Hébreux 12:11 - New Testament in Mitsogo

¹¹ Gô ndéô ésisédu môma, adéa na pievia éagésisédéô sedi gémenye mbe te ébégô éamôsôba. Tambô va mbene, ône amoongu ndongi gô gésisédéô gémeetsô angô, angadiia mamisôba te gô môdigédie wedi agétabé.

Hébreux 12:11 ပူးပေါင်းရင်းမြစ်များ

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

II Corinthiens 4:17

Tômenya mbe maguga meena we madita, tambô mandé te na soa na masadingani. Na mangô matôkônzéa ôndômba ôvôni ôsakôdékani ôndé vavo na Nzambé.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Hébreux 12:10

Tétee yasô n’anyô yava tsina atôsiséda gô éne étasa ahngô gôétôékéda gô pesu éandéô étôdigaa va tsina. Ivô Nzambé atôsiséda gôétônyepeda gômbe tôngaba n’etsimama évo n’edi éngadigaa wa n’anyô n’edi.

Hébreux 5:14

One aa môyakô ôodôni te ône asabadô muanéngé na ameekeganô gôésevoa mane mamisôba na mane mabévani.

I Pierre 1:6

Gô mabégôme mane tsôkéakani. Buéyé mbe n’atsatsee gô pesu andéô mitéma mianyô mindéké gô gékuanô gô minongomie mietso.

II Pierre 2:14

Ngéngé yaô dindé mitie gôékea gésasô. Ahndé na vinavina gôéénda mabégô mabévani. Eekédi adiboe akubéda ane asoongôa ésipani. Mitéma miekédi adiboe mimeekaganô n’onzôô adiiaga. Ahngô ahndé gô tsina odoku aNzambé.