Hébreux 11:7 - New Testament in Mitsogo

⁷ Noé ameetsa Nzambé môtémedi wetso na asitsumé meevédéô maNzambé paga. Buéyé mbe gamabakangô madeo asiena éne émavovo Nzambé mbe éngabuéa, Noé amasaa mbôngône. Angô na gévia sedi amoobou. Gôsibé Noé na paga, mitayimie mimeetsô angô na Nzambé mimeeséda oma muetso. Gôsitsumé angô Nzambé paga, Noé ameetsô n’edi ôséngu.

Hébreux 11:7 ပူးပေါင်းရင်းမြစ်များ

Matthieu 2:12

Nzambé amakeneda kumu yeodo évôni gô ndoti. Angô mbe: Nônanika na gôndé Hérode. Te vane kumuye dimakea nyene nzéa gôébuéa na gô tsenge yaô.

Matthieu 24:15

Nôngeena ône atetu mbe Sôma Géôtéa Ebévani angatemedu gô tsongo éadisambô édigaa Nzambé gô eba aNzambé. Te ône amanigôa Daniel, môpandôédi amatasa maNzambé. Me Jésus nanôongô ndongi nedué mbe, ône atangani aditégé ébégéôe édué.

Matthieu 24:25

Tambô anye ôôkôni. Namani énôévéda ébégôe madeo ésibuéa.

Matthieu 24:38

Menyani mbe gô ndéô nene géningôge madeo gésiviga, oma amaaka na amanyuaka. Ahmabaaka na amabeedaka anaô ngu na nyee ômapeka Noé gô mbôngône.

Matthieu 3:7

Vameena Jean pingô yApharisien na yAsadducéen ahviga gôébatésu, amavovo n’ahngô mbe: Anye nôgono na mbigé. ?Nômenya mbe nôngabusuga ôpisa aNzambé ôvigani‐a? ?Nôékédu nane na ndaa?

LUC TSANGO EAMOSOBA EMATENDA 17:26

Gameenda oma gô ndéô éaNoé te gangeendahngô gô ndéô éngaviga me Muana Amôma.

Romains 1:17

Endé te nane. Tsangône Eamôsôba édué étônigôa gatsimaméda Nzambé wa n’anyô oma va mbene edi. Atôtsimaméda vatôétsa angô mitémamie gémôtsumé paga bandôa nyee amapanga ngu na nyee amôyusumédu. Te gatôbeendu gô Matendeo MaNzambé mbe: One asaba n’oési va miso maNzambé te mômane asamôtsuma paga na amamôétsa môtémee wetso. Angô andé na monyo.

Romains 10:6

Na ôôkôni dôta éne étôbeendu gôndé ane eetsa Nzambé mitéma miaô gébé na buétsé gôétsimamédu n’edi. Etendu mbe: Ombiatsuma paga ômuene gô môtémoo mbe ?ône angabata na g’ôba gôésutuméda Christ indaa?

Romains 3:22

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

Romains 4:11

Va mbenene vane, Abraham amageetu te ndémbô émeetsô angô na Nzambé gôétubéda mbe mômane ôdôô madeo asigeetu ameetsa me môtémedi gétsumé me paga, na asabadô n’oési va mbene ame, Nzambé. T’ebandô Abraham te tétene amuetso ane asageetuni eetsa Nzambé mitéma miaô na Nzambé eena ahngô ti eembe ahsabadô n’oési.

Romains 4:13

Nzambé amavangana n’Abraham mbe: Ewe n’anoo, tsinane nyetso te mikuanya mianyô. Ovangee ône, Nzambé asiôvangé ne Abraham tsangô mbe Abraham agobeda ndongi na mige na mitôma miaNzambé. Amavangana gôébégô Nzambé ameena Abraham ti eembe asibé n’oési va mbene edi gômeetsangô Nzambé môtémedi gébé na buétsé.

Romains 9:30

?Tôngeendani vita nayee? Ekegea te nane. Ane asaba gô éongo éAjuif na asibuta étsimama ényôngéô Nzambé, ahmatsimamédu vameetsahngô Nzambé mitéma miaô gébé na buétsé, gôéenanô n’edi ti eembe ahsaba n’oési.

Galatie 5:5

Ivô gôndé wa n’anyô tsoongone éasô n’anyô te mbe tôngatsimamédu na Nzambé ti eembe tôsaba n’oési. Te éne étôenéani gô ngudi yaGédidi SaNzambé géne géyanza veetsa we Nzambé mitéma miasô n’anyô.

Philippiens 3:9

Nanyôngéô éba môvo n’edi. Tsoongôa éénda mbe gôkenea me mige mia Nzambé me tsaba n’oési va mbene éedi. Tsabômu mbe neenanô na Nzambé ti eembe tsaba n’oési, te gômeetsa me Christ môtémami wetso gémôtsumé paga. Amuene Nzambé amakônza nzéane mbe ôkô môma eetsi Jésus‐Christ môtémedi wetso gémôtsumé paga, me Nzambé nangamôbono ti eembe asaba n’oési.

Hébreux 11:1

Gôéétsa môtéma wetso gébé na paga ékegea mbe ôkina buétsé gô éne éténdéda éwe. Gôéétsa môtéma wetso gébé na paga ékegea mbe ôdigaa ti eembe ômani éena éne éténdédewe, buéyé mbe éwe madeo ôsiena éangô.

Hébreux 12:25

Bakani n’ekena gôégobeda ône avovo n’anye. Oma aIsraël amakina ôgie ône ava tsina ômeevéda ahngô éne émavovo Nzambé. N’ahngô asiôngôé ébusuga tsôgôône émeetsô ahngô. Eembe ti n’one atôôkô avovo ôgi ag’ôba. Okô tômôgéngôgéyi magotome masô n’anyô ?tôngabusuga ôpisedi nayee?

Hébreux 5:7

Jésus, gô pitsi dimadigaangô va tsina, amavovo na Nzambé na miduké na mindônga na keba. Amaduka Nzambé ône amabaka na ngudi gôémôkuséda g’ôwa. Nzambé amookô môduké aJésus gômasugéda angô amuene gôégobeda Nzambé.

Hébreux 8:5

Ene éyanza adeekedi adigondoku gô tsina, te gôékanéga éne éapie éyanza Jésus g’ôba. Tasani éne émabuéa gôndé Moïse gô ndéône émasaa angô eba agébandé ôneegedu Nzambé. Nzambé amavovo n’edi mbe: Moïse, ôba n’ekena gôésaa ti kuanakue ga gégoni gétubédiô éwe vamabaka éwe n’ami gô ngongo amôkôdi.

I Pierre 3:20

Edidie éangô ésiôkéôkô Nzambé va mbeego. Vamabibéda Nzambé abibéda ndéô diyekani gô pitsi dimasaaka Noé mbôngône. Ane amoobouni asibaké ayekani. Te oma génana amabaka gô gatse ambôngône vamapepa yangô va ngongo ameba.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

II Pierre 2:5

Buéyé ane ahmapanga na tsinane Nzambé asiene ahngô ngeba. Nzambé amavigéda géningô gémootéaka éningôe éetso gôébunga tsengene émayôaka n’ebéva. Nzambé amooboo oma génana, te gévia saNoé môékédine amabégô maNzambé.

II Pierre 3:6

Na te gô ngudi yamebame mane magéningô gévôni mbe tsinane éambeego émabungana.