreux 13:13

Tambô ôkani tôkedenga angô gô kôbangô amôsenge, gôésindéa ékeengie émakeengu angô.

Hébreux 5:9

Vane vamanangô ésipa, ti v’ekôdéô éasipaga, amakoga aka ébandô éagébogeo samôbô na môbô, gôndé muetso amôgobedani.

Hébreux 7:19

Mige na mitôma miaMoïse misibé na ngudi gôényepeda na gôédugéda monyo amôma. Ivô tômeetsô wene mônongo gôényepedu na gôédugédu. Gô ngudi yamônongo amôbaé tôwesea na gôndé Nzambé gôévamba n’edi.

Hébreux 8:1

Vootanganôni ébégô évôni édué étônigôni. Tôndéké na môdeekedi adigondoku môsungéyi môvôni. Na angô andé digaa g’ôba gô géeyo gémôgôô sangudi va kôbangô agédigaa saNzambé sokumaka. Na amuene Nzambé te kumu angudi yetso.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

Jacques 2:1

Ana aTéta agô mbumu éaNzambé anye nôétsi mitéma mianyô na gôndé Jésus‐Christ Kumu agéneega setso. Nônatatôa oma gô nzoh amôkanda vo go ényepa éamôkanda.

I Pierre 1:11

Apandôédi ahmabaka na géviôviô gôébuta éménya éyénza éngavigani na mônongoe ôngaba mabégô metso gô ndéôye yangô. Ahmabuta émenya gamabendu ahngô na Gédidi SaChrist géne gémabaka gô mitéma miaô. Gédidi SaChrist gémamenyeda ahngô maguga mangeena Jésus, na ôkumakee ôngaanda mangô gô ngima.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

I Pierre 3:22

Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.

Jude 1:21

Nômbiaagana n’etondo éaNzambé. Sipani gô éangô, nôndé gôéenea monyo ôsakôdéakani, ône ôngeetsô wa n’anyô na Kumu asô n’anyô Jésus‐Christ gô ngeba yedi.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:17

Vamamôena me, namagudama na va tsina ganawéyi wakaga. Amatsakéga ôgogo edi ômôgôô gôndé me na angô mbe: Ombiookô gomo. Oô te me. V’ebandô ametso te me. V’ekôdéô ametso te me.

Gétsutsuéô 1:8

Kumu Nzambé avovo mbe: Me te Alpha na Oméga. Evéndégéô mbe v’ebandô ametso te me na v’ekôdéô ametso te me. One avovoni te Kumu angudi yetso. Angô amabakani ne te angô andékéni na te angô angavigani.

Gétsutsuéô 2:8

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Smyrne. One andé v’ebandô ametso te angô andé v’ekôdéô ametso. Na ône amawani te angô amakundugani, andé na monyo ôsakôdéakani anôétsa ndongi yedi. Oôkéôni angô.