Hébreux 12:1 - New Testament in Mitsogo

¹ Wa n’anyô tôndéké tôtandaméô na oma ayekani atôbononi. Tambô tôkinédi magumba metso maditéda wa n’anyô gôékea. Tôkina na mabégô metso mabévani matôdipô tsina na tsina kabaga tôkea. Tôtômbé makôdôme gôékea na môkasa, gôédiia gô nzéane ématôtévuni.

Hébreux 12:1 ပူးပေါင်းရင်းမြစ်များ

Matthieu 10:22

Oma muetso ahngavinga anye gôébégô nôndéké omami. One angasipa gô gékuanô ngu na v’ekôdéô, angoobou.

Matthieu 24:13

Ivô ône angasipa gô Mabégô MaNzambé ngu na v’ekôdéô, angagoobou.

Marc 10:50

Vane amagunya ngoyine yedi épôni na amayavôga étimôga. Amakea na vandé Jésus.

LUC TSANGO EAMOSOBA EMATENDA 12:15

Na Jésus angô mbe: Nôwema kabaga nôba n’onzôô okiti. Buéyé mbe ôkiti ôvôni, monyo amôma ôsaba gô éne.

LUC TSANGO EAMOSOBA EMATENDA 16:28

Nandé n’aneya atayi. Akea akekenedangô na mabégô mema gômbe kabaga ahngô dôta kabaga aviga na gô gédigaa gegé samaguga.

LUC TSANGO EAMOSOBA EMATENDA 21:34

Bakani n’ekena. Nômbiasinga mitéma mianyô miyungédu na madangi na miambô. Nômbiasinga mitéma mianyô mikatanganédu na mikebanganô miamane matsengene. Kabaga nyoo ône ôvôni ôdenga anye tsina na tsina anye gébé n’etasa mbe, mavooe te deo noo.

Jean 3:32

Anigôa te mane mameenangô na mane mamookô angô, ivô gôsaba môma angamasingani.

Jean 4:39

Asamaritain ayekani, asi mbôkepo na môgeto nône, ameetsa Jésus mitéma miaô. Asitsumé Jésus paga gôébégô môgetone ameenda mbe: Môma nône apandôédi metso meenda me.

Jean 4:44

Endé te gamanigôa Jésus amuene mbe: Môpandôédi amatasa maNzambé asagobedu gô tsenge edi, buétsé te gô yaanga tsenge.

Romains 12:12

Tsôkéakani môténdédee ôndé n’anyô. Bibédani maguga gôéenéa éne éngayanza Kumu. Vovoni na Nzambé gédundé.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

II Corinthiens 7:1

Wee yami, ôvangee ône ômavanga Nzambé mbeego ôndé na ngudi gôndé wa n’anyô deo noo. Tambô tôbaké n’ekena gôébusuga mane mevindô kabaga tômagônga gôébévéda ôtô na gédidi gagônga môma mbéka éambii. Tôadeekedéni wa n’anyôene na gôndé Nzambé gôédigaa monyovo n’edi na gomo gôémôgobeda.

Galatie 2:2

Namakea gôébégô Nzambé amatubéda me mbe: Kiaka. Gô géwanyéô sane atômani namanigôa ahngô Tsangône Eamôsôba éékéda me gôndé ane ahasaba gô éongo éAjuif. Tsinyôngéô mbe éne éyanza me bandôa mbeego ngu na deo noo édimbana gébé na tsoongo.

Galatie 5:7

Nômabandôa épénda ti n’ekenge gô nzéa éapie éaNzambé. ?One amabômédu anye indaa? ?Amavovo n’anye nayee gôékoeda anye matasame?

Ephésiens 4:25

T’ebandô nanôtôma mbe: Sasani diboe. Buedi mbe môma na môma avové na môkedi mane mapie. Gôébégô tôndé muetso éeme éamôkuba ôvo.

Philippiens 1:30

Deo noo nôndé gôégenya ébadi évo n’ami te éne éagékuanô. Ebadie te éne émagenya me na mbeego na égenya me deo noo gasabômu anye.

Philippiens 2:16

Nôtana te vatsuéanye asi tsengene Tsangô éamonyo apie. Okô nôéndi nane, nanganyemôga na gényônga gôndé anye gô nyaa ôngaviga Jésus‐Christ. Na vane nangamenya mbe gô tsaéne ékea me pita pitsi yedi tsikea bobo. Eyanzee éami éndé na tsoongo.

II Timothée 2:4

Môgode atsengene anyôngéô étubéda môtômi edi gényônga gô éyanzee éedi te ône asagésangana gô monyoe oma asingaséni.

II Timothée 4:7

Me namani égenya ébadi étôgenyani. Me namani étsiga v’ekôdeô éatsaéne étôkea pita. Me tsatsuma ône ameetsa me môtémee paga.

Hébreux 6:15

Abraham amabaka na môvinéné gôéenéa ôvangee ômavangéô angô na Nzambé. Na amoodiia.

Jacques 1:3

Nôsabômu mbe vasatsuma anye ngudi yaNzambé paga nôkékôa mane makanégu anye, nôndé gôékôndégu ôbibô.

I Pierre 2:1

Viiani ngima ésima ébévani éetso. Te diboe na enyepa éamônya na ngusu na matsuavi metso.

I Pierre 4:2

Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

I Pierre 5:1

Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.

I Pierre 5:12

Oô te me Pierre na Silas, muana aTétee amavôma andé n’ami. Awedéa me gôénôtendéa vipesu viagésangô. Gésangôge egé te gôésipéda anye na gôénônigôéa mbe na gô pie ngeba yaNzambé dimavamba n’anye dindé yapie. Sipani gô mabégô mema.

II Pierre 1:6

Gô éodoe éne kôndégani gôébangôa mane mamisôba. Gô gébangôéôge géne kôndégani gôékina manyima mabévani. Gô gékinéôge géne kôndégani ôbibô. Va ngongo obibôe kôndégani gôénanama na ngaa na Nzambé.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 13:10

One ameendô mbe angatsôpu na gô tsôgôô, angatsôpu te na gô tsôgôô. One ameendô mbe angayôhu n’ebaga, angayôhu te n’ebaga. Nôeni ébandôe émeendô asi mbumu éaNzambé mbe: Bakani nômasipa n’obibô génôtôgé gôndé Jésus ône ameetsanye mitémamie gébé na buétsé.

Gétsutsuéô 22:16

Me Jésus navovoni, namavigéda môsi g’ôba, môyanzi ami na gôndé anye asi mbumu éaNzambé gôénôbeenda metso. Me navovoni te muana amabôtu na David. Me te mônanga ôtanani ava maageô.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.