Hébreux 12:14 - New Testament in Mitsogo

¹⁴ Gényôngani gôédigaa na gétabé n’oma muetso na gôéba na môdigédi ônyôngéô Nzambé. Okô nôsidigaa ganyôngéô Nzambé, akanyô mbe asangeena Kumu Jésus gô mônongoe wanyô.

Hébreux 12:14 ပူးပေါင်းရင်းမြစ်များ

Marc 9:50

Vianga te sôma samôsôba. ?Ivô ôkô viangô visabadô na duegi, môma angavinikéda duegi nayee? Bakani ga vianga viaduegi. Digaani na mitéma mimasumani anyene n’anyene.

LUC TSANGO EAMOSOBA EMATENDA 1:75

Ameenda nane gômbe tôngaba oma amatsimamani aNzambé na gébé n’oési va mbene edi, Pitsi yasô yetso yava tsina.

Romains 12:18

Gô gésa sanyô, ôkô mbe nôngoongôa, digaani n’oma muetso na gétabé.

Romains 14:19

Tôéndékéni éne éndé kuanakue, buta mbe tôdigaa na gétabé na vitoo gôésipanédana gô mbumu éaNzambé.

Romains 6:22

Ivô ndéô nedué nôndé nômoobou gô mabégô mabévani. Na nôndé avéga akôô aJésus gôéyanzéa Nzambé. Tsoongone yanyô te môdigédi ômagôgéani ônyôngéô Nzambé. V’ékôdéôe angô te monyo ôsakôdéakani.

I Corinthiens 1:10

Ana aTéta gô ina aKumu asô n’anyô Jésus‐Christ me nanôongô mbe: Bakani na ésinganéa gébé na tatô. Bakani n’évambevo n’etasevo gôékea nzéepo.

I Corinthiens 13:12

Ene étôenani na éne étômenyani éaNzambé pitsi yedi te gatôbono gô géeno géndé na bobé. Ivô nyovo tôngamôena na va miso. Deo noo tsabômu te ébégô évo ivô nyoone nangamenya te metso mônongovo gamenyanganô me n’amuene Nzambé.

II Corinthiens 6:17

Te gamavovo Kumu Nzambé mbe: Anye omami, nôtôgani aaganani n’ahngô Nômbiabanda ta na bandaga, mane maô mevindô Me nanganôwanyéda omami na gényônga.

II Corinthiens 7:1

Wee yami, ôvangee ône ômavanga Nzambé mbeego ôndé na ngudi gôndé wa n’anyô deo noo. Tambô tôbaké n’ekena gôébusuga mane mevindô kabaga tômagônga gôébévéda ôtô na gédidi gagônga môma mbéka éambii. Tôadeekedéni wa n’anyôene na gôndé Nzambé gôédigaa monyovo n’edi na gomo gôémôgobeda.

Galatie 3:21

?Ekegea mbe migemie mipengana na divanga yaNzambé‐a? Esakegea nane. Okô mbe gômadenganô môge ôvo ômabaka na ngudi yeetsa oma monyo, oma mbe angeenanô na Nzambé ti eembe asaba n’oési te gôkenea angô môgee ône.

Ephésiens 5:5

Votanganôni ébégô édué. G’ôkumu aChrist na aNzambé gôsaba môma agésasô na môma esima éasagô na môsi ônzôô. Gôébégô ône andé n’onzôô te môneegedi ambumba.

Philippiens 3:12

Me tsaba n’etasa mbe ne namani édiia éne émagényôga me pitsi yetso gôédiia. Me tsaba n’etasa mbe me namani ébôngama. Ivô neenda gandé ane akea pita gô tsaé gôédiia éne éamôsôba éndé gô ékôdéô. Nagémbôga gôéwesea na gôétsôpa éne éamôsôba, mônongovo gamatsôpu me dôta na Jésus‐Christ.

1 Thessaloniciens 3:13

Vane Kumu Jésus angoodeda mitéma mianyô. Nôngaba n’etsimama gébé n’oési va mbene aTétasô n’anyô Nzambé vangaviga Kumu asô n’anyô Jésus na omedi muetso.

1 Thessaloniciens 4:7

Nzambé asisevoa wa n’anyô mbe tôdigaa gô minongo mietso miagésasô. Amasevoa wa n’anyô mbe tôaagané n’ebéva gôédigaa môvo n’edi gô étsimama.

1 Thessaloniciens 5:15

Keneani kabaga va gatse anyô gôbaka môma eendô ébévani na avénda te ébévani. Ivô indakani gôndé anyene na va gatse akanyô kuka yetso te mane mamisôba.

I Timothée 6:11

Ivô éwe Timothée, ôndé môma aNzambé, tambô te buedi gôétongonéa na metso mane gôémagônga. Yanza gôédigaa gô étsimama na gôégobeda Nzambé ôndé n’edi môtémovo gémôtsumé paga. Digaa na étondo, n’obibô na sekaseka.

II Timothée 2:22

Tôngonéa pita pita na mane meenda akoo gô tsôvé yonzambu, mbe ôbusuga mangô. Wesea gôédigaa gétsumé Nzambé paga. Odigaa gô étsimama na gô étondo éapie na gétabé. Ovamba n’ane andé na mitéma mimagôgéani gôéneegeda Kumu Nzambé.

Hébreux 12:10

Tétee yasô n’anyô yava tsina atôsiséda gô éne étasa ahngô gôétôékéda gô pesu éandéô étôdigaa va tsina. Ivô Nzambé atôsiséda gôétônyepeda gômbe tôngaba n’etsimama évo n’edi éngadigaa wa n’anyô n’edi.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

I Pierre 3:11

Te buedi mbe môma nône aviié mabégô mabévani ngima, ayanzé mane mamisôba. Abéngé gétabé. Adigéé gô sangô.

I Pierre 3:13

?Indaa angavinga anye ôkô nôndé na géviôviô gô mane mamisôba?

II Pierre 3:11

?Va tôena mbe éetso éne ébandôa éwesea gôébungana, midigédi mianyô mingaba nayee? Buedi mbe ôdigédi anyô ôbaké n’etsimama môtémovo na Nzambé.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.

III Jean 1:11

Omami amôtéma tsikani éénda tsingayi gô mane mabévani. Indakani tsingayi gô mane mamisôba. One eenda mane mamisôba kuka yetso, angô te môvo na Nzambé. One eenda mane mabévani miso medi masabono gôndé Nzambé.